ইব্রীয় 3:19 - Chakma Bible

¹⁹ ইয়েনত্ দেগা যায় যে, তারার্ অবিশ্বেজর্ কারনে তারা গোজেনর্ দিয়্যে জিরেবার জাগানত্ যেই ন-পারন।

ইব্রীয় 3:19 ပူးပေါင်းရင်းမြစ်များ

গীতসংহিতা 106:24

পরেন্দি তারা সেই দোল্ দেজ‌্‌ছানরে ঈচ্ গুরিলাক্; তারা লগেপ্রভুর কধা বিশ্বেজ্ ন-গুরিলাক্।

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

যোহন 3:18

যে সেই পুয়োবো উগুরে বিশ্বেজ্ গরে তার্ কনঅ বিচের্ ন-অয়, মাত্তর্ যে বিশ্বেজ্ ন-গরে তারে দুষি বিলি আগেত্তুন্ ধুরি ঠিগ্ গরা ওইয়্যে, কিয়া তে গোজেনর্ বানা এক্কোগুরি পুয়ো উগুরে বিশ্বেজ্ ন-গরে।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

রোমীয় 11:23

আর যুনি তারা অবিশ্বেজত্তুন্ ফিরোন্ সালে তারার্ নিজো গাজ সমারে আরঅ জড়া দিয়্যে অবঅ, কিয়া এই জড়া দেনার্ কামান্ গোজেনে গুরি পারে।

দ্বি’লম্বর বিররণ 1:32

তো তুমি তমা গোজেন লগেপ্রভু উগুরে বিশ্বেজ্ ন গরঅ।

২ থিষলনীকীয় 2:12

যিগুনে সত্যত্ বিশ্বেজ্ ন-গুরিনে অন্যেয় কামত্ হুজি ওইয়োন তারারে বেক্কুনোরে বিচেরত্ দুষি বিলিনে ধরা অবঅ।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

১ যোহন 5:10

গোজেন পুয়োবো উগুরে যে বিশ্বেজ্ গরে তা মনভিদিরে সেই সাক্ষিগান আঘে। যিগুনে গোজেনরে বিশ্বেজ্ ন-গরন তারা তারে মিজেমাদিয়্যে বানেয়োন, কিয়া গোজেনে তা পুয়োবো পৌইদ্যেনে যে সাক্ষিগান দের্ সিয়েন তারা বিশ্বেজ্ ন-গরন।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।