ইব্রীয় 6:19 - Chakma Bible

¹⁹ এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

ইব্রীয় 6:19 ပူးပေါင်းရင်းမြစ်များ

গীতসংহিতা 39:7

ও প্রভু, সালে মুই আর কি আজালোই থেম? মর্ বেক্ আজাগানি দঅ তইদু।

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

গীতসংহিতা 42:5

ও মর্ পরাণান্, কিত্তেই তুই আজা আরেয়োজ্? কিত্তেই এদক্ চোত্‌‌পোত্যে ওইয়োচ্? গোজেন উগুরে আজা রাগা, কিত্যে তেয়ই মরে উদ্ধোর্ গুরিবো; সেনত্তে মুই আরঅ তার বাঈনী গুরিম।

গীতসংহিতা 43:5

ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

লেবীয় 16:15

পরেদি তাত্তুন্‌ মানুচ্চুনোর্‌ পাপ-উৎসর্বর্ ছাগল্লো কাবা পুরিবো আর তার লো-নেযেইনে পর্দাগানর্‌ পিজেন্দি যেইনে বলত্তোর লো-লোই যিয়ান গুরিবার্‌ কধা কুয়ো ওইয়ে সিয়ান গরা পুরিবো। সুন্দুগোর্‌ ঢাগনিগান উগুরে আর মুজুঙোত্ সে লো-গান তাত্তুন্‌ ছিদি দিয়া পুরিবো।

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

সখরিয় 9:12

ও আজাগুরি থেইয়্যে বন্দীগুন, তুমি তমা ঘরত্ ফিরি যঅ; এইচ্চ্যে মুই এগেম্ গরঙর্, মুই তমারে দ্বিগুণ আশিদ্‌বাদ গুরিম।

মথি লেখ্যে গম্ হবর্ 27:51

সে পরেদি উবোসনা-ঘরর্ পর্দাগান উগুরেত্তুন্ ধুরি তলেদি সং ফাদিনে দ্বিভাগ্ ওই গেলঅ; ভূজোল্ বেলঅ আর দাঙর্ দাঙর্ পাত্তরুন ফাদি গেলাক্।

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 27:29

পাত্তরত্ বারি হেবার্ দরে তারা জাহাজর্ পিজেদিত্তুন্ চেরান্ নোংগর ফেলেই দিলাক্ আর দিনো পহ্‌রত্যে তবনা গরা ধুরিলাক্।

প্রেরিত্‌ 27:40

ইয়েনত্যে তারা জাহাজর্ নোংগরানি কাবিনে সাগরত্ ফেলেই দিলাক্ আর পাঙেই বানিবার্ দুড়িগানি খুলি দিলাক্। ইয়েনর্ পরেদি তারা বৈয়্যের মুয়োত্ মুজুঙেদি পাল্ তুলি দিলাক্ আর পার ইন্দি উজেই যেইনে চরত্ আক্‌‌সো গেলাক্।

রোমীয় 4:16

সেনত্তে মান্‌জ্যর্ বিশ্বেজর্ মাধ্যমে এই এগেমান্ পূরোন্ গরা অয়, যেন ইয়েন গোজেনর্ দোয়্যের্ দান ওই পারে। আর সেনত্তে অব্রাহামর্ গুট্টিগুনোর বেক্কুনোত্তে এ এগেমান্ খামাক্কায় পূরোণ অবঅ। রীদি-সুদোমর্ অধীনো মানুচ্চুনোত্যে যে বানা এ এগেমান্ পূরোন অবঅ, সিয়েন নয়; যিদুক্কুন্ মানুচ্ অব্রাহাম ধোক্ক্যেন্ একই বিশ্বেজে বিশ্বেজি তারাত্যেয়ো খামাক্কায় এ এগেমান্ পূরোন অবঅ।

রোমীয় 4:18

যেক্কে বাপ্ অবার্ কনঅ আজা ন-এলঅ সেক্কেয়ো অব্রাহামে গোজেন উগুরে আজা গুরিনে বিশ্বেজ্ গোজ্জ্যে। গোজেনে তারে কোইয়্যেদে, “তর্ গুট্টিগুনে আগাজ তারা ধোক্ক্যেন গুণি ন-পুরেইয়্যে অবাক্।” আর সেই কধামজিম অব্রাহামে ভালোক্ জাদর্ বাপ্ ওইয়্যে।

রোমীয় 5:4

ধৈয্যর্ ফল খাটি খাচ্চ্যত্ আর খাটি খাচ্চ্যদর্ ফল আশা।

১ করিন্হীয় 13:13

সালে দেগা যাত্তে বিশ্বেজ্, আজা আর কোচ্‌‌পানা-এ তিনেন্ থুম্ সং থিগি থায়; মাত্তর্ ইয়েনিত্তুন্ কোচ্‌পানাগান্ বেক্কুনোত্তুন্ দাঙর্।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

ইফিষীয় 2:6

আমি খ্রীষ্ট যীশু লগে মিজেয়্যেই বিলিনে গোজেনে আমারে খ্রীষ্ট লগে জেদা গুরিনে খ্রীষ্ট সমারে স্বর্গত্ বোজেয়্যে।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

কলসীয় 3:1

সালে তুমি যেক্কে খ্রীষ্ট সমারে মরণত্তুন্ জেদা ওইয়ো সেক্কে খ্রীষ্ট স্বর্গত যিয়েনত্ গোজেনর্ ডেন্ ডাগেদি বৈই আঘে সেই স্বর্গীয় বেপারানিত্যে আয়োজি অ।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।

ইব্রীয় 9:7

মাত্তর্ দ্বিলম্বর ভাক্কানত্, অত্তাৎ দাঙর্ পবিত্র জাগানত্ বানা দাঙর্ ধর্মগুরুবো সুমিদো। বজরে বানা একবার তে উৎসর্ব-গোজ্জ্যে য়েমান লো-লোই সিয়েনত্ সুমিদো। তার্ নিজো পাপত্যে আর মানুচ্চুনে কোই ন-পারিনে যেদক্কানি পাপ গোজ্জ্যন সিয়েনত্যে তে এই লো-গান উৎসর্ব গুরিদো।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,