ইব্রীয় 3:1 - Chakma Bible

¹ সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

ইব্রীয় 3:1 ပူးပေါင်းရင်းမြစ်များ

গীতসংহিতা 110:4

লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 41:20

যেনে মানুচ্চুনে দেগন্, হবর্ পেইনে আর বিবেচনা গুরিনে বুঝি পারন্, লগেপ্রভুর্ আঢ্‌‌‌‌‌তানিয়ে এ কামান গোজ্যে, ইস্রায়েলর সেই সুদ্ধো-সাংগ মানুচ্চো ইয়েনি গোজ্যে।”

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিহিষ্কেল 12:3

“সেনত্তে ও মান্‌‌‌জ্যর পুয়োবো, তুই যেন দূরোত্ বন্দী ওই যর্ সেবাবোত্যেগুরি তর্ পযাপিরানি বানি নেযা আর তারা চোগো মুজুঙোত্ দিনোত্ আদা মার্; তুই যিয়েনত্ আগচ্ সিয়েনত্তুন্ অন্য জাগাত্ যাহ্। তারা যে উল্লোমী জাদ্ অয়ত তারা সিয়েন বুঝি পারিবাক্।

যিহিষ্কেল 18:28

তার অন্যেয়র্ কধানি ভাবিনে সিয়েনিত্তুন্ ফিজ্যে বিলিনে তে হামাক্কায় বাঁজিবো, ন-মুরিবো।

হগয় 1:5

মুই বেগত্তুন্ খেমতাবলা লগেপ্রভু কঙর্, তুই কিবাবোত্যেগুরি চলর্ সিয়েন গমেডালে চিন্তে গুরি চাহ্।

হগয় 2:15

ইক্কিনেত্তুন্ ধুরি তুমি এ পৌইদ্যেনে গমেডালে চিন্তে গরঅ, মঅ ঘরত্ যেক্কে এক্কো পাত্তর উগুরে আর এক্কো পাত্তর্ ন-এলঅ সেক্কে কি অবস্থা এলঅ।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 20:21

যেরেদি যীশু আরঅ তারারে কলঅ, “তমার্ শান্তি ওক্‌। বাবা যেধোক্ক্যেনগুরি মরে পাধেয়্যে মুইয়ো সেধোক্ক্যেনগুরি তমারে পাধাঙর্।”

যোহন 20:27

পরেদি তে থোমারে কলঅ “তঅ আঙুলুন্ ইয়োত্ দিইনে মঅ দ্বিয়েন্ আঢ্ চাহ্ আর তঅ আঢ্‌তানি বাবেইনে মঅ বুগোত্ রাগা। অবিশ্বেজ্ ন-গুরিচ্ বরং বিশ্বেজ্ গর্।”

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

রোমীয় 11:17

যুনি সেই জলপাই গাজর্ কুদুক্কুন্ ডেলা ভাঙি ফেলেইনে সেই জাগানত্ তঅ ধোক্ক্যেন্ ঝার্‌বো জলপাই গাজর্ ডেলা জড়া দিয়্যে অয় আর তুই আজল্ জলপাই গাজর্ গড়াত্তুন্ রচ্‌ টানি লচ্,

রোমীয় 15:27

এ টেঙাগুন্ তারা হুজি ওইনে তুল্ল্যন। ইয়েন বাদেয়ো এই মন্ডলীগুন যিরূশালেম মানুচ্চুনো ইধু নাম্ ফুদেয়্যে, কিয়া যিহূদীগুনে যেক্কে তারার্ আত্মিক আশির্বাদর্ ভাগ্ অযিহূদীগুনোরে দুয়োন সেক্কে অযিহূদীগুনোর‌্‌‌অ উচিত্ সাংসারিগ পৌইদ্যেনে যিহূদীগুনোরে সাহায্য গরানা।

রোমীয় 15:8

ইদোত্ রাগেচ্, গোজেন কধাগান যে সত্য সিয়েন ফগদাং গুরিবাত্তে খ্রীষ্ট যিহূদীগুনোর্ সেবাগুরিয়্যে ওইয়্যে। ইয়েনর্ উদ্দেশ্যগান্ এলঅ, পূরোণি মানুচ্চুনো ইধু গোজেনে যেদক্কানি এগেম্ গোজ্জ্যে সিয়েন যেন পুরোয় আর তার্ দোয়্যে-মেয়্যের্ কারনে অযিহূদীগুনে তারে বাঈনী গরন্। এ পৌইদ্যেনে পবিত্র বোইবোত্ লেগা আঘে, ইয়েনত্যে অন্য জাদ্‌তুনো ইধু মুই তর্ বাঈনী গুরিম আর তরে নাঙ্ গিনিম্।

