ইব্রীয় 7:27 - Chakma Bible

²⁷ অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 7:27 ပူးပေါင်းရင်းမြစ်များ

যিহিষ্কেল 43:19

সাদোক বংশর যে ধর্মগুরুগুন মরে সেবা গুরিবাত্তে মইধু এজন্ তুই পাপ-উৎসর্বত্তে তারারে এক্কো দামাড়া গোরু দিবে।

লেবীয় 16:11

হারোণে তার নিজোর আর তার্‌ বংশধরুনোর্‌ পাপ ঢাগি দিবার্‌ নাঙে তার্‌ নিজোর্‌ পাপ-উৎসর্বত্তে আন্যে সে বলত্তো নিইনে কাবিবো।

লেবীয় 16:15

পরেদি তাত্তুন্‌ মানুচ্চুনোর্‌ পাপ-উৎসর্বর্ ছাগল্লো কাবা পুরিবো আর তার লো-নেযেইনে পর্দাগানর্‌ পিজেন্দি যেইনে বলত্তোর লো-লোই যিয়ান গুরিবার্‌ কধা কুয়ো ওইয়ে সিয়ান গরা পুরিবো। সুন্দুগোর্‌ ঢাগনিগান উগুরে আর মুজুঙোত্ সে লো-গান তাত্তুন্‌ ছিদি দিয়া পুরিবো।

লেবীয় 16:6

হারোণত্তুন্‌ তার্‌ নিজোর আর তার্‌ বংশধরুনোর্‌ পাপ ঢাগি দিবাত্তে পাপ-উৎসর্বর বলত্তো উৎসর্ব গরা পুরিবো।

রোমীয় 6:10

তে যেক্কে মুরিলো সেক্কে পাপর্ দাবী-দাওয়া ইধু মুরিলো; তা উগুরে পাপর্ আর কনঅ দাবী-দাওয়া ন-থেলঅ। আর ইক্কিনে তে জেদা ওইনে গোজেনত্তে বাঁজি আঘে।

ইফিষীয় 2:22

তুমি তা সমারে এগত্তর্ ওইয়ো আর সেনত্যে তমারেয়ো এক সমারে তুলো অর্, যেন পবিত্র আত্মার মাধ্যমে তুমি গোজেনর্ থেবার জাগা ওই পারঅ।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 5:1

মান্‌জ্যর্ ওইনে গোজেনর্ সেবা গুরিবাত্যে পত্তি দাঙর্ ধর্মগুরুরে মান্‌জ্য ভিদিরেত্তুন্ বেঈ লোইনে নেযা অয়, যেনে তে মান্‌জ্যর্ পাপত্যে য়েমান উৎসর্ব গরে আর অন্য জিনিস্-অ উৎসর্ব গরে।

ইব্রীয় 5:3

তে যেধোক্ক্যেন অন্য মানুচ্চুনোর্ পাপত্যে য়েমান উৎসর্ব গরে সেধোক্ক্যেন নিজে নরম বিলি নিজোর্ পাপত্যেয়ো তাত্তুন্ সেই উৎসর্বগান গরা পরে।

ইব্রীয় 8:4

মাত্তর্ তে যুনি ইক্কিনে এ জগদত্ থেদঅ সালে ধর্মগুরু ওই ন-পারিদো, কিয়া ইধু রীদি-সুদোম মজিম উৎসর্ব গুরিবাত্যে ধর্মগুরু দঅ আঘে।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:25

দাঙর্ ধর্মগুরুবো য়েমান লো-লোই যেবাবোত্যে গুরি পত্তি বজর্ দাঙর্ পবিত্র জাগানত্ সমায়, খ্রীষ্ট নিজোরে বারবার্ উৎসর্ব গুরিবাত্যে সেবাবোত্যে গুরি স্বর্গত্ ন-সমায়।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।