ইব্রীয় 5:12 - Chakma Bible

¹² এদক দিনে তমার্ মাষ্টর ওই উদোনা উজিত এলঅ, মাত্তর্ সিয়েনর্ বদলে গোজেনর্ আজল্ কধানি আরঅ তমারে শিক্ষ্যে দিবাত্যে মাষ্টরর্ দরকার ওই পোজ্জ্যে। দর হানার বদলে চিগোন গুরোগুনো ধোক্ক্যেন আরঅ তমাত্তুন্ দুধ হানা দরকার ওই পোজ্জ্যে।

ইব্রীয় 5:12 ပူးပေါင်းရင်းမြစ်များ

২ শমূয়েল 16:23

সেক্কে দিনোত্‌ অহীথোফলর দিয়্যে সল্লাগানরে মনে গুরিদাক্ যেনে সিয়েনি গোজেনর ইত্তুন্‌ এচ্যে। অহীথোফলর সল্লাগানরে দায়ূদে আর অবশালোমে দ্বিজনে সিয়েনই মনে গুরিদাক্।

ইষ্রা 7:10

ইষ্রা লগেপ্রভুর রীদি-সুদোম পড়িবার, সিয়েনি পালেবার আর তার্ সুদোম আহ্ উগুম ইস্রায়েল দেশত্ শিক্ষ্যে দিবাত্তে নিজোরে গোজেই দিলো।

গীতসংহিতা 34:11

পুয়ো-ছাগুন্, এজঅ, মঅ কধানি শুনো, মুই তমারে শিগেম্ কেধোক্ক্যেন্ গুরি লগেপ্রভুরে ভোক্তি গরা পরে।

যিশাইয় 28:13

সেনত্তে তারা ইদু লগেপ্রভুর কধাগান্ অবদে, “ইয়েন্ গরঅ, উবোন্ গরঅ, এ সুদোমান্ মানঅ, উই সুদোমান্ মানঅ, ইয়োত্ আঘে, উবোত্ আঘে,” যেনে তারা যেইনে পিজেদি পড়ন্ আর আঘাত পেইনে ফালত্ ধরা পড়ন্।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

মথি লেখ্যে গম্ হবর্ 17:17

জোবত্ যীশু কলঅ, “অবিশ্বেজি আর পাজি মানুচ্চুন! আর কয়দিন মুই তমা লগে লগে থেম্? কয়দিন তমারে সোজ্য গুরিম? পুয়োবোরে ইয়েনত্ মইধু আনঅ।”

মার্ক 9:19

সেক্কে যীশু কলঅ, “অবিশ্বেজি মানুচ্চুন! আর কয়দিন মুই তমা সমারে থেইম্? কয়দিন তমারে সোজ্য গুরিম্? পুয়োবোরে মইধু আন।”

প্রেরিত্‌ 7:38

এই মোশি ধূল্যেচর-চাগালাত্ ইস্রায়েলীগুনোর সেই দল ভিদিরে আমা পূরোণি মানুচ্চুনো সমারে এলঅ। যে স্বর্গদূত্‌তো সিনাই মুড়োবোত্ কধা কোইয়্যে এই মোশি সেই স্বর্গদূত্‌তো সমারে সিধু এলঅ। আমারে দিবাত্যে সত্য কধানি এ মোশি সিধু পেইয়্যে।

রোমীয় 3:2

বেক্কানিদি যদেষ্ট লাভ্ ওইয়্যে। পৌইল্যাদি গোজেনে তা কধানি যিহূদীগুনোরে দিয়্যে।

১ করিন্হীয় 14:19

মাত্তর্ মন্ডলী ভিদিরে নানান্ ভাষায় আজার্ আজার্ কধা কবার্ বদলে অন্যগুনোরে শিক্ষ্যে দিবাত্যে মুই বুদ্ধিলোই বরং বানা পাচ্চান্ কধা কোম্।

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

গালাতীয় 4:3

সেই একই মজিম আমিয়ো যেক্কে চিগোন্ এলং সেক্কে জগদর্ নানান্ সুদোমর্ চাগর্ এলং।

ফিলিপীয় 3:1

জেরেদি কং, মর্ ভেইয়ুন, তুমি প্রভু লগে আঘঅ বিলিনে হুজি অ। তমা ইধু আরঅ একই কধা লেগদে মর্ কনঅ দুঘ্ ন-অর্, আর তমারে উজিয়ার্ গুরিবাত্যে সিয়েন গরানা গম্।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

ইব্রীয় 10:32

আগ দিনুনোর্ কধানি মনত্ তুলি চঅ। সেক্কেনে পহ্‌র পেইনে দুঘোত্ ভারী কষ্টর্ মোধ্যেয়ো তুমি থির্ এলা।

ইব্রীয় 5:11

এ পৌইদ্যেনে বোউত কধা আমার কবার্ আঘে মাত্তর্ সিয়েনি বুঝেইনে কনা আগাত্ত্যে, কিয়া আত্মিক সত্যগান তুমি সহজে বুঝি ন-পারঅ।

ইব্রীয় 5:13

যে দুধ হেইনে বাজে তে দঅ ইক্কিনিয়ো চিগোন চিজি, আর গম্ জিংকানি পৌইদ্যেনে যে শিক্ষ্যেগান আঘে সিয়েনত্ তে যগাজ্জ্যে নয়।

ইব্রীয় 6:1

ইয়েনত্যে খ্রীষ্ট পৌইদ্যেনে পত্তমে যে শিক্ষ্যেগান পেইয়্যেই, এজঅ সিয়েন ফেলেইনে আমি পরিপূরোণ ইন্দি উজেই যেই। ন-ফলেদে কামত্তুন্ মন ফিরেনা, গোজেন উগুরে বিশ্বেজ্,

১ পিতর 2:2

এই ইক্কিনে জোর্মেয়্যেদে চিগোন্ গুরো ধোক্ক্যেন তমার্ আধ্যাত্মিকভাবে বাড়িবাত্যে খাটি দুধ পেবাত্যে তুমি ভারী আওজি অ, যেন সিয়েন্দোই বাড়দে বাড়দে তুমি পুরোপুরি উদ্ধোরর্ ইন্দি উজেই যেই পারঅ।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।