ইব্রীয় 7:2 - Chakma Bible

² আর অব্রাহামে বেক্‌ জিনিজোর্ দশ্ ভাগর এক ভাগ্ তারে দিয়্যে। মল্কীষেদকর্ অত্ত অলঅ ন্যায়র্ রাজা। মল্কীষেদকে আরঅ শালেমর্-অ রাজা এলঅ, আর সিয়েনর অত্তগান অলঅ শান্তির রাজা।

ইব্রীয় 7:2 ပူးပေါင်းရင်းမြစ်များ

পত্থম 28:22

ইবে যে পাত্তর্‌বো মুই থুনি ধোক্ক্যেন গুরি ঠিয়েই রাগেলুং ইয়োদোই অবঅ গোজেন ঘর। ও গোজেন, তুই মরে যিয়েনি দিবে সিয়েনির দশ্‌ ভাগর্‌ এক ভাগ হামাক্কায় মুই তরে ফিরেই দিম্‌।”

২ শমূয়েল 23:3

ইস্রায়েলর গোজেনে কোইয়্যেদে, ইস্রায়েলর আশ্রয়-মুড়ো মরে কোইয়্যেদে, ‘যে মানুচ্চো গমেডালে মানুচ্চুনোরে শাজন্ গরে আর গোজেনরে দরায়,

২ শমূয়েল 8:15

দায়ূদে গোদা ইস্রায়েল দেজ উগুরে রাজাগিরি গরা ধুরিলো। তার মানুচ্চুনোরে তে গমেডালে বিচের্‌ আর শাজন্ গুরিদো।

১ বংশধর 22:9

মাত্তর্‌ তর্‌ এক্কো পুয়ো অবঅ যে সুগ্‌-শান্দিয়্যে থেবাত্তে গম্‌ পেবঅ। তা চেরোকিত্তে শত্রুগুনো আদত্তুন্‌ মুই তারে সুগে-শান্দিয়্যে রাগেম্‌। তা নাঙান্‌ অবঅ শলোমন (যিয়েনর্ ভেদ্‌তান্ শান্তি), কিত্তে মুই তার্‌ রাজাগিরি সময়োত্‌ ইস্রায়েলরে সুগে-শান্দিয়্যে আর গমেডালে রাগেম্‌।

গীতসংহিতা 72:7

তা আমলত্ গোজেন ভক্তগুনে যেন বোউত্ আশিদ্‌বাদ পান; যেদকদিন চানান্ থেবঅ সেদকদিন তারার জিংকানিত্ ভালেদিয়্যে ভালেদিয়্যে ভুরি উদোক্।

লেবীয় 27:32

পত্তি য়েমানপালর্‌ দশ ভাগর এক ভাগ, অত্তাৎ গোরু চোড়েয়্যে লুদিক্কোর্‌ তলেন্দি যেইয়্যে পত্তি দশ লম্বর য়েমান্নো অবঅ লগেপ্রভুর নাঙে যুদো গুরি রাগেয়্যে।

মীখা 5:5

আর তে সাজা আনিবো। আসিরিয়গুনে যেক্কে আমা দেজ্‌‌‌চান আক্রমন গুরিবাক্ আর আমা তাম্বুলানি টেঙোই উরিবাক্ সেক্কে আমি তা বিরুদ্ধে সাতজন পালগরে, এন্ কি, আষ্টোজন নেতারে তুলিবোং।

গণাণা 18:21

“ইস্রায়েলীয়গুনে তারার্‌ আয়র্‌ যে দশ ভাগর এক ভাগ মরে দিবাক সিগুন্‌ মুই পাওনা ইজেবে লেবীয়গুনোরে দিলুং। মিলন-তাম্বুলোর সেবা কামর্‌ বদলে তারা সিয়েনি পেবাক।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

রোমীয় 3:26

তে যে নিদ্দুজি সিয়েন তে ইক্কিনে দেগেয়্যেদে যেন প্রমাণ অয় যে, তে নিজে নিদ্দুজি আর যে কেঅ যীশু উগুরে বিশ্বেজ্ গরে তারেয়ো তে নিদ্দুজি বিলি মানি লবঅ।

ইব্রীয় 7:1

এই মল্কীষেদকে শালেমর্ রাজা আর দাঙর্ গোজেনর্ ধর্মগুরু এলঅ। অব্রাহামে যেক্কে রাজাগুনোরে ওদেই দিইনে ফিরি এজের্ সেক্কে তা সমারে এ মল্কীষেদকর্ দেগা ওইয়্যে। মল্কীষেদকে অব্রাহামরে বর্ দিয়্যে,

ইব্রীয় 7:3

মল্কীষেদকর্ মা-বাপ বা কনঅ বংশ-নাঙানি ন-এলঅ। গোজেনর্ পুয়োবো ধোক্ক্যেন তা জিংকানির্ আরাম্ভয়ো ন-এলঅ, থুম্অ ন-এলঅ; তে উমরর্ ধর্মগুরু।

১ শমূয়েল 8:15

তমার শোজ্য আর আংগুরোর দশ ভাগর এক ভাগ নেযেইনে তে তার রাজঘরত্‌ কামগুরিয়্যে আর অন্য কামগুরিয়্যেগুনোরে দিবো।

১ শমূয়েল 8:17

তমার ভেড়াছাগল পালর দশ ভাগর এক ভাগ তে নেযেব আর তুমি তার চাগর্‌ অবা।