ইব্রীয় 9:23 - Chakma Bible

²³ যিয়েন স্বর্গীয় জিনিজোর্ বানা নকল সিয়েনি য়েমান উৎসর্বলোই সিজি গরানা দরকার এলঅ মাত্তর্ যিয়েনি আজলে স্বর্গীয় জিনিচ্‌ সিয়েনি সিজি গুরিবাত্যে আরঅ দাঙর্ উৎসর্বর দরকার।

ইব্রীয় 9:23 ပူးပေါင်းရင်းမြစ်များ

লূকে লেখ্যে গম্ হবর্ 24:26

এ দুঘ্ ভুগ্ গুরিনে কি মশীহর্ মহিমা লাভ গুরিবার্ কধা ন-এলঅ?”

যোহন 14:3

মুই যেইনে তমাত্যে জাগা থিক্ গুরিনে আরঅ ফিরি এইম্ আর মঅ ইধু তমারে নেযেম্, যেন মুই যিধু থাং তুমিয়ো সিধু থেই পারঅ।

প্রেরিত্‌ 23:15

ইক্কিনে তুমি আর দাঙর্ তেম্মাঙর্ মানুচ্চুনে এ পৌইদ্যেনে আরঅ গমেদালে বিজিরে-চেবার্ নাঙে পৌলরে তমা মুজুঙোত্ আনিবাত্যে আজল্ সেনাপতিবো ইধু হবর্ পাধ। তে ইধু লুমিবার আগে আমি তারে শেজ্ গুরি ফেলেবাত্যে যুক্কোল্ ওই আঘিই।”

কলসীয় 2:17

ইয়েনি দঅ এলঅ আগামিদি যিয়েনি অবঅ সিয়েনির ছাবা, মাত্তর্ যিয়েন আজল্ সিয়েন খ্রীষ্ট ভিদিরে আঘে।

ইব্রীয় 10:1

রীদি-সুদোমত্ যিয়েনি আঘে সিয়েনি বানা ভবিচ্চদর্ ভালেদি পৌইদ্যেনে ছাবা ধোক্ক্যেন; সিয়েনিত্ ঘেচ্চ্যেকগুরি দাঙর্ বেপারানি নেই। সেনত্যে যিগুনে গোজেনর্ উবোসনা গুরিবাত্যে এজন্ রীদি-সুদোমত্ কনদিন্অ বজরর্ পর্ বজর্ এবাবোত্যে গুরি য়েমান উৎসর্বলোই তারার্ পরিপূরোণান্ দান গুরি ন-পারে।

ইব্রীয় 10:4

কিয়া বলদ্ গোরু আর ছাগলর্ লো-গানি কনদিনঅ পাপ ধাবেই দি ন-পারে।

ইব্রীয় 8:5

ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।