ইব্রীয় 9:19 - Chakma Bible

¹⁹ বেক্‌ মানুচ্চুনো ইধু রীদি-সুদোমর্ পত্তি উগুম ফগদাং গরানার্ পর্ মোশি গোরু ছঅ আর ছাগলর্ লো ললঅ আর সিয়েন সমারে পানি মিজেইনে রাঙা রঙে রাঙেইয়্যে ভেড়ার কেশ্ আর এসোব গাজর্ ডেলালোই সিয়েন রীদি-সুদোমর্ বোইয়ো উগুরে আর মানুচ্চুনো উগুরে ছিদি দিলো।

ইব্রীয় 9:19 ပူးပေါင်းရင်းမြစ်များ

গীতসংহিতা 51:7

এসোব গাজর্ ডাল্লোই তুই মরে সিজি গর্, সিয়েন্দোই মুই সিজি ওম্; মরে ধোই ফেলা, সেক্কে মুই ধোক্ ধোক্যে ধুব্ ওম।

যাত্রা 12:22

সে পরেদি এসোব ঝুবোত্তুন্‌ এক কট্টা ডেলা নেযেইনে কদরাত্‌ রাগেয়্যে লোগানত্‌ ভুরেইনে সে লোগান্‌ দোরান তক্তার্‌ দ্বিদাগেদি আর উগুরেদি তক্তাত্‌ লিবি দিবা; আর বেন্যে পহর্‌ ন-অনা সং কনজনে ঘর বারেদি ন-যেবা।

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

লেবীয় 1:10

“এ পুজ্যে-উৎসর্ববোর্‌ অনুষ্ঠানান্‌ যুনি ভেড়া বা ছাগল্‌লোই গরা অয় সালে সিবে এক্কো থুদো নেইয়্যে পাদা ভেড়া বা ছাগল উয়ো পুরিবো।”

লেবীয় 3:6

লগেপ্রভুর্ নাঙে ভালেদি-উৎসর্বত্তে যুনি কনজনে পালত্তুন্‌ কনঅ ভেড়া বা ছাগল লোই এজন্ ছালে সিবে পাদি বা পাদা যিবে অদঅ সাৎ সিবের্‌ কিয়্যেত্‌ যেন কনঅ থুদো ন-থায়্‌।

গণাণা 19:18

সে পরেদি সিজি অবস্থায় আঘে এধোক্ক্যেন এক্কো মানুচ্‌ এসোবর্‌ কয়েক্কো ডেলা সেই পানিগানত্‌ ভুরেইনে সেই তাম্বুলোত্‌, সে ভিদিরে পজাপিরানিত্‌ আর মানুচ্চুনো উগুরে সিয়েন্‌ ছিদি দিবো। মান্‌জ্যর হাড়্‌ বা গোর্ বা মারে ফেলেয়্যে বা মুরি যেইয়্যে মান্‌জ্যরে ধোজ্যে এধোক্ক্যেন মান্‌জ্য উগুরেয়ো সেই পানিগান্‌ ছিদি দিয়্যে পুরিবো।

গণাণা 19:6

গোরুবো যেক্কে পুড়ো ধুরিবাক্‌ সেক্কে ধর্মগুরুবোত্তুন্‌ কিজু এরস গাজর তক্তা, এসোব আর রাঙা রঙয়র্‌ কেশ্‌ তা উগুরে ফেলে দিয়্যে পুরিবো।

মথি লেখ্যে গম্ হবর্ 27:28

তারা যীশুর কাবড়-চুগোড়ানি খুলিনে তারে রাঙা রঙর্ কাবড় উরেই দিলাক্।

মার্ক 15:17

তারা যীশুরে বেগুনো রঙর্ কাবড় উরেই দিলাক্, আর কাদা-লুদিলোই এক্কো মুকুট্ বানেইনে তা মাঢাবোত্ পিনেই দিলাক্।

মার্ক 15:20

যেক্কেনে তারা যীশুরে তাট্টা তামাজা গরানা শেজ্ গুরিলাক্ সে পরেদি তারা তা বিগুনী রঙর্ ঢিলেঢালা পোজাক্কান্ খুলি নেযেলাক্ আর তারার্ নিজো পোজাক্কানি উরে দিইনে তারে ক্রুশোত্ দিবাত্তে নেযা ধুরিলাক্।

যোহন 19:2

সৈন্যগুনে কাদা-লুদিলোই এক্কো মুকুট্ বানেইনে যীশু মাঢাবোত্ পিনেই দিলাক্।

যোহন 19:5

যীশু সেই কাদা বলা মুকুট্‌তো আর বিগুনো রঙর্ কাবড়ান্ উজ্যে অবস্থায় বারেদি এলঅ। সেক্কে পীলাতে মানুচ্চুনোরে কলঅ, “এইয়্যে চঅ, সে মানুচ্চো।”

ইব্রীয় 1:1

ভালোক্ দিন আগে ভাববাদীগুনোরে দিইনে গোজেনে আমা পূরোণি মানুচ্চুনো ইধু নানান্ ধগে ভালোক্ বার এক্কেনা এক্কেনা গুরি কধা কোইয়্যে।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 10:4

কিয়া বলদ্ গোরু আর ছাগলর্ লো-গানি কনদিনঅ পাপ ধাবেই দি ন-পারে।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:13

যিগুনে অসিজি অদাক্ সিগুনো উগুরে ছাগল আর বলদর্ লো বা গোরুছ-পুজ্জ্যে ছেই ছিদেনা অদঅ; সিয়েন্দোই তারার্ বারেদি কিয়্যেগান বানা সিজি ওইনে সাব্ অদঅ।

ইব্রীয় 9:18

ঠিগ্ সেবাবোত্যে গুরি পত্তম বেবস্থাগান্অ লো ছাড়া কামত্ লাগা ন-অয়।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।