ইব্রীয় 3:14 - Chakma Bible

¹⁴ কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 3:14 ပူးပေါင်းရင်းမြစ်များ

রোমীয় 11:17

যুনি সেই জলপাই গাজর্ কুদুক্কুন্ ডেলা ভাঙি ফেলেইনে সেই জাগানত্ তঅ ধোক্ক্যেন্ ঝার্‌বো জলপাই গাজর্ ডেলা জড়া দিয়্যে অয় আর তুই আজল্ জলপাই গাজর্ গড়াত্তুন্ রচ্‌ টানি লচ্,

রোমীয় 11:22

সেনত্তে গোজেনে যে কত্তমান্ দোয়্যেলু আর আগাত্ত্যে সিয়েন একবার্ ভাবি চাহ্। যিগুনে পড়ি যেইয়োন্ তারা উগুরে তে দরমর, মাত্তর্ তঅ উগুরে তে দোয়্যেলু-খালিক্ যুনি তুই তার্ দোয়্যে ভিদিরে থাচ্। সেধোক্ক্যেন্ ন-অলে তরেয়ো কাবি ফেলা অবঅ।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 10:17

আমি ভালোক্কুন অলেয়ো একই কিয়্যে, কিয়া বানা এক্কান রুটি আঘে, আর আমি বেক্কুনে সেই রুটির কট্টাগান্ লোই।

১ করিন্হীয় 9:23

ইয়েনি বেক্কানি মুই গম্ হবরত্যে গরঙর্ যেন ইয়েনর্ আশিদ্‌বাদর ভাগি ওই পারং।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

১ তীমথিয় 6:2

যে চাগর্‌বো খ্রীষ্ট বিশ্বেজির্ গিরোজর্ অধীন তে যেন বিশ্বেজি ভেই বিলিনে সেই গিরোজ্‌সোরে ঈচ্ ন-গরে বরং আরঅ গমেডালে তার সেবা গরে, কিয়া তার্ সেবালোই যিবে উপকার পার্ তে দঅ বিশ্বেজি আর তার্ কোচ্‌পেইয়্যে। এ বেপারানি শিক্ষ্যে দে আর উপদেচ্‌ দে।

ইব্রীয় 11:1

আমি যিয়েন পেবং বিলিনে আজা গুরি আঘিই সিয়েন যে আমি পেবং এই ঘেচ্চেকগুরিগান অলঅ বিশ্বেজ্। আর সেই বিশ্বেজ্‌চান্দোই আমি নিচ্চিত গুরি বুঝি পারিই যে, আমি যিয়েন ন-দেগির্ সিয়েন আসলে আঘে।

ইব্রীয় 12:10

আমা জগদ বাব্‌পুনে যিয়েন গম্ মনে গুরিদাক্ সেধোক্ক্যেনগুরি আমারে শাসন গোজ্জ্যন্, আর সিয়েন কয়েক্ দিনোত্যে; মাত্তর্ আমা ভালেদিত্যে গোজেনে আমারে শাসন গরে যেন আমি তার্ পবিত্রতাগান পেই।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 6:11

আমি চেই, তুমি পত্তিজনে যেন থুম্ সং এক্কুই আওজ্ দেগঅ। সেক্কে তুমি পুরোপুরি গুরি নিচ্চিত্ অবা যে, তমার আজাগান পূরোণ অবঅ।

ইব্রীয় 6:4

কিয়া যিগুনে একবার্ পহ্‌রান দেক্ক্যন, স্বর্গীয় দানর্ সুয়োদ্‌তান আর পবিত্র আত্মার্ আভা পেইয়োন,

১ পিতর 4:13

সিয়েনত্তুন্ বরং তুমি যে খ্রীষ্টর্ দুঘ্ ভুগোনার ভাগ লর্ সিয়েন্দোই হুজি অ, যেন তার্ মহিমাগান যেক্কে ফগদাং অবঅ সেক্কে তুমি হুজি অ।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

১ যোহন 1:3

যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।