ইব্রীয় 9:14 - Chakma Bible

¹⁴ মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:14 ပူးပေါင်းရင်းမြစ်များ

২ শমূয়েল 4:11

সালে যিগুনে এক্কো নিদ্দুজী মান্‌জ্যরে তা নিজোর্‌ ঘরত্‌ তা নিজোর্‌ বিচ্ছোন উগুরে খুন গোজ্যেন্, মুই সেই পাজি মানুচ্চুনোরে আরঅ যে কত্তমান্‌ বেশ্ সাজা দিম্। সেনত্তে মুই তমা আঢত্তুন্‌ তার্‌ লো ঝড়ানার্‌ হেনাগান দাবি গুরিম আর পিত্তিমীর্‌ উগুরেত্তুন্‌ তমারে তুলি দিম্।”

২ রাজাবলী 19:16

ও লগেপ্রভু, কানান পাদ্, শুন্‌; ও লগেপ্রভু, তঅ চোখকুন্‌ হুল্‌, চাহ্‌; জেদা গোজেনরে অগমান গুরিবাত্তে সন্‌হেরীবে যে কধাগান্‌ কোই পাদেয়্যে সিয়েন্‌ শুন্‌।

ইয়োব 15:16

সালে মানুচ্‌ যে অমকদ বজঙ্‌ আর পানি ধোক্ক্যেন্ বজঙানি খান্‌, তে কনমতে খাটি ওই ন-পারে।

গীতসংহিতা 51:2

মর্ বেক্ অন্যেয়ানি তুই ধোই ফেলা; মর্ পাপ্পানিত্তুন্ মরে সিজি গর্।

যাত্রা 12:5

সে ছঅবুয়ো অবঅ ছাগল বা ভেড়া ছাগল ঝাগত্তুন্‌ বেঈ নেযেয়ে এক্কো এক বোজোজ্যে পাদা ছঅ। তা কিয়্যেত্‌ যেন কনজাগাত্‌ কনঅ তুদো ন-থায়্‌।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 53:9

যুনিয়ো তে কনঅ ক্ষোতি ন-গরে বা তা মুয়োত্ কনঅ ছলনার্ কধা ন-এলঅ, তো পাজিগুনো লগে তারে গোর্ দিয়্যে ওইয়্যে আর মুরিনে মুরি তে তাগোয়্যে মান্‌জ্যর সমাজ্যে ওইয়্যে।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিহিষ্কেল 45:18

মুই প্রভু লগেপ্রভু আরঅ কঙর্, তুমি পত্তম্ মাজর্ পৌইল্যা দিনোত্ এক্কো তুদো নেইয়্যে দামাড়া গোরু নিইনে উবোসনা-ঘরান্ সিজি গুরিবা।

দানিয়েল 6:26

মুই উগুম দুয়োঙর্, মঅ রেজ্যর্ বেক মানুচ্চুন যেন দানিয়েলর গোজেনরে দরান্ আর ভক্তি গরন, কিত্যে তেয়ই জেদা গোজেন আর উমরত্যে থিদেবর্। তার রেজ্যগান ভস্ত ন-অবঅ, তার রাজাগিরি কনদিন্‌অ থুম্ ন-অবঅ।

লেবীয় 22:20

দাগ্‌দুগ্‌ আঘে এধোক্ক্যেন কিজু যেন তে ন-আনে, কিত্যে সেক্কে তার কনঅ উপকারত্‌ ন-এবঅ।

গণাণা 28:11

পত্তি মাজর্ পত্তম দিন্নোত্‌ লগেপ্রভুর নাঙে পুজ্যে-উৎসর্বত্তে দ্বিবে বলদ গোরু, এক্কো ভেড়াছাগল আর এক বোজোজ্যে সাত্তো ভেড়াছাগল ছঅ উৎসর্ব গরা পুরিবো। সিগুনোর্‌ পত্তিবোর দাগ্‌-দুগ্‌ নেইয়্যে ওয়া পুরিবো।

