ইব্রীয় 3:18 - Chakma Bible

¹⁸ আর কাইধু বা গোজেনে খাম হেইনে কোইয়্যেদে, তারা তার্ দিয়্যে জিরেবার জাগানত্ যেই ন-পারিবাক্? তারা কি সেই মানুচ্চুন নয় যিগুনে তারে অবিশ্বেজ গুরিনে অমান্য গোজ্জ্যন?

ইব্রীয় 3:18 ပူးပေါင်းရင်းမြစ်များ

গীতসংহিতা 78:22

কিত্তেই গোজেন উগুরে তারা বিশ্বেজ্ ন-গরন; তে যে তারারে উদ্ধোর্ গুরিবো সে কধানি তারা নির্ভর ন-গরন্।

গণাণা 14:11

লগেপ্রভু মোশিরে কলঅ, “আর কয়দিন এই মানুচ্চুনে মরে ইংসে-নিন্দে গুরিবাক? তারা ভিদিরে মুই যেদক্কানি আমক্‌ অবার্‌ চিহ্নো দেগেয়োং তার্‌ পরেদিয়ো আর কয়দিন তারা মরে অবিশ্বেজ্ গুরিবাক?

গণাণা 14:30

বজত্তি গুরিবাত্তে যে দেজ্‌চান্‌ তমারে দিম্‌ বিলি মুই শমক্‌ গোজ্যং বানা যিফুন্নির পূঅ কালেবে আর নূনোর পূঅ যিহোশূয়ো বাদে আর কনজনে সেই দেজত্‌ চোমেই ন-পারিবাক।

গণাণা 14:37

অত্তাৎ যে মানুচ্চুনে সেই দেজ্‌চানর্‌ পৌইদ্যেনে ভান্ন্যেই কধা ছোড়েই দিবাত্তে দায়ী এলাক তারা বেক্কুনে লগেপ্রভুর মুজুঙোত ভানালোই মুরি গেলাক্।

গণাণা 20:12

মাত্তর্‌ লগেপ্রভু মোশি আর হারোণরে কলঅ, “তুমি মঅ উগুরে বিশ্বেজ্ ন-গরঅ আর ইস্রায়েলীয়গুনোর মুজুঙোত্‌ মরে সুদ্ধো-সাংগ বিলি ন-মানঅ। সেনত্তে যে দেজ্‌চান্‌ মুই ইস্রায়েলীয়গুনোরে দিম্‌ তুমি তারারে সিয়েনত্‌ নেযেই ন-পারিবা।”

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

রোমীয় 11:30

যেধোক্ক্যেন্ তুমি এক সময়োত্ গোজেনর্ অবাধ্য এলা মাত্তর্ যিহূদীগুনোর্ অবাধ্যতার্ কারনে ইক্কিনে গোজেনর্ দোয়্যে পেইয়ো,

দ্বি’লম্বর বিররণ 9:23

লগেপ্রভু কাদেশ-বর্ণেয়ত্তুন তমারে রওনা গুরিবার্‌ অক্তত্‌ কোইয়্যেদে, যে দেজ্‌ছান মুই তমারে দুয়োং তুমি যেইনে সিয়েন গজক্ গরঅ। মাত্তর্‌ তুমি তমার গোজেন লগেপ্রভুর উগুমোর্‌ বিরুদ্ধে উল্লোমী গুরিলে। তুমি তারে বিশ্বেজঅ ন-গরঅ, তার্‌ কধালোই কানঅ ন-পাদঅ।

ইব্রীয় 3:11

সেনত্যে মুই রাগে শমক্ হেইনে কোইয়োঙে, ‘মুই দোঙে জিরেবার জাগানত্ তারা যেই ন-পারিবাক্।’ ”

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

ইব্রীয় 4:2

ইস্রায়েলীগুনো ইধু যেধোক্ক্যেন গম হবর্ ফগদাং গরা ওইয়্যে সেধোক্ক্যেন গুরি আমা ইধুয়ো গরা ওইয়্যে। মাত্তর্ সেই গম হবরত্ ইস্রায়েলীগুনোর্ কনঅ লাভ ন অয়, কিয়া তারা সিয়েনি শুনিনে বিশ্বেজ্ ন-গরন।

ইব্রীয় 4:6

ইক্কিনে এ কধাগান ঠিগ্ যে, কিজু মান্‌জ্যে তার দিয়্যে জিরেবার জাগানত্ যেই পারিবাক; মাত্তর্ যে ইস্রায়েলীগুনো ইধু আগে গম হবর্ ফগদাং গরা ওইয়্যে তারার্ অবাধ্যতার্ কারনে তারা গোজেনর্ দিয়্যে জিরেবার জাগানত্ যেই ন-পারন্।