হোশেয় 10:10 - Chakma Bible

¹⁰ মর্ যেক্কে হুজি সেক্কে মুই তারারে সাজা দিম; তারার্ দ্বিয়েন পাপর্ কারনে তারারে বানিবাত্তে নানান্ জাদে তারা বিরুদ্ধে এগত্তর্ অবাক্।

হোশেয় 10:10 ပူးပေါင်းရင်းမြစ်များ

১ রাজাবলী 12:28

রাজা যারবিয়ামে সেক্কে সুল্লুক্‌ গুরিনে দ্বিবে সোনার্‌ গোরু ছঅ বানেল। সে পরেন্দি তে মানুচ্চুনোরে কলদে, “যিরূশালেমত্‌ যানা তমাত্তে অমকদ দুগোর্‌ কধা। ও ইস্রায়েল, ইগুনে তমার্‌ দেবেদা, ইগুনে মিসর দেজত্তুন্‌ তমারে নিগিলেই আন্যন্‌।”

ইয়োব 39:10

চাষ্ গরেদে ভূইয়োত্ কি তুই তারে জুঙলর্ দুড়িলোই বানি পারিবে? তে কি তত্তেই কিজিঙোত্ চাষ্ গুরিবো?

যিশাইয় 1:24

সেনত্তে বেগত্তুন্ খেমতাবলা প্রভু লগেপ্রভু, ইস্রায়েলর্ সেই খেমতাবলা গোজেনে কোইয়্যেদে, “আহ্, মর্ বিপক্ষগুনো আঢত্তুন্ মুই রেহাই পেইম্ আর মঅ শত্রুগুনো উগুরে হেনা উগুরেম্।

যিরমিয় 15:6

মুই লগেপ্রভু কঙর্, তুই মরে ছাড়ি যেইয়োচ্, তুই উগুদো পধেদি যেইয়োচ্। সেনত্তে মুই তইন্দি আত্ বাবেইনে তরে ভস্ত গুরিম; মুই আর মেয়্যে গুরি ন-পারং।

যিরমিয় 16:16

“মাত্তর্ ইক্কিনে মুই বোউত্ জাল্যেরে ডাগিনে পাদেম্ আর তারা তারার মাছ ধোক্ক্যেন ধুরিবাক্। সে পরেদি মুই বোউত্ শিগেরিরে ডাগিনে পাদেম্ আর তারা পত্তিজনে দাঙর্ আর চিগোন মুড়ো আর পাত্তর ফাদাত্তুন্ তারা শিগের্ গুরি আনিবাক্।

যিরমিয় 21:4

ইস্রায়েলর গোজেন লগেপ্রভু এ কধাগান কোইয়্যেদে, ‘বাবিল রাজা আর যে বাবিলীয়গুনে দেবাল বারেত্তুন্ তরে আক্রমন গত্তন্ সিগুনো বিরুদ্ধে যুদ্ধোত্তে তঅ আঢত্ যে আত্যেরানি আঘে সিগুনোর মুয়োনি মুই ঘুরেই দিম আর শঅর ভিদিরে সিগুনোরে এগত্তর্ গুরিম।

যিহিষ্কেল 16:37

সিয়েনত্তে মুই তর্ সেই বেক্ লাঙেগুনোরে এগত্তর্ গুরিম যিগুনো সমারে তুই ফুত্তি গোজ্যস্। যিগুনোরে তুই কোচ্‌পেইয়োচ্ আর যিগুনোরে ঈচ্ গোজ্যস্ তারারে বেক্কুনোরে মুই এগত্তর্ গুরিম। মুই চেরোকিত্তেত্তুন্ তঅ বিরুদ্ধে তারারে এগত্তর্ গুরিম আর তারা মুজুঙোত্ তর্ বেক্ কাবড়-চুগোড়ানি খুলি দিম যেনে তারা তর্ লাংটা-বাংটাগান দেগন্।

যিহিষ্কেল 16:42

সে পরেদি তঅ উগুরেত্তুন মর্ রাগ্‌কান আর মনর্ জ্বালাগান থামেব। মুই শান্ত ওম, আর অহুজি ন-ওম।

যিহিষ্কেল 23:46

তুই তারা বিরুদ্ধে একদল মানুচ্ নেযা আর দর্‌‌‌‌‌‌গরেপারা আহ্ ডাগেদ আঢত্ তারারে তুলি দুয়ো।

যিহিষ্কেল 23:9

সেনত্তে মুই তারে তা লাঙুনো আঢত্, অত্তাৎ যিগুনোরে তে কামনা গুরিদো সেই আসিরিয়গুনো আঢত্ ইরি দিলুং।

যিহিষ্কেল 5:13

ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

হোশেয় 10:9

লগেপ্রভু কত্তে, “ও ইস্রায়েল, গিবিয়াত্ যেক্কে তুই পাপ গোজ্যস্ সেক্কেত্তুন্ ধুরি তুই পাপ গুরি এজর্, আর পাপ ভিদিরে তুই রোই যেইয়োচ্। যুদ্ধোগানে কি গিবিয়াত্ অন্যেয়গুরিয়্যেগুনোরে লাগদ্ ন-পেবঅ?

হোশেয় 4:19

সাজাগানে বোইয়্যের ধোক্ক্যেন গুরি যেন তারারে উরেই নেযেব; তারার্ উৎসর্বর অনুষ্ঠানানিত্তে তারা লাজ্ পেবাক্।”

হোশেয় 4:9

যেবাবোত্যেগুরি মানুচ্চুনোরে সেবাবোত্যে ধর্মগুরুগুনোরেয়ো সাজা দিয়্যে অবঅ; তারার্ আচার-বেবহারত্তে তারারে বেক্কুনোরে মুই সাজা দিম আর তারার্ কাম মজিম্ ফল দিম।

হোশেয় 8:1

তুই শিংগা বাজা। লগেপ্রভুর মানুচ্চুনোর্ বিরুদ্ধে শত্রুগুনে সাড়াল্যে চিল ধোক্ক্যেন এত্তন্, কিত্যে মানুচ্চুনে মর্ দিয়্যে সুদোমান্ অমান্য গোজ্যন আর মঅ রীদি-সুদোমানির্ বিরুদ্ধে উল্লোমী গোজ্যন্।

হোশেয় 8:10

যুনিয়ো তারা নানান্ জাদ লগে টেঙা দিইনে দাংগুত্ব গোজ্যন্ তো ইক্কিনে মুই তারারে একলগে এগত্তর্ গুরিনে সাজা দিম। তারা শাজন্‌গুরিয়্যেগুনোর্ রাজার অত্যেচারে ক্ষয় ওই যেবাক্।

মথি লেখ্যে গম্ হবর্ 22:7

সেক্কে রাজার অমকদ রাগ্ উদিলো; সেনত্যে তে সৈন্য পাধেইনে সেই খুনীগুনোরে মারে ফেলেল আর তারা শঅরান্ পুড়ি দিলাক্।

দ্বি’লম্বর বিররণ 28:63

যে খুজিলোই লগেপ্রভু তমারে ভালেদি গোজ্যে আর তমার মান্‌জ্যর সোংখ্যে বাড়েই দিয়্যে সেই খুজিলোই সেক্কে তে তমারে ভস্ত গুরিনে শেজ্‌ গুরি দিবো। যে দেজ্‌ছান তুমি গজক্ গুরিবাত্তে যর্‌ সে দেজ্‌ছানত্তুন শিঙোর্‌ সুদ্ধো তমারে তুলি ফেলা অবঅ।