ইব্রীয় 2:17 - Chakma Bible

¹⁷ সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 2:17 ပူးပေါင်းရင်းမြစ်များ

২ বংশধর 29:24

ইয়েন পরেন্দি ধর্মগুরুগুনে সে ছাগলুন্‌ কাবিলাক্‌ আর বেক্‌ ইস্রায়েলীয়গুনোর্‌ পাপ্পানি ঢাগিবার্‌ আজাই পূজোগুনো উগুরে সে লো-গানিলোই পাপ-উৎসর্বর পরব্‌ গুরিলাক্‌। বেক্‌ ইস্রায়েলীয়গুনোত্তে পূজ্যে-উৎসর্ব আর পাপ-উৎসর্ব গুরিবার উগুমান রাজা দিয়্যে।

যিশাইয় 11:5

সততাগান্ অবদে তার কমর্-বিজোনি আর বিশ্বেজ্‌চান অবদে তার কমরত্ বানিবার্ ফিতে।‌

যিহিষ্কেল 45:15

ইস্রায়েল দেজ ভিদিরে গম্ ভূইয়োত্ চরন্ এবাবোত্যে পত্তি দিশঅ ছাগল-ভেড়াত্তুন্ এক্কো ছঅ দিবে। মানুচ্চুনোর্ পাপ ঢাগিবাত্তে ইগুন্ শোজ্য-উৎসর্ব, পুজ্যে-উৎসর্ব আর উদোলোলি-উৎসর্বত্তে বেবহার গরা অবঅ।

যিহিষ্কেল 45:17

শাজন্‌গুরিয়্যেবোর্ কাম্ অবঅ বেক্ পরব্‌পুন, আঙোস্যে আর জিরেবার দিনুনোত্তে, অত্তাৎ ইস্রায়েল জাদর্ ঠিগ্ গোজ্যে বেক পরব্‌পুনোত্তে পূজ্যে উৎসর্ব, শোজ্য-উৎসর্ব আর পানীয়-উৎসর্বর্ জিনিস যুগেই দেনা। তে ইস্রায়েল জাদর্ পাপ ঢাগি দিবাত্তে পাপ-উৎসর্ব, শোজ্য-উৎসর্ব, পূজ্যে-উৎসর্ব আর উদোলোলি-উৎসর্বর জিনিস যুগেই দিবো।

যিহিষ্কেল 45:20

যিগুনে ভুল গরন্ বা হবর্ ন-পেইনে উবোসনা-ঘর বিরুদ্ধে কনঅ পাপ গুরি ফেলান্ তুমি তারাত্তে মাসর্ সাত দিনোত্ সেই এক্কুই কাম গুরিবা। এবাবোত্যেগুরি তুমি পাপ ঢাগি দিবার্ অনুষ্ঠান গুরিনে উবোসনা-ঘরান্ সিজি গুরিবা।

দানিয়েল 9:24

তর্ মানুচ্চুনোত্তে আর তর্ সুদ্ধো-সাংগ শঅরত্তে সত্তুর্ গুণ সাত বজর ঠিগ্ গরা ওইয়্যে। সেই সময়ো ভিদিরে ভান্ন্যেয়ানি বন্ধ গরা অবঅ, অন্যেয়র্ থুম্ অবঅ, পাপ নাঢি দিয়্যে অবঅ, উমরত্যে ন্যায্যতা থিদেবর্ গরা অবঅ, দর্শন আর আগাম্ বাণী পূরোণ গরা অবঅ আর দাঙর্ সুদ্ধো-সাংগ জাগানরে অভিষেগ্ গরা অবঅ।

লেবীয় 14:18

আঢর্‌ বাদবাগি তেলান্‌ সে মানুচ্চোর্‌ মাদাত্‌ দিবো। ইঙিরিনে লগেপ্রভুর মুজুঙোত্ তে তার্‌ ফি-বলাগান্‌ নাঢি দিবো।

লেবীয় 16:16

ইস্রায়েলীয়গুনে যে পাপ্পানি গুরি থেদাক্‌ সাৎ, তারার্‌ সে ফি-বলাগান্‌ আর অবাধ্যগানর্‌ কারনে দাঙর পবিত্র জাগানর্‌ ফি-বলাগান্‌ হারোণে ইঙিরিনে ঢাগি দিবার্‌ সুদোম গুরিবো। ইস্রায়েলীয়গুনোর্‌ ফি-বলাগানর্‌ সংমোধ্যে থিয়্যেই থেইয়্যে মিলন-তাম্বুলত্তেয়ো তাত্তুন্‌ সে এক্কুই বেবস্থা গরা পুরিবো।

লেবীয় 6:30

পবিত্র জাগানত্‌ পাপ ঢাগি দিবার্‌ নাঙে যুনি পাপ-উৎসর্বর্ কনঅ এ্যামানর্‌ লো মিলন-তাম্বুলোত্ নেযা অয় ছালে সিয়েনর্‌ য়েরাগান্‌ হেই ন-পারিবো, সিয়েন্‌ পুড়ি ফেলা পুরিবো।

