ইব্রীয় 8:7 - Chakma Bible

⁷ পত্তম বেবস্থাগান যুনি থুদো নেইয়্যে অদঅ সালে দঅ দ্বি-লম্বর বেবস্থাগানর্ কনঅ দরকার ন-অদঅ।

ইব্রীয় 8:7 ပူးပေါင်းရင်းမြစ်များ

গালাতীয় 3:21

সালে রীতি-সুদোমানি কি গোজেনর্ এগেমানির বিরুদ্ধে? নিচ্চয় নয়। যুনি গোজেনে এমন্‌ রীতি-সুদোম্ দিদো যিয়েনি জিংকানি দি পারে সালে সিয়েনি পালেইনে খামাক্কায় মানুচ্‌ গোজেনর্ মানি লোইয়্যে অদাক্।

দ্বি’লম্বর বিররণ 29:14

আমার গোজেন লগেপ্রভুর মুজুঙোত্‌ এইনে এচ্চ্যে যিগুনে থিয়্যেইয়োন্‌ বানা তারাত্যেই যে মুই ঘেচ্চ্যেকগুরি শমক্‌ গোজ্যং এ ‍সুদোমর্ কধাগান ফগদাং গরঙর্‌ সিয়েন নয়, মাত্তর্‌ যিগুনোর্ এজঅ জর্ম ন-অয় তারাত্তেয়ো গরঙর্‌।

ইব্রীয় 7:11

যিগুনে ধর্মগুরুর্ কাম গুরিদাক্ সেই লেবি গুট্টিগুনোর্ কামানি উগুরে ভর্ গুরিনে গোজেনে ইস্রায়েলীয়গুনোরে তার্ রীদি-সুদোমানি দিয়্যে। লেবি বংশর ধর্মগুরুগুনোর্ কামানিলোই যুনি পূরোগান লাভ গরা যেদঅ, সালে পত্তম লেবীয় ধর্মগুরু হারোণর্ বদলে মল্কীষেদক ধোক্ক্যেন অন্য আরেক্‌‌জন ধর্মগুরু এবার্ কি দরকার এলঅ?

ইব্রীয় 7:18

মোশির রীদি-সুদোমানিয়ে কনঅ কিজুরে পূরোণ গুরি ন-পারে, সেনত্যে আগে ধর্মগুরুগুনোর কামানির্ যে সুদোমান এলঅ সিয়েন খেমতা নেইয়্যে আর অকেজো বিলিনে বাতিল গরা ওইয়্যে। ইক্কিনে তা জাগানত্ তাত্তুন দাঙর্ এক্কান আশ্বাস দিয়্যে ওইয়্যে। সেই আশ্বাস্‌চান্দোই আমি গোজেন ইধু লুমি পারিই।

ইব্রীয় 8:6

মাত্তর্ ইক্কিনে আমি দেগির্, যীশু যে ধর্মগুরুর্ কামান পেয়্যে সিয়েন সেই ধর্মগুরুগুনোর্ কামত্তুন্‌অ বোউত্ উগুরে, যেধোক্ক্যেন গুরি যে সুদোমানর্ সংমধ্যে তে ওইয়্যে সেই সুদোমান আগ বেবস্থাত্তুন্অ বোউত উগুরে; কিয়া এ সুদোমান আরঅ গম্ গম্ এগেম উগুরে নির্ভর গরের্।