ইব্রীয় 6:13 - Chakma Bible

¹³ গোজেনে যেক্কে অব্রাহাম ইধু এগেম্ গোজ্জ্যে সেক্কে তে নিজো নাঙেই শমক্ হেইয়্যে, কিয়া তাত্তুন্ দাঙর্ এন্‌ আর কেঅ নেই যিবের্ নাঙে তে শমক্ খেই পারে।

ইব্রীয় 6:13 ပူးပေါင်းရင်းမြစ်များ

১ বংশধর 16:16

সে সুদোমানি তে অব্রাহামত্তে থিদেবর্ গুরি দিয়্যে আর ইস্‌হাক ইদু শমক্‌ গোজ্যে।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যিশাইয় 45:23

মুই নিজো নাঙে শমক্ গোজ্যং, মর্ ন্যায্যতালোই মুই এ কধাগান কোইয়োং, আর সিয়েন বাদ্ ন-যেবঅ। সে কধাগান অলঅ, মঅ মুজুঙোত্ বেক্কুনে আঢু পাদিবাক্ আর মর্ অধীনতাগান স্বিগের্ গুরিবাক্।

যিরমিয় 22:5

মাত্তর্ যুনি তুমি এ উগুমানি ন-পালঅ সালে মুই লগেপ্রভু মর্ নিজো নাঙে শমক্ হেইনে কঙর্, এ রাজঘরান ভস্ত ওই যেবঅ।’ ”

যিরমিয় 44:26

মাত্তর্ মিসরত্ বজত্তি গুরিয়্যে বেক্ যিহূদীগুন, তুমি লগেপ্রভুর কধানি শুনো। লগেপ্রভু কোইয়্যেদে, ‘মুই মঅ নাঙে শমক্ হেইনে কঙর্, মিসরর্ যে কনঅ জাগাত্ বজত্তি গুরিয়্যে যিহূদার কনঅ মানুচ্ মঅ নাঙে শমক্ হেইনে ন-হবাক্, জেদা লগেপ্রভুর নাঙে কঙর্।

যিরমিয় 49:13

মুই মর্ নিজো নাঙে শমক্ হাঙর্, বস্রা ভস্ত ওইনে ঈচ্ গরে পারা অবঅ। মানুচ্চুনে তা অবস্থা দেগিনে আমক্ অবাক্ আর তা নাঙান্দোই অভিশাব্ দিবাক্। তার বেক্ আদামানি আর শঅরানি উমরত্তে ভস্ত ওইনে থেবঅ।”

যিহিষ্কেল 32:13

পানি কুরে থেইয়্যে তার বেক্ য়েমানুনোরে মুই ভস্ত গুরি দিম; সেই পানিগান মান্‌‌জ্য টেঙত্ বা য়েমান টেঙ টুগোত্ আর ঘোলা ন-অবঅ।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

লূকে লেখ্যে গম্ হবর্ 1:73

সেই শমথতান্ তে আমা পূরোণি মানুচ্ অব্রাহাম ইধু গোজ্যে। তে শত্রুগুনো আঢত্তুন্ আমারে উদ্ধোর্ গোজ্যে যেন যেদক্‌দিন বাঁজি থাং পবিত্র আর গমেডালে তা মুজুঙোত্ থিয়্যেইনে ন-দোরেয়্যেগুরি তারে সেবা গুরি পারং।

গালাতীয় 3:15

ভেইলগ্, মুই এক্কান্ সাধারণ কধালোই বেপারান্ বুঝোঙর্। যেক্কে একবার মান্‌জ্যর মাধ্যমে কনঅ চুক্তি পাক্কা গুরি ফেলা অয় সেক্কে সেই চুক্তিগান্ কেঅ বাতিল গুরি ন-পারে বা সিয়েন সমারে কিচ্চু মিজেই ন-পারে।

গালাতীয় 3:18

গোজেনর্ বর্ পানাগান যুনি রীতি-সুদোম্ পালানা উগুরে নির্ভর গরে সালে দঅ আর এগেম উগুরে সিয়েন নির্ভর ন-গরের্। মাত্তর্ গোজেনে দোয়্যে গুরিনে এক্কান এগেমর্ মাধ্যমে অব্রাহামরে বর্ দিয়্যে।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।