ইব্রীয় 9:10 - Chakma Bible

¹⁰ সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

ইব্রীয় 9:10 ပူးပေါင်းရင်းမြစ်များ

যাত্রা 29:4

সে পরেদি হারোণ আর তার্‌ পূঅগুনোরে মিলন-তাম্বুলোর্‌ দোরান ইদু নেযেবে আর পানিলোই তারার কিয়্যেনি ধোই‌ দিবে।

যাত্রা 40:12

“সে পরেন্দি হারোণ আর তার্‌ পূঅগুনোরে মিলন-তাম্বুলর্‌ দোরান মুজুঙোত্‌ আনিনে পানিলোই তারার্‌ কিয়্যেগানি ধবে।”

যিহিষ্কেল 4:14

সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

লেবীয় 13:58

জিনিস্‌ছান্‌ ধনার্‌ পরেদি যুনি দেগা যায় ফারাঙিগান্‌ মিলে যেইয়্যে সালে সিয়েন্‌ আরঅ‌ ধোয়্‌ ফেলা পুরিবো, সেক্কে সিয়েন্‌ শুদ্ধো-সাংগ অবঅ।”

লেবীয় 16:24

সে পরেদি তে পবিত্র তাম্বুল-ঘরর্‌ চাগালাত্‌ যেইনে পানিলোই গাদিনে ধর্মগুরুর অক্তমজিম কাবড়-চুগোর্‌ উরিবো। ইয়েনর পরেদি তে নিগিলি এইনে তার্‌ নিজোর্‌ আর মানুচ্চুনোত্তে এক্কো গুরি পুজ্যে-উৎসর্বর্‌ অনুষ্ঠান গুরি তার্‌ নিজোর্‌ আর মানুচ্চুনোর্‌ পাপ ঢাগি দিবার্‌ বেবস্থা গুরিবো।

লেবীয় 16:4

তার্‌ কিয়্যেত্ থেবঅ পবিত্র মসীনার সুলুম্‌ আর তলেন্দি থেবঅ মসীনা কাবড়র্‌ বানেইয়্যে জাংগি। তাত্তুন্‌ মসীনা কাবড়র্‌ কমর্‌-বিজোনী কমরত্‌ বানা পুরিবো আর মাদাত্‌ দিয়্যে পুরিবো মসীনা কাবড়র্‌ কবঙান্‌। ইয়েনি পবিত্র পোজাক্। সিয়েনি উরিবার আগেদি তাত্তুন্‌ পানিলোই গাদা পুরিবো।

গণাণা 6:3

তার্‌ আংগুর-রস বা কনঅ বাবোত্তে মদ হেই ন-পারিবো। তে আংগুর-রস বা মদত্তুন্‌ বানেইয়্যে সিরকায়ো হেই ন-পারিবো। এমন্‌ কি, কাজা আংগুর-রস, আংগুর বা কিশমিশঅ তে হেই ন-পারিবো।

মার্ক 7:4

বাজারত্তুন্ এইনে তারা আঢ্-টেঙ্ ন-ধোইনে কিচ্চু ন-হান্। ইয়েনি বাদেয়ো তারা আরঅ নানান্ বাবোত্যে সুদোম পালেই থান্, যেমন্ লদা, কদরা, থাল্ ইগুন ধনা।

গালাতীয় 4:9

মাত্তর্ ইক্কিনে তুমি গোজেনরে চিন্ন্য; সিয়েনত্তুন্ বরং এ কধাগান কলে ঠিগ্ অবঅ, গোজেনে তমারে চিন্ন্যে। সালে কেধোক্ক্যেন গুরিনে তুমি আরঅ জগদর্ সেই নানান্ বাবোত্যে খেমতা নেইয়্যে আর ন-ফলেদে সুদোম ইন্দি ফিরোর্?

ইফিষীয় 1:10

তে ঠিগ্ গুরি থোইয়্যেদে যে, সময় পুরেলে পরেদি সেই উদ্দেচ্চ্যগান্ গুরিবাত্যে তে স্বর্গর্ আর পিত্‌থিমীর্ বেক্কানি এগত্তর্ গুরিনে খ্রীষ্টর্ শাসন অধীনোত্ আনিবো।

দ্বি’লম্বর বিররণ 21:6

সে পরেন্দি বেগত্তুন্‌ কায়কুরে আদামান আর শঅরর্‌ বুড়ো নেতাগুনে গত্তনা ভাঙা গোরু ছবো উগুরে তারার্‌ আঢ্‌তানি ধোয়্‌ ফেলেবাক।

দ্বি’লম্বর বিররণ 23:11

বেল্যেমাদান্ অলে তাত্তুন্‌ গাদিনে উদো পুরিবো। বেলান্‌ ডুবোনার পরেন্দি তে তাম্বুলোত্‌ ফিরি যেই পারিবো।

কলসীয় 2:16

সেনত্যে হানা-দানা বা ধর্মীয় কনঅ পরব্ বা আঙোচ্চ্যা বা জিরেবার দিন্নোলোই তমারে দুষ্ দিবার্ অধিকার কারর্ নেই।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।

ইব্রীয় 2:5

ভবিচ্চদর্ যে জগদর্ কধা আমি কোর্, গোজেনে সিয়েন স্বর্গদূত্‌তুনোর্ অধীনোত্ ন-থয়।

ইব্রীয় 6:2

নানান্ বাবোত্যে বাপ্তিষ্ম পৌইদ্যেনে শিক্ষ্যে, আঢ্-রাগানা, মরাগুনোর্ জেদা ওই উদোনা আর উমরর্ সাজা-এই বেক্‌ গড়াগান কধালোই আমি যেন আরঅ নুয়ো গুরি গড়াগান ন-গাঢেই।

ইব্রীয় 6:5

গোজেনর্ দোল্ কধানির সুয়োত্ পেইয়োন আর যে যুগ্‌কো এজের্ সিবের্ খেমতার পৌইদ্যেনে কোই পাজ্জ্যন্,

ইব্রীয় 7:12

যেক্কে ধর্মগুরুবোর্ পদ বদলানা অয় সেক্কে রীদি-সুদোমানিয়ো বদলানার্ দরকার অয়।

ইব্রীয় 7:16

তার্ এই ধর্মগুরু অবার বেপারান বংশ বিষয়ে কনঅ সুদোম উগুরে নির্ভর্ ন-গরে, সিয়েন তার্ ভস্ত-ন ওইয়্যে জিংকানির খেমতা উগুরে নির্ভর গরে।

ইব্রীয় 9:1

গোজেনর্ সেবা আর উবোসনাত্যে পত্তম বেবস্থাগানত্ কদক্কানি সুদোম দিয়্যে ওইয়্যে আর এ জগদত্ উবোসনাত্যে বিশেষ এক্কান জাগার্ কধায়ো সিয়েনত্ এলঅ।