ইব্রীয় 6:12 - Chakma Bible

¹² আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

ইব্রীয় 6:12 ပူးပေါင်းရင်းမြစ်များ

গম্ উপদেজ্ 12:24

কামগুরিয়্যে মানুচ্চুনে কাবিদ্যংগিরি গরন্, মাত্তর্ আল্‌সি মানুচ্চুনে পর অধিনোত্ অন্।

গম্ উপদেজ্ 13:4

আল্‌সি মান্‌জ্যে পেবাত্তে চায় মাত্তর্ কিচ্চু ন-পায়, মাত্তর্ কাম্যগুনে তারার চানাত্তুন্ বেশ্ পান। ‍

গম্ উপদেজ্ 15:19

আল্‌সি মান্‌জ্যর পথ্‌তান দ্বিকিত্তেদি কাদা বেড়া দিয়্যে পধ ধোক্ক্যেন, মাত্তর্ গম্ মান্‌জ্যর পথ্‌তান যেন রাজপদ ধোক্ক্যেন।

গম্ উপদেজ্ 18:9

যে নিজো কামত্ আল্‌সেমি গরে তে ভস্তগুরিয়্যে ভেই।

গম্ উপদেজ্ 2:20

জ্ঞানানে তরে সিয়েনিত্তুন্ রোক্ষ্যে গুরিবো যেনে তুই গম্ মানুচ্চুনোর পধেদি, গোজেন ভক্তগুনোর্ পধেদি যেই পারচ্।

গম্ উপদেজ্ 26:14

কব্‌জালোই যেধোক্ক্যেন্ দোরান্ ঘুরে সেধোক্ক্যেেন্ আল্‌সি মান্‌জ্যে তা বিচ্ছোনত্ ঘুরে।

গম্ উপদেজ্ 28:10

গম্ মানুচ্চুনোরে যে ভান্ন্যেই পধেদি নেযায় তে তার নিজো গাদ্‌‌তোত্ পুরিবো, মাত্তর্ যিগুনে নিদ্দুযি তারার মংগল্ অবঅ।

পরমগীত 1:8

ও বেগ দোল্ মিলেবো, তুই যুনি সিয়েন হবর্ ন-পাজ্ সালে ভেড়া পালর্ টেঙ চিহ্নোগান্ ধুরি এইনে গরক্কুনোর্ তাম্বুলানি কায়-কুরে তর্ বেক্ ছাগল ছঅগুন্ চরা।

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

মথি লেখ্যে গম্ হবর্ 22:32

সিয়েনত্ লেগা আঘে, ‘মুই অব্রাহামর্ গোজেন, ইস্‌হাকর্ গোজেন আর যাকোবর্ গোজেন।’ মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন।”

মথি লেখ্যে গম্ হবর্ 25:26

জোবত্ তা গিরোজ্‌সো তারে কলঅ, তুই পাজি আর আল্‌সি চাগর্! তুই দঅ হবর্ পেদে যিয়েনত্ মুই ন-লাগাং সিয়েনত্ কাবং আর যিয়েনত্ ন-ছিদোং সিয়েনত্ কুড়োং।

লূকে লেখ্যে গম্ হবর্ 16:22

“একদিন্ন্যে সেই ভিখারীবো মুরি গেলঅ। সেক্কে স্বর্গদূত্‌তুনে এইনে তারে অব্রাহাম ইধু নেযেলাক্। সে পরেদি একদিন্যে সেই থাগোইয়্যে মানুচ্চোয়ো মুরি গেলঅ আর তারে কবর্ দিয়্যে অলঅ।

লূকে লেখ্যে গম্ হবর্ 8:15

গম্ ভূইয়োত্ পোজ্যে বীজ্‌‌চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।

রোমীয় 12:11

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 4:12

ইয়েন বাদে, চুনু মাঢাবো চামান কাবিবার্ আগেদি অব্রাহামে যেবাবোত্যেগুরি বিশ্বেজর্ পধেদি চুলিদো, যিদুক্কুন্ চুনু মাঢাবো চামান কাপ্যে মানুচ্ সেবাবোত্যেগুরি চলন্ অব্রাহামে তারার্‌অ বাপ।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

২ থিষলনীকীয় 1:4

আর ইয়েনত্যে গোজেন মন্ডলীগুনো মুজুঙোত্ তমারে নিইনে আমি দেমাগ্ গুরির, কিয়া যেদক্কানি অত্যেচার্ আর দুখ্-কষ্ট তুমি সোজ্জ্য গরর্, সিয়েনির ভিদিরেয়ো তমার ধৈজ্জ্য আর বিশ্বেজ্‌চান থিগি আঘে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

ইব্রীয় 11:33

বিশ্বেজর্ মাধ্যমে তারা রেজ্য জিত্যন্, দোল্ বিচের্ গোজ্জ্যন, গোজেন এগেমর্ পূর্ণতাগান লাভ গোজ্জ্যন, সিংহগুনো মুয়োন বন্ধ গোজ্জ্যন্,

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

ইব্রীয় 13:7

যিগুনে তমা ইধু গোজেনর্ কধা কদাক্ তমার্ সেই নেতাগুনোর্ কধা ইদোত্ রাগেয়ো। তারার্ জিংকানির থুমোর্ কধাগান গমেডালে চিন্তে গোজ্জ্য আর তারা ধোক্ক্যেন গুরি তুমিয়ো বিশ্বেজ্ গোজ্জ্য।

ইব্রীয় 5:11

এ পৌইদ্যেনে বোউত কধা আমার কবার্ আঘে মাত্তর্ সিয়েনি বুঝেইনে কনা আগাত্ত্যে, কিয়া আত্মিক সত্যগান তুমি সহজে বুঝি ন-পারঅ।

ইব্রীয় 6:15

ইয়েনত্যে অব্রাহামে যেক্কে জদবদে গুরি ধৈজ্জ্য ধুরিলো সেক্কে গোজেনে যিয়েন দিবাত্যে এগেম্ গোজ্জ্যে সিয়েন তে পেলঅ।

যাকোব 1:3

কিয়া তুমি কোই পারঅ তমা বিশ্বেজর্ পোরোক্ষ্যেগানে তমারে ধৈয্যগুণ বাড়েই দে।

২ পিতর 1:10

ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।

ফগদাং পেইয়্যে 13:10

যিবের বন্দী অবার্ কধা আঘে তে বন্দী অবঅ। যিবের ছুড়িলোই খুন অবার কধা আঘে তে খুন অবঅ। ইয়েনত্যে গোজেন মানুচ্চুনোর ধৈজ্জ্য আর বিশ্বেজর্ দরকার।