ইব্রীয় 6:10 - Chakma Bible

¹⁰ গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

ইব্রীয় 6:10 ပူးပေါင်းရင်းမြစ်များ

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

নহিমিয় 5:19

ও মর্‌ গোজেন্‌, এ মানুচ্চুনোত্তে মুই যেদক্কানি কাম্‌ গোজ্যং সিয়েনিত্তেই তুই মর্‌ ভালেদি গুরিবাত্তে পুরি ন-পেলেচ্‌।

গীতসংহিতা 20:3

তর্ বেক্ উৎসর্বর কধানি তার্ মনত্ থোক্, তর্ পুজ্যে-উৎসর্বগুন তে গুজিই লোক্।

যাত্রা 1:20

গোজেনে সেই ওঝাগুনোরে রোক্ষ্যে গুরিলো। ইস্রায়েলীয়গুনে জনেদি বাড়া ধুরিলাক্ আর তারা জদবদে বোলী ওই উদিলাক্।

গম্ উপদেজ্ 14:31

যিবে নাঢা মান্‌‌‌জ্য উগুরে অত্যেচার গরে তে তার সিরিষ্টি গুরিয়্যেবোরে অগমান গরে, মাত্তর্ যে মানুচ্চো অভাবীগুনোরে দোয়্যে গরে তে তার সিরিষ্টি গুরিয়্যেবোরে সর্মান গরে।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

উপদেশক 11:1

তুই তঅ টেঙাগুন্ খাদা, কিত্তে ভালোক্ দিন পরেদি সিগুন আরঅ ফিরি পেবে।

যিরমিয় 18:20

ভালেদির হেনা সুজোনা কি ভান্ন্যেইলোই অবঅ? মাত্তর্ তারা দঅ মত্তে গাদ্ খুজ্যন্। ইদোত্ তুলি চাহ্, তঅ রাগ্‌কান যেনে তারা উগুরেত্তুন ফিরি যায় সেনত্তে মুই তঅ মুজুঙোত্ থিয়্যেইনে তারার তপ্পে ওইনে কধা কঙর্। ‌‌‍‍‍

যিরমিয় 31:16

তর্ কানাকুদিগান থামা আর চোগো পানিগান পুয্, কিত্তে তঅ কামর্ বক্‌শিজ্‌চান তুই পেবে। তারা শত্রুগুনো দেজত্তুন ফিরি এবাক্।‍‌

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

মথি লেখ্যে গম্ হবর্ 20:7

তারা তারে কলাক্, কেঅ আমারে কামত্ ন- লাগায়। তে সে মানুচ্চুনোরে কলঅ, তুমিয়ো মঅ আংগুর খেদর্ কামত্ যঅ।

মথি লেখ্যে গম্ হবর্ 25:17

যে দ্বি আজার্ দীনার্ পেলঅ তেয়ো সেবাবোত্যেগুরি আরঅ দ্বি আজার্ দীনার্ লাভ্ গুরিলো।

মার্ক 9:41

মুই তমারে ঘেচ্চেক্‌‌‍গুরি কঙর্, তুমি মশীহর্ মানুচ্ বিলিনে যে কেঅ তমারে এক জগ পানি হেবাত্তে দে তে কনমতে তা বক্‌‌‍শিজ্‌‌‍চান ন-আরেব।

যোহন 13:20

মুই তমারে ঘেচ্চ্যেক্‌গুরি কঙর্, মুই যিবেরে দিপাদাং, যে তারে মানি লয় তে মরেয়ো মানি লয়, আর যে মরে মানি লয়, যিবে মরে পাধেয়্যে তে তারেয়ো মানি লয়।”

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

প্রেরিত্‌ 11:29

সেক্কে শিচ্চ্যগুনে ঠিগ্ গুরিলাক্, যিহূদিয়া রেজ্যর্ বিশ্বেজি ভেইয়ুনোরে সাহায্য দিবাত্যে তারা পত্তিজনে নিজোর্ নিজোর্ সাধ্য মজিম্ টেঙা পাধেবাক্। তারা সিয়েন গোজ্জ্যন্।

রোমীয় 12:13

গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।

২ করিন্হীয় 9:1

গোজেন মানুচ্চুনোত্যে দান দিবার্ যে কাম্ চলের্ সে পৌইদ্যেনে তমা ইধু লিগিবার অবুচ্চ্যই কনঅ দরকার নেই,

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ তীমথিয় 6:18

থাগোইয়্যেগুনোরে উগুম দে যেন তারা অন্যগুনোরে উপকার্ গরন, সৎ কামত থান্, খুলো আঢে দান গরন্ আর তারার্ ধন-সোম্বোত্তির্ ভাগ অন্যগুনোরেয়ো দুয়োন।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

ইব্রীয় 10:32

আগ দিনুনোর্ কধানি মনত্ তুলি চঅ। সেক্কেনে পহ্‌র পেইনে দুঘোত্ ভারী কষ্টর্ মোধ্যেয়ো তুমি থির্ এলা।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।