ইব্রীয় 6:8 - Chakma Bible

⁸ মাত্তর্ যে মাদিগানে কাদা-ঝুপ্ আর কাদা লেঙেরা জর্মায় সেই মাদিগান য়েলাফেলা ওই যায় আর সিয়েনত্ অভিশাব্ পড়িবার্ দর্ থায়। যেরেদি মান্‌জ্যে সিয়েন পুড়ি ফেলান্।

ইব্রীয় 6:8 ပူးပေါင်းရင်းမြစ်များ

পত্থম 4:11

ভূইয়ানে যেক্কে তঅ আঢত্তুন্ তঅ ভেইবোর্ লোগান গুজি লবাত্তে মুয়োন খুল্যে সেক্কে ভূইয়োর অভিশাপ্‌পানই তঅ-উগুরে পড়িলো।

পত্থম 5:29

তে কলঅ, “আমার বেক্‌ কামানির্‌ ভিদিরে, আজল্‌কধা লগেপ্রভু মাদিগানরে অভিশাব দেনার পরেদি সিয়েন উগুরে আমার যে কামানি গরা পরে সিয়েনি ভিদিরে এ পুয়োবো আমারে সান্তনা দিবো।” ইয়েন কোইনে তে তা নাঙান্‌ দিলো নোহ।

২ শমূয়েল 23:7

যে মানুচ্চো তারারে ধুরিবাত্তে যায় তারে বেবহার গরা পরে লুয়োর্‌ অাত্যের্ লোই বা সেল্লোই; সেনত্তেই তারা যিদু আগন্‌ সিয়োদোই তারারে পুড়ি ফেলা অবঅ।”

ইয়োব 31:40

সালে যেনে সিয়েনত্ গম বদলে কাদাগাজ্ উদে আর মোক্ক্যের্ বদলে হের্।” ইয়োত্ ইয়োবর কধানি থুম্ ওইয়্যে।

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

যিশাইয় 27:4

তা উগুরে মর্ রাগ নেই। আহ্, কাদা ঝুব্‌পুনে আর কাদা ঝারানিয়ে যেন মঅ বিরুদ্ধে থিয়েইয়্যে!‍‍‍ সালে মুই তারারে টেঙোই উরিম্ আর সিয়েনি বেক্কানি পুড়ি ফেলেই দিম্।

যিরমিয় 17:6

তে অবদে পুরি থেইয়্যে ভূইয়োত্ এক্কো ঝুবো ধোক্ক্যেন; গম্ সময় এলে তে সিয়েন ন-দেগিবো। ধূল্যেচর-চাগালাত্ গরম শুগুনো জাগাত্, অত্তাৎ যিয়েনত্ কনজন বজত্তি ন-গরন এবাবোত্যে নুন্‌‌‍‌জো জাগাত্ তে বজত্তি গুরিবো। ‍‌

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিহিষ্কেল 20:47

তুই দোগিণোর ঝারানরে মঅ কধানি শুনিবাত্তে কঅ। তারে কঅ, প্রভু লগেপ্রভু কোইয়্যেদে, ‘মুই তঅ ভিদিরে আগুন জ্বালেবাত্তে যাঙর্ আর সিয়েনে তর্ বেক্ কাজা আর শুগুনো গাজ্‌‌‌‌‌‌‌চুন পুড়ি ফেলেবে। সেই জোল্‌‌‌‌‌‌‌জোল্যে আগুনান্ ন-মুরিবো আর দোগিণেত্তুন উত্তোরেদি সং বেক্ মানুচ্চুন সেক্কে পুড়ি যেবাক্।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

মথি লেখ্যে গম্ হবর্ 7:19

যে গাজত্ গম্ ফল ন-ধরে সিবে কাবিনে আগুনোত্ ফেলেই দিয়্যে অয়।

মার্ক 11:14

সেনত্তে তে সে গাজ্‌চোরে কলঅ, “আর কনদিন্অ কেঅ যেন তঅ গুলোগুলিগুন ন-হান্।” শিচ্চ্যগুনে যীশুর এ কধাগান শুনিলাক্।

মার্ক 11:21

যীশুর্ কধাগান ইদোত্ তুলিনে পিতরে যীশুরে কলঅ, “মাষ্টরবাবু, চাহ্, যে ডোমোর্ গাজ্‌চোরে তুই অভিশাব্ দুয়োচ্ সিবে শুগেই যেইয়্যে।”

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।

ইব্রীয় 10:27

আঘেদে বানা বিচেরত্যে অমকদ দোরেইনে বাজ্জ্যেই থানা আর গোজেনর্ শত্রুগুনোরে ছেই গুরি ফেলানা ধোক্ক্যেন জ্বোল্‌‌জোল্ল্যে রাগ্।

ইব্রীয় 12:17

তুমি কোই পারঅ, যেরেদি যুনিয়ো তে কানি কানি বর্ ভিক্ষ্যে চেইয়্যে তো তারে এলাফেলা গরা ওইয়্যে, কিয়া মনান্ ফিরেবার জু সেক্কে আর তার্ ন-এলঅ।