ইব্রীয় 9:7 - Chakma Bible

⁷ মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।

ইব্রীয় 9:7 ပူးပေါင်းရင်းမြစ်များ

২ শমূয়েল 6:7

উষর এ ভোক্তিনেইয়্যে কামানিত্তে তা উগুরে লগেপ্রভু রাগে জুলি উদিলো। সেনত্তে লগেপ্রভু তারে আঘাত গুরিলো, আর সেক্কে তে লগেপ্রভুর সুন্দুক্কোর্‌ কায়-কুরে মুরি গেলঅ।

২ বংশধর 33:9

যিহূদা আর যিরূশালেমর মানুচ্চুনোরে মনঃশি ভান্ন্যেই পধেন্দি নেযেল; সিয়েনত্তে লগেপ্রভু ইস্রায়েলীয়গুনো মুজুঙোত্তুন্‌ যিদুক্কুন্‌ জাদরে ভস্ত গুরি দিয়্যে তারাত্তুন্‌ বেশ্‌ তারা আরঅ ভান্ন্যেই কাম্‌ গরা ধুরিলাক্‌।

গীতসংহিতা 19:12

নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যাত্রা 30:10

পাপ ঢাগিবাত্যেই পাপ-উৎসর্বর লো ডালিপূজোবো শিঙুনো উগুরে বাজেই দিইনে হারোণে বজরে একবার্‌ গুরি ডালিপূজোবো সিজি গুরি নেযেব। এধোক্ক্যেনগুরি বজরে একবার্‌ গুরি বংশর পর্‌ বংশ ধুরি দাঙর্‌ ধর্মগুরুবোত্তুন্‌ এই কামান্‌ গুরি যাহ্ পুরিবো। ইবে লগেপ্রভুর নাঙে দাঙর্‌ পবিত্র ডালিপূজো।”

যিশাইয় 28:7

মাত্তর্ ইফ্রয়িমর ধর্মগুরু আর ভাববাদীগুনে ইক্কিনে আংগুর-রস হেইনে মাত্তলে ধুরি পাগলামি গরন্ আর মদ হেইনে গোজ্যেই যান্; তারা টলদে টলদে দর্শন পান আর সে অবস্থায় রায় দুয়োন্।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 3:12

যিগুনে মঅ মানুচ্চুনোরে অত্যেচার গরন্ তারা চিগোন গুরো ধোক্ক্যেন্, আর যিগুনে তারারে শাজন্‌ গরন্ তারা মিলে ধোক্ক্যেন্। ও মঅ মানুচ্চুন্, তমারে পথ দেগেবার মানুচ্চুনে তমারে ভান্ন্যেই পধেদি নেযায়; তারা গম্ পধত্তুন্ তমারে ভান্ন্যেই পধেদি নেযায়।

যিশাইয় 9:16

যিগুনে এ জাদ মানুচ্চুনোরে পথ দেগান্ তারা তারার্ ভুল্ পধেদি নেযান্; যিগুনে তারার্ পিজেদি চলন্ তারা বুঝি ন-পারন্ তারা কুদু যাদন্।

হোশেয় 4:12

তারা গাজ মূত্তিগুনো ইধু সল্লা চান্ আর গাজ লুদিক্কুনে তারারে উগুম দে, কিয়া বেভিচার মনানে তারারে ভান্ন্যেই পধেদি নেযেয়্যে; তারা তারার্ গোজেন ইধু অবিশ্বেজি ওইয়োন্।

লেবীয় 16:34

ইবে অবঅ তমাত্তে এক্কান্‌ থিদেবর্ গোজ্যে সুদোম। বজরত্‌ একবার্‌ গুরি ইস্রায়েলীয়গুনোর্‌ বেক্‌ পাপ্পানিত্তে এ পাপ ঢাগি দিবার্‌ অনুষ্ঠানান্‌ গরা পুরিবো। মোশিরে দিয়্যে লগেপ্রভুর উগুম মজিম বেক্কানি গরা ওইয়্যে।

লেবীয় 5:18

সেক্কে তে তার্‌ দুষ্‌চান-স্বীগের গুরিবাত্তে তর্ ঠিগ্‌ গুরি দিয়্যে দামর্‌ এক্কো থুদো নেইয়্যে ভেড়া আনিনে ধর্মগুরুবোর্ আঢত্ দিবে। তে হবর্ ন-পেইনে যে অন্যেয়ান্‌ গোজ্যে সিয়েনত্যে ধর্মগুরুবো তার্‌ অন্যেয়ান্‌ ঢাগি দিবার্‌ বেবস্থা গুরিবো; সেক্কে তারে ক্ষেমা গরা অবঅ।

আমোষ 2:14

যিগুনে যাদিমাদি দাবা দি পারন তারা নিজোরে রোক্ষ্যে গুরি ন-পারিবাক্, বোলীগুনে তারার্ বলান্ দেগেই ন-পারিবাক্ আর যোদ্ধাগুনে নিজো পরাণান্ বাজেই ন-পারিবাক্।

গণাণা 15:25

ধর্মগুরুবোত্তুন্‌ গোদা ইস্রায়েল জাদ্‌তোর্‌ সেই অন্যেয়ান ঢাগি দিবার্‌ বেবস্থা গরা পুরিবো। সেক্কে তারারে ক্ষেমা গরা অবঅ, কিত্যে তারা নিজোর্ আওজে সিয়েন্‌ ন-গরন্‌ আর তারার্‌ ভুলোত্তে তারা লগেপ্রভুর নাঙে আগুন্দোই-গোজ্যে উৎসর্ব আর পাপ-উৎসর্বর সুদোম গোজ্যন।

ইফিষীয় 4:18

তারার্ মনানি আন্ধারত্ পড়ি আঘে। মনানি দরঅ বিলিনে তারা গোজেন পৌইদ্যেনে কিচ্চু কোই ন-পারন্, আর সেনত্যে গোজেনর্ দিয়্যে জিংকানিত্তুন্ তারা বোউত্ দূরোত্ আঘন।

ইব্রীয় 10:3

মাত্তর্ এই য়েমান উৎসর্বয়ানি পত্তি বজর্ নিজোর্ পাপ কধানি তারারে ইদোত্ তুলি দে,

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।