ইব্রীয় 9:25 - Chakma Bible

²⁵ দাঙর্ ধর্মগুরুবো য়েমান লো-লোই যেবাবোত্যে গুরি পত্তি বজর্ দাঙর্ পবিত্র জাগানত্ সমায়, খ্রীষ্ট নিজোরে বারবার্ উৎসর্ব গুরিবাত্যে সেবাবোত্যে গুরি স্বর্গত্ ন-সমায়।

ইব্রীয় 9:25 ပူးပေါင်းရင်းမြစ်များ

যাত্রা 30:10

পাপ ঢাগিবাত্যেই পাপ-উৎসর্বর লো ডালিপূজোবো শিঙুনো উগুরে বাজেই দিইনে হারোণে বজরে একবার্‌ গুরি ডালিপূজোবো সিজি গুরি নেযেব। এধোক্ক্যেনগুরি বজরে একবার্‌ গুরি বংশর পর্‌ বংশ ধুরি দাঙর্‌ ধর্মগুরুবোত্তুন্‌ এই কামান্‌ গুরি যাহ্ পুরিবো। ইবে লগেপ্রভুর নাঙে দাঙর্‌ পবিত্র ডালিপূজো।”

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:19

ভেইলগ্, যীশু খ্রীষ্টর্ লো-গানর্ গুণে সেই দাঙর্ পবিত্র জাগানত্ সোমেবার সাহচ্‌ আমার আঘে।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:2

আর সেই মজিম এক্কান তাম্বুল্ বানা ওইয়্যে। সেই তাম্বুলানর্ পত্তম ভাগত্ থেদঅ চেরাগ টগ্, টেবিল আর মুজুঙো-রুটি। এই পত্তম ভাক্কানর্ নাঙান্ এলঅ পবিত্র জাগা।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।