ইব্রীয় 9:6 - Chakma Bible

⁶ এবাবোত্যে গুরি বেক্কানি যুক্কোল্ অনার পরেদি ধর্মগুরুগুনে প্রায়ই তাম্বুলানর্ পত্তম ভাক্কানত্ সুমিনে গোজেনর্ সেবা গুরিদাক্;

ইব্রীয় 9:6 ပူးပေါင်းရင်းမြစ်များ

যাত্রা 27:21

এই মিলন-তাম্বুলর্‌ সাক্ষ্য-সুন্দুগো মুজুঙোত্‌ যে পর্দাগান্‌ থেবঅ‌ সেই পর্দাগানর্‌ বারেদি হারোণ আর তার্‌ পূঅগুনে সাজোন্যেত্তুন্‌ ধুরি বেন্যেমাদান সং লগেপ্রভুর্‌ মুজুঙোত্‌ চেরাক্কুন্‌ দেগাশুনো গুরিবাক্। ইস্রায়েলীয়গুনে যেনে বংশর্‌ পর্‌ বংশ্‌ ধুরিনে আজল সুদোম্‌ ইজেবে ইয়েনি পালন গরন্‌।

দানিয়েল 8:11

তে নিজোরে সেই তারাগুনোর নেতার সংসং দাবি গুরিলো। তা নাঙে গোজ্যে পত্তিদিনোর উৎসর্বর অনুষ্ঠান তে বন্ধ গুরি দিলো আর উবোসনা-ঘরান্‌অ অসিজি গরা অলঅ।

গণাণা 18:2

তুই তর্‌ পুরোণি মানুচ্চুনোর্ গুট্টিত্তুন্‌ অন্য বেক্‌ লেবীয়গুনোরে লোই আন্‌, যেনে তমা সমারে মিজেইনে তারা সাক্ষ্য-তাম্বুলো মুজুঙোত্‌ সেবা কামত্‌ তরে আর তর্‌ পূঅগুনোরে সাহায্য গুরি পারন।

গণাণা 28:3

তে তারারে এই কধাগান কবাত্তে কলঅ, আগুন্দোই-পুজ্যে উৎসর্বত্তে লগেপ্রভুর মুজুঙোত্‌ পত্তি দিনোর্ অক্ত মজিম্ পুজ্যে-উৎসর্বত্তে তমাত্তুন এক বোজোজ্যে দ্বিবে দাগ্‌-দুগ্‌ নেইয়্যে ভেড়াছাগল-ছঅ আনা পুরিবো।

রোমীয় 9:4

তারা দঅ ইস্রায়েল জাদর্ মানুচ্‌। গোজেনে তারারে পুয়ো ইজেবে অধিকার্ দিয়্যে, নিজোর্ মহিমা দেগেয়্যে, তারাত্যে বেবস্থা থিদেবর্ গোজ্জ্যে, রীদি-সুদোম দিয়্যে, তারে সেবা আর উবোসনার্ পধ্ গুরি দিয়্যে আহ্ বোউত্ এগেম্‌অ গোজ্জ্যে।

ইব্রীয় 7:11

যিগুনে ধর্মগুরুর্ কাম গুরিদাক্ সেই লেবি গুট্টিগুনোর্ কামানি উগুরে ভর্ গুরিনে গোজেনে ইস্রায়েলীয়গুনোরে তার্ রীদি-সুদোমানি দিয়্যে। লেবি বংশর ধর্মগুরুগুনোর্ কামানিলোই যুনি পূরোগান লাভ গরা যেদঅ, সালে পত্তম লেবীয় ধর্মগুরু হারোণর্ বদলে মল্কীষেদক ধোক্ক্যেন অন্য আরেক্‌‌জন ধর্মগুরু এবার্ কি দরকার এলঅ?