ইব্রীয় 6:17 - Chakma Bible

¹⁷ গোজেনে যিয়েন দিবার এগেম্ গোজ্জ্যে, যিগুনে সিয়েন পেবাক্ সিগুনোরে তে এই শমক্‌কান্দোই ভারী সাব্ গুরি দেগেবাত্যে চেয়্যেদে যে, তে যিয়েন ঠিগ্ গোজ্জ্যে সিয়েন আর্ বুদুলী ন-যায়। ইয়েনত্যে তে শমক্‌কান্দোই প্রমাণ গুরিলোদে যে, তে যিয়েন ঠিগ্ গোজ্জ্যে সিয়েন অবদে অবঅ।

ইব্রীয় 6:17 ပူးပေါင်းရင်းမြစ်များ

পত্থম 26:28

তারা কলাক্‌, “ আমি ইক্কিনে গমেডালে দেগির্‌ লগেপ্রভু তঅ সমারে আঘে। সেনত্তে আমি ঠিগ্‌ গোজ্যেই তর্‌ আর আমা ভিদিরে এক্কান্‌ চুক্তি অনা দরকার। আয়, আমি এ শমত্‌তান্ গুরিই,

গীতসংহিতা 110:4

লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

গীতসংহিতা 33:11

মাত্তর্ লগেপ্রভুর সল্লাগানি উমরত্তে টিগি থায়; তা মনান্ যুগে যুগে থিদেবর্ থায়।

গীতসংহিতা 36:8

তর্ ঘরর্ নানান্ বাবোত্যে হানা হেইনে তারার্ ঈল্ অয়; তর্ হুজির্-গাঙ পানিগান তুই তারারে হেবাত্তে দে।

যাত্রা 22:11

সালে সে মানুচ্চো যে সিয়ানি-গরে সিয়ান্‌ লগেপ্রভুর্‌ মুজুঙোত্‌ শমক্‌ হেইনে তাত্তুন্‌ বেপারান্‌ সামালা পুরিবো। সেই য়েমান গিরোজ্‌চোত্তুন্‌ সেক্কে সিয়েন্‌ মানি নেযা পুরিবো আর কনঅ‌ ক্ষোতি পূরোণ্‌ তে দাবি গুরি ন-পারিবো।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

মালাখি 3:6

“মুই লগেপ্রভু, মর্ কনঅ পরিবত্তন্ নেই। সেনত্তে ও যাকোবর্ বংশধরুন, তুমি ভস্ত ন-অর্।

যোহন 10:10

চুর্ এজে বানা চুর্, খুন্ আর বর্‌বাদ্ গুরিবাত্যে। মুই এচ্চ্যং যেন তারা জিংকানি পান্, আর সেই জিংকানিগান্ যেন ভর্‌‌‌পুনোং অয়।

রোমীয় 11:29

গোজেনে যিয়েন দান গরে আর যিবেরে ডাগে সে পৌইদ্যেনে তা মনান্ তে ন-বদলায়।

রোমীয় 8:17

যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

গালাতীয় 3:29

তুমি যেক্কে খ্রীষ্টর্ ওইয়ো সেক্কে অব্রাহামর্ গুট্টিয়ো ওইয়ো। আর গোজেনে যিয়েনি দিবার এগেম্ অব্রাহাম ইধু গোজ্জ্যে তুমিয়ো সিয়েনির অধিকারী ওইয়ো।

ইফিষীয় 1:11

গোজেনে তার্ বিচেরবুদ্ধি অনুসারে নিজোর্ আওজ্ মজিম বেক কামানি গরে। তার্ উদ্দেচ্চ্য অনুসারে তে আগে যিয়েনি ঠিগ্ গুরি থোইয়্যে সেই মজিম খ্রীষ্টর্ মাধ্যমে তার্ নিজো মানুচ্ অবাত্যে তে আমারে বেঈ লোইয়্যে।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

ইব্রীয় 11:9

গোজেনে যে দেশ্‌চান অব্রাহামরে দিবার এগেম্ গোজ্জ্যে তে বিশ্বেজত্যে বিদেশী ইজেবে সিধু বজত্তি গোজ্জ্যে। তা সমারে যিগুনে সেই একই এগেমর্ আশিদ্‌বাদর্ ভাগী এলাক্ সেই ইস্‌হাক আর যাকোব ধোক্ক্যেন গুরি তেয়ো তাম্বুলোত্ বজত্তি গুরিদো;

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

ইব্রীয় 6:16

নিজোত্তুন যিবে দাঙর্ তা নাঙেই মান্‌জ্যে শমক্ খান। সেক্কে সেই শমক্‌কানে এই নিচ্চয়তাগান দান গরেদে, যিয়েন কুয়ো ওইয়্যে সিয়েন সত্য, আর ইয়েনত্ বেক্‌ ঝাগুলুক্কানি থামায়।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।