গণাণা 28:3

তে তারারে এই কধাগান কবাত্তে কলঅ, আগুন্দোই-পুজ্যে উৎসর্বত্তে লগেপ্রভুর মুজুঙোত্‌ পত্তি দিনোর্ অক্ত মজিম্ পুজ্যে-উৎসর্বত্তে তমাত্তুন এক বোজোজ্যে দ্বিবে দাগ্‌-দুগ্‌ নেইয়্যে ভেড়াছাগল-ছঅ আনা পুরিবো।

গণাণা 28:9

জিরেবার দিন্নোত্‌ দ্বিবে এক বোজোজ্যে থুদো নেইয়্যে ভেড়াছাগলর ছঅ উৎসর্ব গরা পুরিবো। তা লগে থেবঅ তার্‌ পানীয়-উৎসর্বর্‌ জিনিস আর শোজ্য-উৎসর্বত্তে তেল্লোই মোল্যে তিন কেজি ছয়শত গ্রাম নিগুজ মোয়দে।

মথি লেখ্যে গম্ হবর্ 12:28

না, ইবে বেল্‌‌‌সবূলে নয়, মাত্তর্ গোজেনর্ আত্মা, যিবে মরে অসিজি আত্মাগুনোরে ধাবেবার্ খেমতা দিয়্যে, যিয়েন প্রমাণ ওইয়্যে যে গোজেন রেজ্যগান দঅ তমা কায়কুরে লুম্মেগি।

মথি লেখ্যে গম্ হবর্ 16:16

শিমোন-পিতরে কলঅ, “তুই সেই মশীহ, জেদা গোজেনর্ পুয়ো।”

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 7:11

তুমি বজং ওইনেয়ো যুনি নিজো পুয়ো ছাগুনোরে গম্ গম্ জিনিস দিবাত্তে জান, সালে যিগুনে তমা স্বর্গর্ বাবা ইধু চান্ তে যে তারারে গম্ গম্ জিনিস দিবো ইয়েন কত্তমান্ সত্য!

লূকে লেখ্যে গম্ হবর্ 12:24

কবাগুনো ইন্দি রিনি চঅ, তারা বীজ্-অ ন-ফেলান্ শোজ্যয়ো ন-কাবন্। তারার গুদোম্-ঘর্ বা গলাঘর্‌‌‌অ নেই; তো গোজেনে তারারে খাবায়। তুমি দঅ এ পেক্কুনোত্তুন্ আরঅ বেচ্‌ দামী।

লূকে লেখ্যে গম্ হবর্ 12:28

মাধত্ যে ঘাচ্চানি এইচ্চ্যে আঘে আর কেল্ল্যে চুলোত্ ফেলেই দিয়্যে অবঅ, গোজেনে সিয়েন যেক্কে এবাবোত্যেগুরি সাজায় সেক্কে ও কম্ বিশ্বেজিগুন, তে যে তমারে সাজেব সিয়েন্ দঅ কত্তমান্ নিশ্চয়তা!

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

যোহন 3:34

গোজেনে যিবেরে পাধেয়্যে তে গোজেনর্ কধা কয়, কিয়া গোজেনে তারে পবিত্র আত্মা মাবি ন-দে।

প্রেরিত্‌ 1:2

যে শিচ্চ্যগুনোরে তে বেঈ লোইয়্যে, তারে তুলি নিবার্ আগেদি সেই শিচ্চ্যগুনোরে তে পবিত্র আত্মালোই উগুম দিয়্যে।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 15:9

তে আমারে আর তারা ভিদিরে যুদো বিলিনে কিচ্চু ন-থয়, কিয়া তারা বিশ্বেজ্ গোজ্যন্ বিলিনে তে তারা মনানিয়ো সাব্ গোজ্যে।

