ইব্রীয় 9:18 - Chakma Bible

¹⁸ ঠিগ্ সেবাবোত্যে গুরি পত্তম বেবস্থাগান্অ লো ছাড়া কামত্ লাগা ন-অয়।

ইব্রীয় 9:18 ပူးပေါင်းရင်းမြစ်များ

যাত্রা 12:22

সে পরেদি এসোব ঝুবোত্তুন্‌ এক কট্টা ডেলা নেযেইনে কদরাত্‌ রাগেয়্যে লোগানত্‌ ভুরেইনে সে লোগান্‌ দোরান তক্তার্‌ দ্বিদাগেদি আর উগুরেদি তক্তাত্‌ লিবি দিবা; আর বেন্যে পহর্‌ ন-অনা সং কনজনে ঘর বারেদি ন-যেবা।

লেবীয় 8:24

পরেদি তে হারোণর্‌ পূঅগুনো মুজুঙোত্ আনিলো আর তারার্‌ ডেন্‌ কান পাদাত্‌ আর ডেন্‌ আঢ্ আর ডেন্‌ টেঙর্‌ বুড়ো আঙুলোত্‌ কিজু লো লাগেই দিলো। ইয়েনর্ পরেদি তে পূজোবোর্‌ চেরোকিত্তে লো ছিদি দিলো।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:17

কিয়া মানুচ্ মুরিলে পরেদি দান কবলাগান্ কামত্ লাগা যায়। যে দান কবলাগান্ গোজ্জ্যে তে বাঁজি থাগদে সেই দান কবলাগান্ কামত্ লাগা ন-যায়।

ইব্রীয় 9:19

বেক্‌ মানুচ্চুনো ইধু রীদি-সুদোমর্ পত্তি উগুম ফগদাং গরানার্ পর্ মোশি গোরু ছঅ আর ছাগলর্ লো ললঅ আর সিয়েন সমারে পানি মিজেইনে রাঙা রঙে রাঙেইয়্যে ভেড়ার কেশ্ আর এসোব গাজর্ ডেলালোই সিয়েন রীদি-সুদোমর্ বোইয়ো উগুরে আর মানুচ্চুনো উগুরে ছিদি দিলো।

ইব্রীয় 9:22

মোশির্ রীদি-সুদোম মজিম প্রায় পত্তি জিনিচ্ লো-লোই সিজি গরা অয় আর লো ন-ঝুরিলে পাপর্ ক্ষেমা ন-অয়।