ইব্রীয় 2:9 - Chakma Bible

⁹ মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

ইব্রীয় 2:9 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 6:28

কাবড়-চুগোড়ত্তে কিত্তে চিন্তে গরঅ? মাদ ফুলুনোর্ কধা ভাবি চঅ সিগুন্ কেধোক্ক্যেন্ গুরি দাঙর্ অন্। তারা কাম্‌অ ন-গরন্, সুদোয়ো ন-কাবন্।

মার্ক 9:1

সে পরেদি যীশু শিচ্চ্যগুনোরে কলঅ, “মুই তমারে ঘেচ্চেক্‌‌গুরি কঙর্, ইয়েনত্ এমন্ কয়েকজন আগন্ যিগুনো ইধু গোজেনর্ রেজ্যগান দাঙর্ খেমতালোই দেগা ন-দেনা সং তারা কনমতে মুরি ন-যেবাক্।”

লূকে লেখ্যে গম্ হবর্ 9:27

মুই তমারে ঘেচ্চেক্‌গুরি কঙর্, ইয়েনত্ এমন কয়েক্কো আগন্ যিগুনো ইধু গোজেন রেজ্যগান্ দেগা ন-দেনা সং তারা কনমতে মুরি ন-যেবাক্।”

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 10:17

বাবা মরে ইয়েনত্যে কোচ্‌পায়, কিয়া মুই মঅ পরাণান্ দিম্ যেন সিগুন্ আরঅ ফিরেই নি পারং।

যোহন 12:32

মরে যেক্কে মাদিত্তুন্ অজলত্ তুলো অবঅ সেক্কে মুই বেক্কুনোরে মঅ কায়কুরে টানি আনিম্।”

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

যোহন 8:51

মুই তমারে ঘেচ্চ্যেক্‌গুরি কঙর্, কেঅ যুনি মঅ কধা মজিম চলন্ সালে তে কনদিন্অ ন-মুরিবো।”

যোহন 8:52

যিহূদী নেতাগুনে তারে কলাক্, “এবেরা আমি ঘেচ্চ্যেক্‌গুরি বুঝিলোং যে, তরে ভূদে পেইয়্যে। অব্রাহাম আর ভাববাদীগুনে মুরি যেয়োন্, আর তুই কত্তে, ‘যুনি কেঅ মঅ কধা মজিম চলে তে কনদিন্অ ন- মুরিবো।’ তুই কি বাবা অব্রাহামত্তুন্অ বেশ্ দাঙর্?

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

প্রেরিত্‌ 3:13

অব্রাহাম, ইস্‌হাক আর যাকোবর গোজেন, অত্তাৎ আমা পূরোণি মানুচ্চুনোর গোজেন এ কামান্দোই নিজোর চাগর্ যীশুর মহিমাগান্ ফগদাং গোজ্যে। তুমি দঅ যীশুরে মারে ফেলেবাত্যে ধুরি দুয়ো। পীলাতে তারে ইরি দিবাত্তে চেইয়্যে, মাত্তর্ তুমি পীলাত মুজুঙোত্ তারে অস্বিগের্ গোজ্য।

রোমীয় 5:18

সালে এক্কান্ পাপর মাধ্যমে যেবাবোত্যেগুরি বেক্ মানুচ্চুনোর সাজা পেবার্ যগাজ্যে বিলি ধরা ওইয়্যে, সেবাবোত্যেগুরি এক্কান গম্ কামর্ মাধ্যমে বেক্ মানুচ্চুনোরে নিদ্দুজি বিলি মানি লবার্ বেবস্থা গরা ওইয়্যে আর সিয়েনর্ ফল অলঅ উমর জিংকানি।

রোমীয় 5:8

মাত্তর্ গোজেনে যে আমারে কোচ্‌পায় সিয়েনর্ প্রমাণ্ ইয়েন্, আমি পাপী থাগদে খ্রীষ্ট আমাত্যে পরাণান্ দিয়্যে।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

২ করিন্হীয় 5:15

তে বেক্কুনোর্ ওইনে মুরিলো যেন যিগুনে জেদা আঘন্ সিগুনে আর নিজোত্যে বাঁজি ন-থান্; বরং যে তারাত্যে মুরিলো আর জেদা ওইয়্যে তাত্যেই বাঁজি থান্।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

১ তীমথিয় 2:6

তে বেক্‌ মানুচ্চুনোর উদ্ধোরর্ দাম ইজেবে নিজোর জিংকানিগান দিয়্যে। গোজেনর্ ঠিগ গোজ্জ্যে সময়োত্ সে পৌইদ্যেনে সাক্ষ্য দিয়্যে ওইয়্যে,

ইব্রীয় 1:9

তুই ন্যায়ানরে কোচ্‌পেইয়োচ অার অন্যেয়ানরে ঈচ্ গরচ্; সেনত্যে গোজেন, তর্ গোজেন, তঅ সমাজ্জ্যেগুনোত্তুন্ বোউত্ বেশ্ হুজি তেল ধোক্ক্যেন গুরি তঅ উগুরে ঢালি দিয়্যে।”

ইব্রীয় 10:5

সেনত্যে খ্রীষ্ট এ জগদত্ এবার্ অক্তত্ গোজেনরে কোইয়্যেদে, “য়েমান আর অন্য উৎসর্ব তুই ন-চাজ্, মাত্তর্ মত্যে এক্কান কিয়্যে তুই বানেয়োচ্।

ইব্রীয় 11:5

বিশ্বেজত্যে হনোকে মুরি ন-যায়; তারে স্বর্গত্ তুলি নেযা ওইয়্যে। গোজেনে তারে নেযেয়্যে বিলিনে তারে তোগেই পাহ্ ন-যায়। হনোকরে নেযেবার আগে গোজেনে এ সাক্ষ্যগান দিয়্যেদে যে, হনোকে তারে হুজী গোজ্জ্যে।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 2:7

তুই মান্‌জ্যরে স্বর্গদূত্‌তুনোত্তুন্ সামান্য তলে গোজ্জ্যস্। রাজমুকুট ইজেবে তুই তারে দান গোজ্জ্যস্ বাঈনী পানা আর সর্মান,

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

ইব্রীয় 8:3

পত্তি দাঙর্ ধর্মগুরু এ্যামান-উৎসর্ব আর অন্য জিনিচ্‌ উৎসর্ব গুরিবাত্যে নেযা অয়, সেনত্যে এই দাঙর্ ধর্মগুরুগুনোর্‌অ কনঅ কিজু উৎসর্ব গুরিবার দরকার্।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ যোহন 2:2

আমা পাপ্পানি দূর্ গুরিবাত্যে খ্রীষ্ট তার্ নিজো জিংকানিগান্ উৎসর্ব গুরিনে গোজেনরে হুজি গোজ্জ্যে। বানা আমা পাপ্পানি নয়, মাত্তর্ বেক মানুচ্চুনোর পাপ্পানি দূর্ গুরিবাত্যে তে সিয়েন গোজ্জ্যে।

ফগদাং পেইয়্যে 19:12

তা চোগ্‌‌কুন জ্বোল্‌‌জোল্যে আগুনো ধোক্ক্যেন আর তা মাঢাবোত্ ভালোক্কুন মুকুট এলাক্। তা কিয়্যেনত্ এন্ এক্কান নাঙ্ লেগা এলঅ, যে নাঙান্ তে নিজে বাদে আর কেঅ কোই ন-পারন্।

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।