রোমীয় 9:24

আমি অলঙে সেই দোয়্যের্ মানুচ্চুন্। তে আমারে বানা যিহূদীগুনোত্তুন্ ন-ডাগে, অযিহূদীগুনো ভিদিরেত্তুন্-অ ডাক্ক্যে।

১ করিন্হীয় 10:17

আমি ভালোক্কুন অলেয়ো একই কিয়্যে, কিয়া বানা এক্কান রুটি আঘে, আর আমি বেক্কুনে সেই রুটির কট্টাগান্ লোই।

১ করিন্হীয় 9:23

ইয়েনি বেক্কানি মুই গম্ হবরত্যে গরঙর্ যেন ইয়েনর্ আশিদ্‌বাদর ভাগি ওই পারং।

২ করিন্হীয় 1:7

তমা পৌইদ্যেনে আমার্ থির্ বিশ্বেজ্ আঘে, কিয়া তুমি যেধোক্ক্যেন আমার্ দুঘোর্ ভাগী সেধোক্ক্যেন আমার্ সান্তনার্‌‌অ ভাগী।

২ করিন্হীয় 9:13

তুমি যে বিশ্বেজি, তমার্ এই দান্ গরানাগানে সিয়েন প্রমাণ গুরিবো, আর সিয়েন দেগিনে তারা গোজেনরে বাঈনী গুরিবাক্, কিয়া তুমি খ্রীষ্ট পৌইদ্যেনে গম্ হবরান্ বিশ্বেজ্ গুরিনে তার্ বাধ্য ওইয়ো আর তুমি খুলো আঢে তারারে আর অন্য বেক্কুনোরে দান গোজ্জ্য।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ইফিষীয় 4:4

গোজেনে তমারে ডাক্ক্যে বিলিনে তমা ইধু বানা এক্কান আজা আঘে, বানা এক্কানই কিয়্যে আঘে, একজনই সুদ্ধো-সাংগ আত্মাবলা আঘে,

কলসীয় 1:22

মাত্তর্ খ্রীষ্টর মরণর মাধ্যমে তা কিয়্যেগান্দোই গোজেনে নিজো লগে ইক্কিনে তমারে এগত্তর্ গোজ্জ্যে, যেন তে তমারে পবিত্র, থুদো নেইয়্যে আর নিদ্দুজি অবস্থায় নিজো মুজুঙোত্ আঝির্ গুরি পারে।

কলসীয় 3:12

ইয়েনত্যে গোজেনে যিগুনোরে বেঈ লোইনে নিজোত্যে জুদো গুরি থোইয়্যে তার্ সেই কোচ্‌‌পেইয়্যে মানুচ্‌ ইজেবে তুমি মনেদি মেয়্যে, দোয়্যে, নম্রতা, নরম-খাচ্চ্যত্ আর ধৈজ্জ্য দিইনে নিজোরে সাজঅ।

১ থিষলনীকীয় 5:27

মুই প্রভুর্ নাঙে তমারে এই উগুমান দোঙর্, এ চিধিগান যেন বেক্‌ ভেইয়ুনো ইধু পড়িনে শুনো অয়।

২ থিষলনীকীয় 1:11

সেনত্যে আমি নিত্য তমাত্যে তবনা গুরি থেই যেন আমা গোজেনে তমারে তার্ ডাগনির্ যগাজ্জ্যে বিলিনে মনে গরে, আর যেন তার্ খেমতালোই তমার্ গম্ কাম গুরিবার আওজ্‌চানি তে পুরেই দে আর বিশ্বেজর্ ফলে তুমি যে কামানি গরর্ তে যেন সিয়েনি পূরোণ গুরি দে।

২ থিষলনীকীয় 2:14

আমি যে গম্ হবরান্ ফগদাং গুরির্ সিয়েনর্ মাধ্যমে সেই উদ্ধোরান পেবাত্যে তে তমারে ডাক্ক্যে, যেনে তুমি আমা প্রভু যীশু খ্রীষ্টর্ মহিমার ভাগী অ।

