ইব্রীয় 7:25 - Chakma Bible

²⁵ ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

ইব্রীয় 7:25 ပူးပေါင်းရင်းမြစ်များ

ইয়োব 22:17

যুনিয়ো গম্‌ গম্‌ পযাপিরালোই তে তারার্‌ ঘরানি ভোরেইয়্যে, তো তারা গোজেনরে কোইয়োন্দে, তুই দূর্‌ অ। বেগত্তুন্‌ খেমতাবলা গোজেনে আমারে কি গুরি পারিবো? মাত্তর্‌ মুই শদানুনোর্‌ সল্লাত্তুন্‌ দূরোত্‌ থাং।

ইয়োব 23:3

যুনি বানা হবর্ পেদুঙ্ কুদু তারে পাহ্ যায়, যুনি তে থাইদে জাগানত্ মুই যেই পাত্তুং,

যিশাইয় 45:22

“ও পিত্‌থিমীর বেক্ শেজ্ দুযিগানি, মইন্দি ফিরো আর উদ্ধোর পহ্, কিত্তে মুয়ই গোজেন, আর কনঅ গোজেন নয়।‌

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

যিশাইয় 59:16

তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

যিশাইয় 63:1

যিবে ইদোমর বস্রাত্তুন্ রাঙা রঙোই রাঙেয়্যে পোজাক্কোই এজের্, তে কন্না? যিবে সয়সাগজ্যে পোজাগে দাঙর্ খেমতালোই উজেই এজের্, তে কন্না? “এইয়্যে মুই, মুই গমেডালে কধা কং, মুই দাঙর্ খেমতালোই উদ্ধোর্ গরং।”

যিরমিয় 3:22

লগেপ্রভু কোইয়্যেদে, “ও ভান্ন্যেই পধেদি যেইয়্যে পুয়োছাগুন, ফিরি এজঅ; তমার্ ভান্ন্যেই পধেদি যেইয়্যে পিড়েনি মুই গম্ গুরি দিম।” সেক্কে ইস্রায়েলীয়গুনে কবাক্, “অয়, আমি তইধু এবং, কিত্তে তুয়ই আমার গোজেন লগেপ্রভু।

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

যোহন 14:13

তুমি মঅ নাঙে যিয়েনি মাগিবা সিয়েনি মুই গুরিম্, যেন বাবা মহিমাগান্ পুয়োবোর্ মাধ্যমে ফগদাং পায়।

যোহন 14:16

মুই বাবা ইধু মাগিম্, আর তে তমা ইধু চিরকাল্ থেবাত্যে আর এক্কো বল্ দিয়্যেরে পাধেই দিবো।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

রোমীয় 5:2

গোজেনর্ এই যে দোয়্যের্ পধেদি ইক্কিনে আমি চলির্ সিধু আমি খ্রীষ্টর্ মাধ্যমে বিশ্বেজ্‌চোই লুম্মেয়ি। গোজেনর্ মহিমা পেবার্ আজায় আমি ফুত্তি গুরির্।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

ইফিষীয় 3:12

খ্রীষ্ট লগে এগত্তর্ ওইনে তা উগুরে বিশ্বেজর্ মাধ্যমে আমি গোজেন মুজুঙোত্ সাহচ্‌ নিইনে লুমিবার অধিকারান্ পেইয়্যেই।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

১ তীমথিয় 2:5

গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

ইব্রীয় 11:6

বিশ্বেজ্ বাদে গোজেনরে হুজি গরানা অসম্ভব, কিয়া গোজেন ইধু যে যায়, তাত্তুন্ বিশ্বেজ্ গরা পরিবোদে, গোজেনে আঘে আর যিগুনে তার্ আওজ্ মজিম চলন্ তারা তা আঢত্তুন্ তারার্ পাওনা পান্।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ইব্রীয় 2:18

তে নিজেই পোরোক্ষ্যে সোজ্জ্য গুরিনে দুঘ্ পেইয়্যে বিলিনে যিগুনে পোরোক্ষ্যেত্ পড়ন তারারে তে এজাল্ দি পারে।

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

ইব্রীয় 7:16

তার্ এই ধর্মগুরু অবার বেপারান বংশ বিষয়ে কনঅ সুদোম উগুরে নির্ভর্ ন-গরে, সিয়েন তার্ ভস্ত-ন ওইয়্যে জিংকানির খেমতা উগুরে নির্ভর গরে।

ইব্রীয় 7:24

মাত্তর্ যীশু উমরত্যে জেদা আঘে বিলিনে তার্ ধর্মগুরু পদ্‌তানত্ কনদিন্‌অ ন-বুদুলিবো।

ইব্রীয় 7:8

এক কিত্ত্যেদি দেগা যাত্তে, মরণর্ অধীন লেবীয়গুনেই দশ্ ভাগর এক ভাগ উজোল্ গরন্; মাত্তর্ অন্য কিত্ত্যেদি দেগা যাত্তে, যিবে জেদা আঘে বিলিনে সাক্ষ্য দিয়্যে ওইয়্যে তে, অত্তাৎ মল্কীষেদকে দশ্ ভাগর এক ভাগ উজোল্ গরের্।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।