ইব্রীয় 7:18 - Chakma Bible

^18-19 মোশির রীদি-সুদোমানিয়ে কনঅ কিজুরে পূরোণ গুরি ন-পারে, সেনত্যে আগে ধর্মগুরুগুনোর কামানির্ যে সুদোমান এলঅ সিয়েন খেমতা নেইয়্যে আর অকেজো বিলিনে বাতিল গরা ওইয়্যে। ইক্কিনে তা জাগানত্ তাত্তুন দাঙর্ এক্কান আশ্বাস দিয়্যে ওইয়্যে। সেই আশ্বাস্‌চান্দোই আমি গোজেন ইধু লুমি পারিই।

ইব্রীয় 7:18 ပူးပေါင်းရင်းမြစ်များ

প্রেরিত্‌ 13:39

তুমি মোশির রীতি-সুদোম্বোই পাপর্ সাজাত্তুন্ রেহাই ন-পঅ, মাত্তর্ যে কেঅ যীশু উগুরে বিশ্বেজ্ গরে তে পাপর্ সাজাত্তুন্ রেহাই পায়।

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

গালাতীয় 3:15

ভেইলগ্, মুই এক্কান্ সাধারণ কধালোই বেপারান্ বুঝোঙর্। যেক্কে একবার মান্‌জ্যর মাধ্যমে কনঅ চুক্তি পাক্কা গুরি ফেলা অয় সেক্কে সেই চুক্তিগান্ কেঅ বাতিল গুরি ন-পারে বা সিয়েন সমারে কিচ্চু মিজেই ন-পারে।

গালাতীয় 3:17

মঅ কধাগানর্ অত্তগান্ অলঅ, গোজেনে অব্রাহামর্ সময়োত্ এক্কান এগেম্‌বলা বেবস্থা থিদেবর্ গোজ্জ্যে। সিয়েনর্ চের্‌শ ত্রিশ বজর পরেদি রীতি-সুদোম্ দিয়্যে ওইয়্যে, মাত্তর্ সিয়েনিলোই আগর্ সেই বেবস্থাগান বাতিল ওই ন-গেলঅ; সেনত্যে সিয়েনর্ এগেমান থিগিই রলঅ।

গালাতীয় 3:21

সালে রীতি-সুদোমানি কি গোজেনর্ এগেমানির বিরুদ্ধে? নিচ্চয় নয়। যুনি গোজেনে এমন্‌ রীতি-সুদোম্ দিদো যিয়েনি জিংকানি দি পারে সালে সিয়েনি পালেইনে খামাক্কায় মানুচ্‌ গোজেনর্ মানি লোইয়্যে অদাক্।

গালাতীয় 4:21

তুমি যিগুনে রীতি-সুদোমর্ অধীনোত্ থেবাত্যে চর্, তুমি মরে কধে চাং, রীতি-সুদোমে যিয়েন কয় সিয়েন কি তুমি ন-শুনো?

গালাতীয় 4:9

মাত্তর্ ইক্কিনে তুমি গোজেনরে চিন্ন্য; সিয়েনত্তুন্ বরং এ কধাগান কলে ঠিগ্ অবঅ, গোজেনে তমারে চিন্ন্যে। সালে কেধোক্ক্যেন গুরিনে তুমি আরঅ জগদর্ সেই নানান্ বাবোত্যে খেমতা নেইয়্যে আর ন-ফলেদে সুদোম ইন্দি ফিরোর্?

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

ইব্রীয় 13:9

নানান্ বাবোত্যে নূয়ো নূয়ো শিক্ষ্যেলোই যেন তমারে ভুল্ পধেদি ন-নেযান্। আমা মনানি উৎসর্বর হানা উগুরে ন-থেইনে যেন গোজেন দোয়্যে উগুরে থির্ ওইনে বজে। যিগুনে সেই হানাগান উগুরে নির্ভর্ গুরিনে চলিদাক্, সেই হানাগানত্তুন্ তারার্ কনঅ লাভ্ ন-অয়।