ইব্রীয় 7:28 - Chakma Bible

²⁸ রীদি-সুদোমে মন্-মরা মানুচ্চুনোরে দাঙর্ ধর্মগুরু পদত্ নেযায়; মাত্তর্ রীদি-সুদোমর্ পরেদি যে শমক্ গরা ওইয়্যে সেই শমক্‌কান্ উমরত্যে পূরোণ ওইয়্যে গোজেনর্ পুয়োবোরে দাঙর্ ধর্মগুরু পদ্‌তানত্ নেযা ওইয়্যে।

ইব্রীয় 7:28 ပူးပေါင်းရင်းမြစ်များ

গীতসংহিতা 110:4

লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

লেবীয় 4:3

“কনঅ দাঙর্‌ ধর্মগুরু যুনি সেধোক্ক্যেন কনঅ অন্যেয়্‌ গুরি ফেলায়্‌ যিয়েনত্তে বেক্‌ মানুচ্চুন্‌ দুষি অন্‌, ছালে সিয়েনত্তে তাত্তুন্‌ পাপ্‌-উৎসর্ব ইজেবে লগেপ্রভু ইদু এক্কো থুদো নেইয়্যে গোরু আনা পুরিবো।”

লূকে লেখ্যে গম্ হবর্ 13:32

যীশু তারারে কলঅ, তুমি যেইনে সেই শিয়েল্লোরে কঅ, আর কয়েকদিন মুই ভান্ন্যেই আত্মা ধাবেম্ আর পিড়েল্ল্যেগুনোরে গম্ গুরিম আহ্ সে পরেদি মঅ কামানি থুম্ গুরিম।

যোহন 19:30

যীশু সেই সিরকা হানার্ পরেদি কলঅ, “থুম্ অলঅ।” সিয়েন পরেদি তে মাঢা নিগিরিনে তা আত্মাগান্ গোজেই দিলো।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ইব্রীয় 2:10

বেক্কানি গোজেনত্যে আর বেক্কানি তারে দিইনে ওইয়্যে। সেনত্যে ভালুক্কুন পুয়োরে তার্ মহিমার ভাগী অবার্ আজায় উদ্ধোরর্ গড়াগান যীশুর দুঘ্ পানালোই পূরোণ গরানা গোজেনত্যে ঠিগ্ কামান ওইয়্যে।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

ইব্রীয় 5:5

কধাগান খ্রীষ্টর্ বেলায়ও খাদে। খ্রীষ্ট নিজোর্ আওজে দাঙর্ ধর্মগুরু অবাত্যে নিজোরে দাঙর্ গুরি ন-তুলে; গোজেনে ইয়েন কোইনে তারে সেই সর্মানান্ দান গোজ্জ্যে, তুই মর্ পুয়ো, এচ্চ্যে মুই তর্ বাব্ অলুং।

ইব্রীয় 7:21

মাত্তর্ তে যীশুরে দাঙর্ ধর্মগুরু বানেবার অক্তত্ শমক্ খিয়্যে। পবিত্র বোইবোত্ এ পৌইদ্যেনে লেগা আঘে, প্রভু শমক্ খিয়্যে, “তুই উমরত্যে ধর্মগুরু।” এ পৌইদ্যেনে তে তার্ মনান্ ন-বোদোলেব।

ইব্রীয় 7:24

মাত্তর্ যীশু উমরত্যে জেদা আঘে বিলিনে তার্ ধর্মগুরু পদ্‌তানত্ কনদিন্‌অ ন-বুদুলিবো।

ইব্রীয় 7:3

মল্কীষেদকর্ মা-বাপ বা কনঅ বংশ-নাঙানি ন-এলঅ। গোজেনর্ পুয়োবো ধোক্ক্যেন তা জিংকানির্ আরাম্ভয়ো ন-এলঅ, থুম্অ ন-এলঅ; তে উমরর্ ধর্মগুরু।