১ তীমথিয় 6:12

খ্রীষ্ট উগুরে বিশ্বেজত্যে তার্ পক্ষে মনে-পরাণে যুদ্ধো চালেই যাহ্। যে উমর্‌অ জিংকানিত্যে গোজেনে তরে ডাক্ক্যে সেই উমর্‌অ জিংকানিগান ধুরি রাগা। তুই বোউত্ মান্‌জ্য মুজুঙোত্ তর বিশ্বেজর্ সাক্ষ্য দুয়োচ্।

১ তীমথিয় 6:2

যে চাগর্‌বো খ্রীষ্ট বিশ্বেজির্ গিরোজর্ অধীন তে যেন বিশ্বেজি ভেই বিলিনে সেই গিরোজ্‌সোরে ঈচ্ ন-গরে বরং আরঅ গমেডালে তার সেবা গরে, কিয়া তার্ সেবালোই যিবে উপকার পার্ তে দঅ বিশ্বেজি আর তার্ কোচ্‌পেইয়্যে। এ বেপারানি শিক্ষ্যে দে আর উপদেচ্‌ দে।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

২ তীমথিয় 2:7

মুই যিয়েন কঙর্ সিয়েন তুই চিন্তে গুরি চেইচ্, কিয়া প্রভুই তরে বেক্কানি পৌইদ্যেনে বুঝিবার খেমতা দান গুরিবো।

ইব্রীয় 10:19

ভেইলগ্, যীশু খ্রীষ্টর্ লো-গানর্ গুণে সেই দাঙর্ পবিত্র জাগানত্ সোমেবার সাহচ্‌ আমার আঘে।

ইব্রীয় 10:21

ইয়েন বাদে আমার এক্কো দাঙর্ ধর্মগুরুয়ো আঘে, যিবে উগুরে গোজেন ঘোর্‌বোগুনোরে ভারান্ দিয়্যে ওইয়্যে।

ইব্রীয় 10:23

বিশ্বেজি ইজেবে আমার যে আজা আঘে, এজঅ, আমি থির্ ওইনে তা কধানি স্বিগের্ গুরি থেই, কিয়া যিবে এগেম্ গোজ্জ্যে তে বিশ্বেজ্‌বলা।

ইব্রীয় 13:22

ভেইলগ্, তমা ইধু মর্ বিশেষ কোজোলি ইয়েন, মর্ এ উপদেজর্ কধানি তুমি মানি লঅ। মুই দঅ তমা ইধু বেচ্‌ কধা ন-লিগিলুং।

ইব্রীয় 2:11

যে মানুচ্চুনোরে পবিত্র গরে সেই যীশু নিজে আর যিগুনোরে তে পবিত্র গরে সে মানুচ্চুনে বেক্কুনে গোজেনর্ ঘোর্‌বো। ইয়েনত্যে যীশু সে মানুচ্চুনোরে ভেই বিলিনে ডাগদে ন-লাজায়।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 6:20

যীশুই আমার্ ওইনে আমা আগেদি সেই জাগানত্ যেয়্যে। তে উমরত্যে মল্কীষেদক ধোক্ক্যেন দাঙর্ ধর্মগুরু ওইয়্যে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ইব্রীয় 7:28

রীদি-সুদোমে মন্-মরা মানুচ্চুনোরে দাঙর্ ধর্মগুরু পদত্ নেযায়; মাত্তর্ রীদি-সুদোমর্ পরেদি যে শমক্ গরা ওইয়্যে সেই শমক্‌কান্ উমরত্যে পূরোণ ওইয়্যে গোজেনর্ পুয়োবোরে দাঙর্ ধর্মগুরু পদ্‌তানত্ নেযা ওইয়্যে।

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

১ পিতর 3:5

পুরোণি কালর্ যে গোজেন-ভক্ত মিলেগুনে গোজেন উগুরে আজা রাগেদাক্ তারা নিজোর্ নিজোর্ নেগ অধীনোত্ থেইনে এবাবোত্যে গুরি নিজোরে সাজেদাক্;

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

১ যোহন 1:3

যিবেরে আমি দেক্ক্যেই আর যিবের্ মুয়ো কধানি আমি শুন্ন্যেই তা পৌইদ্যেনে তমারে জানাঙর্। আমি সিয়েন জানের্ যেন তমার্ আর আমা ভিদিরে এক্কান উদোন্-বজন্ অয়। এই উদোন্-বজনান্ অলঅ বাবা সমারে তার্ পুয়ো যীশু খ্রীষ্ট আর আমা ভিদিরে।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”