ইব্রীয় 4:4 - Chakma Bible

⁴ পবিত্র বোইবোর এক জাগাত্ সাত দিনো পৌইদ্যেনে কুয়ো ওইয়্যে, “গোজেনে সাত দিনোত্ জিরেল কনঅ সৃট্টির কাম ন-গুরিলো।”

ইব্রীয় 4:4 ပူးပေါင်းရင်းမြစ်များ

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যাত্রা 31:17

এই দিন্নো মর্‌ আর ইস্রায়েলীয়গুনো ভিদিরে উমরত্তেই এক্কান্‌ চিহ্নো ওই‌ থেবঅ‌, কিত্তে মুই ছয় দিনো ভিদিরে দেবাবো আর পিত্‌থিমীগান বানেয়োং আর সাত্‌ দিনোত্‌ মুই কনঅ‌ কাম্‌ ন-গরং।

দ্বি’লম্বর বিররণ 5:14

মাত্তর্‌ সাত দিন্নো অলদে তমা গোজেন লগেপ্রভুর নাঙে জিরেবার্‌ দিন। সেদিন্যে তুমি, তমা ঝি-পূঅগুন, তমা চাগর আর চাগরানীগুন, তমা গোরু আর গাধাগুন বা অন্য কনঅ য়েমান বা তমা আদামত্‌ বা শঅরত্‌ বজত্তি গোজ্যে অন্য জাদর্‌ মানুচ্‌-কনজনে কনঅ কাম্‌ গরানা ন-চলিবো। সেক্কে তমা চাগর্‌ আর চাগরানীগুনেয়ো তমা ধোক্ক্যেন জিরেই পারিবাক্।

ইব্রীয় 2:6

পবিত্র বোইবো ভিদিরে এক জাগাত্ কনঅ একজনে এ কধাগান কোইনে সাক্ষ্য দিয়্যে: মানুচ্‌ এমন্‌ কি যে, তুই তা পৌইদ্যেনে চিন্তে গরচ্? মান্‌জ্যর পুয়োগুন বা কি যে, তুই তা-ইন্দি মনযোগ দুয়োচ্?

ইব্রীয় 4:10

কিয়া গোজেনে যেধোক্ক্যেন গুরি তার্ সৃট্টির কামানি থুম্ গুরিনে জিরেয়্যে ঠিগ্ সেধোক্ক্যেন গুরি যে মানুচ্চো গোজেনর দিয়্যে জিরেবার জাগানত্ যায়, তেয়ো তা কামত্তুন্ জিরেন পায়।