ইব্রীয় 3:17 - Chakma Bible

¹⁷ আর চল্লিশ বজর্ ধুরিনে গোজেনে কুগুনো উগুরে তোচ্চ্যা পেলঅ? সিগুনে কি সে মানুচ্চুন নয় যিগুনে পাপ গোজ্জ্যন আর যিগুনোর্ মরা কিয়্যেনি ধূল্যেচর-চাগালাত পোজ্জ্যে এলঅ?

ইব্রীয় 3:17 ပူးပေါင်းရင်းမြစ်များ

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যিরমিয় 9:22

লগেপ্রভু মরে এ কধাগান কবাত্তে কলদে, “মানুচ্চুনোর মরা কিয়্যেগানি গবর ধোক্ক্যেন খুলো মাদত্ পড়ি থেবঅ; যিগুনে খেত্-খেত্তি কাবন্ তারা পিজেদি কাবিনে ফেলে রাগেয়্যে শোজ্য ধোক্ক্যেন সিগুন পড়ি থেবাক্, কনজনে তারারে ন-কুড়েবাক্।”

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

গণাণা 14:28

লগেপ্রভু মোশি আর হারোণরে কলঅ ইস্রায়েলীয়গুনোরে কবাত্তে, “মর্‌ জীংকানির্‌ দিব্য দিইনে কঙত্তে, মুই লগেপ্রভু তমারে যিয়েন্‌ কদে শুন্যং সেধোক্ক্যেন মুই তমাত্তে গুরিম।

গণাণা 14:29

তমা ভিদিরে কুড়ি বজর বা তাত্তুন্‌ বেশ্‌ বয়জর্‌ যিগুনোরে মানুচ্‌ গুণিবার্‌ সময় গোণা ওইয়্যে, অত্তাৎ যিগুনে মর্‌ বিরুদ্ধে বক্‌বক্‌ গোজ্যন, তারার্‌ মরাকিয়্যেগানি এই ধূল্যেচর-চাগালাত্‌ পড়ি থেবঅ।

গণাণা 14:37

অত্তাৎ যে মানুচ্চুনে সেই দেজ্‌চানর্‌ পৌইদ্যেনে ভান্ন্যেই কধা ছোড়েই দিবাত্তে দায়ী এলাক তারা বেক্কুনে লগেপ্রভুর মুজুঙোত ভানালোই মুরি গেলাক্।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।