রোমীয় 1:20

গোজেনর্ যেদক্কানি গুণ চোগেদি দেগা ন-যায়, অত্তাৎ তার্ উমরর্ খেমতা আর গোজেনর গুণান্ সৃট্টির আরাম্ভত্তুন্ ধুরি গমেডালে ফুদি উঠ্যে। তার্ সৃট্টিত্তুন্ ধুরি মান্‌জ্যে সিয়েন গমেদালে বুঝি পারন্। ইয়েনর্ পরেদি মান্‌জ্যর্ আর কনঅ জোব্ দিবার নেই।

রোমীয় 11:12

সালে দেগা যায়, যিহূদীগুনোর পাপর্ কারনে জগদ মানুচ্চুনোর্ বোউত্ লাভ অলঅ, অয়, তারার ক্ষতির্ কারনে অযিহূদীগুনোর্ বোউত্ লাভ অলঅ। সেনত্যে যিহূদীগুনো উগুরে গোজেনর্ পুরো আশিদ্‌বাদ্‌তান যেলক্কে লামি এবঅ, সেলক্কে তা সমারে আরঅ কত্তমান বেচ্‌ আশিদ্‌বাদ এবঅ।

রোমীয় 11:24

আজলে তুই এক্কো ঝার্‌বো জলপাই গাজর্ ডেলা এলে, আর সেই গাজ্‌চোত্তুন্ তরে কাবি লোইনে বাগান জলপাই গাজত্ এনেবাদে জড়া দিয়্যে ওইয়্যে। সালে যিগুনে সেই গাজ্‌চোর্ আজল্ ডেলা এলাক্, কত্তমান্ সহজে তারারে নিজো গাজ ইধু আরঅ জড়া দিয়্যে অবঅ।

রোমীয় 6:13

কিয়্যেগানর্ কনঅ জিনিজোরে অন্যেয় কাম্ গুরিবার্ আত্যের্ ইজেবে পাপ আঢত্ তুলি ন-দুয়ো। মরণত্তুন্ জেদা ওইয়্যে মানুচ্ ইজেবে তুমি বরং গোজেন আঢত্ নিজোরে তুলি দুয়ো আর গম্ কাম্ গুরিবার আত্যের্ ইজেবে তমা পুরো কিয়্যেগানরে গোজেনরে দি দুয়ো।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

১ করিন্হীয় 15:45

পবিত্র বোইবোত্ এবাবোত্যে গুরি লেগা আঘে, “পত্তম মানুচ্‌ আদম জেদা প্রাণী অলঅ।” আর শেজ্ আদম জিংকানিদান গুরিয়্যে আত্মা অলঅ।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”

গালাতীয় 2:19

রীতি-সুদোম দাবি-দাওয়া ইধু রীতি-সুদোম্বোই মর্ মরণ ওইয়্যে যেন মুই গোজেনত্যে বাঁজি থেই পারং।

ইফিষীয় 2:5

এই অবাধ্যগানত্যে যেক্কে আমি মরা অবস্থায় এলং সেক্কে খ্রীষ্ট সমারে তে আমারে জেদা গুরিলো।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

দ্বি’লম্বর বিররণ 15:21

মাত্তর্‌ সে য়েমানুনোর কনবোর্‌ যুনি কনঅ থুদো থায়, অত্তাৎ যুনি সিবে লেং বা কান্‌ অয় বা তার কিয়্যেত্‌ আর কনঅ দাঙর্‌ বাবোত্যে দুষ থায়, সালে সিবে তমা গোজেন লগেপ্রভুর নাঙে উৎসর্ব ন-গুরিবা।

দ্বি’লম্বর বিররণ 17:1

তমার গোজেন লগেপ্রভুর্ নাঙে তুমি এমন্‌ কনঅ গোরু বা ছাগল বা ভেড়া উৎসর্ব ন গুরিবা যিবের কনঅ দাগ্‌ বা দুষ আঘে, কিত্যে তে সিয়েনি ঘিনাই।

