ইব্রীয় 6:14 - Chakma Bible

¹⁴ তে ইয়েন কোইনে এগেম্ গোজ্জ্যে, “মুই ঘেচ্চ্যেকগুরি তরে বর্ দিম আর তর্ গুট্টিবো বাড়েম্।”

ইব্রীয় 6:14 ပူးပေါင်းရင်းမြစ်များ

পত্থম 17:2

তত্তে মুই মঅ সুদোমান উজু গোজ্যং আর তঅ বংশগুন বোউত্‌ বাড়েই দিম্‌।”

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 48:4

তে মরে কোইয়্যেদে, মুই তরে ভালোক্কুন্‌ পুয়োর্‌ বাব্‌ অবার্‌ খেমতা দিলুং আর তঅ বংশর্‌ মানুচ্চুনোরে বাড়েই দিম। মুই তঅ ভিদিরেত্তুন্‌ ভালোক্কুন্‌ গুট্টির্‌ জাদ্ বানেম, আর তঅ পরেদি এ দেজ্‌ছান্‌ মুই উমরর্‌ সোম্বোত্তি ইজেবে তঅ বংশর্‌ মানুচ্চুনোরে দিম।

নহিমিয় 9:23

আগাজ তারা ধোক্কেন্‌ তুই তারারে বোউত্‌ পূঅ-ছা দুয়োজ্‌ আর তুই তারারে সে দেজত্‌ নেযেয়োজ্‌ যে দেজ্‌ছানত্‌ সুমিনে সিয়েন্‌ গজক্‌ গুরিবার্‌ কধা তুই তারার্‌ পূরোণিমানুচ্চুনোরে কোইয়োচ্‌।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

গালাতীয় 3:18

গোজেনর্ বর্ পানাগান যুনি রীতি-সুদোম্ পালানা উগুরে নির্ভর গরে সালে দঅ আর এগেম উগুরে সিয়েন নির্ভর ন-গরের্। মাত্তর্ গোজেনে দোয়্যে গুরিনে এক্কান এগেমর্ মাধ্যমে অব্রাহামরে বর্ দিয়্যে।

দ্বি’লম্বর বিররণ 1:10

তমার গোজেন লগেপ্রভু তমা মানুচ্চুনোরে এদক বাড়েই দিয়্যেদে যে, এইচ্ছ্যে তুমি আগাজ তারা ধোক্ক্যেন গুণি ন পুড়েইয়্যে ওই উঠ্য।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।