দ্বি’লম্বর বিররণ 31:27

তুমি যে কেধোক্ক্যেন একবুস্যে আর উল্লোমি সিয়েন মর্‌ জানা আঘে। মুই তমা সমারে বাঁজি থাগদে যেক্কে তুমি লগেপ্রভুর বিরুদ্ধে উল্লোমি গোজ্য সেক্কে মুই মুরি যানার পরেন্দি আরঅ কত্তমান্‌ সিয়েন গুরিবা।

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

দ্বি’লম্বর বিররণ 5:26

মান্‌জ্য ভিদিরে এধোক্ক্যেন কন্না আঘে, আমা ধোক্ক্যেন্‌ গুরি আগুনো ভিদিরেত্তুন্‌ জেদা গোজেনর্‌ রঅবো শুনোনার্‌ পরেন্দিয়ো বাঁজিই আঘে?

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 1:3

গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:12

মাত্তর্ যীশু পাপত্যে উমর কাল ধোক্ক্যেন বানা এক্কো উৎসর্ব গুরিনে গোজেনর্ ডেন্ ধাগেদি বলঅ।

ইব্রীয় 10:2

রীদি-সুদোমে যুনি তারারে পরিপূরোণ গুরি দান গুরি পাত্ত সালে দঅ য়েমান উৎসর্ব বন্ধ ওই যেদঅ; কিয়া উবোসনা গুরিয়্যেগুনে যুনি একবারে সিজি ওই পারিদাক্ সালে পাপত্যে আর নিজোরে দুষি মনে ন-গুরিদাক্।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 11:21

বিশ্বেজ্ গুরিনে যাকোবে মুরি যেবার সময়োত্ যোষেফর দ্বিবে পুয়োরে বর্ দিয়্যে আর লুদিগো উগুরে ভর্ দিইনে গোজেনর্ উবোসনা গোজ্জ্যে।

ইব্রীয় 13:12

সেবাবোত্যে গুরি যীশুয়ো যিরূশালেম শঅরর্ বারেদি দুঘ্ পেইনে মোজ্জ্যে, যেন তার্ নিজোর্ লো-গান্দোই মান্‌জ্যরে পাপত্তুন্ সিজি গুরি পারে।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

ইব্রীয় 6:1

ইয়েনত্যে খ্রীষ্ট পৌইদ্যেনে পত্তমে যে শিক্ষ্যেগান পেইয়্যেই, এজঅ সিয়েন ফেলেইনে আমি পরিপূরোণ ইন্দি উজেই যেই। ন-ফলেদে কামত্তুন্ মন ফিরেনা, গোজেন উগুরে বিশ্বেজ্,

ইব্রীয় 7:16

তার্ এই ধর্মগুরু অবার বেপারান বংশ বিষয়ে কনঅ সুদোম উগুরে নির্ভর্ ন-গরে, সিয়েন তার্ ভস্ত-ন ওইয়্যে জিংকানির খেমতা উগুরে নির্ভর গরে।

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।

ইব্রীয় 9:9

বত্তমান কালত্যে ইয়েন এক্কান চিহ্নো যিয়েনে আমারে কোই দেত্তে যে, উৎসর্ব-গোজ্জ্যে য়েমান আর অন্য জিনিজে উবোসনা গুরিয়্যেবোর্ বিবেগরে সাব্ গুরি ন-পারে।

১ পিতর 1:19

তমারে উদ্ধোর গরা ওইয়্যেদে নিদ্দুজি আর থুদো নেইয়্যে ভেড়া ছঅ যীশু খ্রীষ্টর্ অমূল্য লোগান্ দিইনে।

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ পিতর 4:2

সিয়েনত্যে এই জগদর্ বাগি জিংকানিগান তে আর জগদর্ কামনা-বাসনা ঈল্ মারেইনে ন-কাদায়, বরং গোজেনর্ আওজ্‌ পালেইনে কাদায়।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”