লেবীয় 8:15

সে পরেদি মোশি সে বলদ্‌তো কাবিনে সিয়োত্তুন্‌ কিজু লো নেযেল আর পূজোবো শুদ্ধ-সাংগ গুরিবাত্তে আঙুল্লোই সেই লো-গান পূজোবোর্‌ শিঙুনোত্‌ লাগেই দিলো। বাদ্‌বাগি লো-গান্‌ তে পূজোবো গোড়াত্‌ ঢালি দিলো। ইঙিরিনে তে পাপ ঢাগি দিবার্‌ অনুষ্ঠানান্দোই পূজোবো লগেপ্রভুর্ নাঙে যুদো গুরি নিলো।

গণাণা 15:25

ধর্মগুরুবোত্তুন্‌ গোদা ইস্রায়েল জাদ্‌তোর্‌ সেই অন্যেয়ান ঢাগি দিবার্‌ বেবস্থা গরা পুরিবো। সেক্কে তারারে ক্ষেমা গরা অবঅ, কিত্যে তারা নিজোর্ আওজে সিয়েন্‌ ন-গরন্‌ আর তারার্‌ ভুলোত্তে তারা লগেপ্রভুর নাঙে আগুন্দোই-গোজ্যে উৎসর্ব আর পাপ-উৎসর্বর সুদোম গোজ্যন।

রোমীয় 15:17

মুই গোজেনত্তে যে কামানি গরঙর্ সিয়েনি খ্রীষ্ট যীশুর্ মাধ্যমে মর্ বাঈনী গুরিবার অধিকার আঘে।

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

ইফিষীয় 2:16

ইয়েন্অ তার্ উদ্দেচ্চ্য এলঅ, যেন তার্ ক্রুশোত্ মরণর্ মাধ্যমে সেই দ্বিয়েনরে তে এক কিয়্যেলোই গোজেন লগে আরঅ এগত্তর্ গরে; কিয়া এ দ্বিয়েনর্ ভিদিরে যে শত্রুতার্ ভাব্ এলঅ সিয়েনি তে তার্ ক্রুশোত্ মরাণার্ মাধ্যমে ভস্ত গোজ্জ্যে।

কলসীয় 1:21

এক সময়োত্ তুমি গোজেনত্তুন্ দূরোত্ এলা আর তার্ বিরুদ্ধে তমা মনত্ শত্রুভাব এলঅ। তমার বজং কামর্ মাধ্যমে সিয়েন ফগদাং পেইয়্যে।

ইব্রীয় 10:21

ইয়েন বাদে আমার এক্কো দাঙর্ ধর্মগুরুয়ো আঘে, যিবে উগুরে গোজেন ঘোর্‌বোগুনোরে ভারান্ দিয়্যে ওইয়্যে।

ইব্রীয় 2:11

যে মানুচ্চুনোরে পবিত্র গরে সেই যীশু নিজে আর যিগুনোরে তে পবিত্র গরে সে মানুচ্চুনে বেক্কুনে গোজেনর্ ঘোর্‌বো। ইয়েনত্যে যীশু সে মানুচ্চুনোরে ভেই বিলিনে ডাগদে ন-লাজায়।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

ইব্রীয় 2:16

যীশু স্বর্গদূত্‌‌তুনোরে এজাল্ ন-দে, বরং অব্রাহামর গুট্টিগুনোরে তে এজাল্ দে।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।

ইব্রীয় 3:2

গোজেন ঘোর্‌বোগুনোরে দেগাশুনো কামত্ মোশি যেধোক্ক্যেন বিশ্বেজি এলঅ সেধোক্ক্যেন যীশুরে যিবে বেঈ লোইয়্যে সেই গোজেন ইধু তেয়ো বিশ্বেজি এলঅ।

ইব্রীয় 3:5

ঘেচ্চ্যেকগুরি মোশি গোজেনর্ ঘোর্‌বো সেবাগুরিয়্যে ইজেবে বিশ্বেজি এলঅ, যেন ভবিচ্চদে যিয়েনি কুয়ো অবঅ সিয়েনি পৌইদ্যেনে তে স্বাক্ষ্য দি পারে।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 5:1

মান্‌জ্যর্ ওইনে গোজেনর্ সেবা গুরিবাত্যে পত্তি দাঙর্ ধর্মগুরুরে মান্‌জ্য ভিদিরেত্তুন্ বেঈ লোইনে নেযা অয়, যেনে তে মান্‌জ্যর্ পাপত্যে য়েমান উৎসর্ব গরে আর অন্য জিনিস্-অ উৎসর্ব গরে।

ইব্রীয় 5:10

গোজেনে তারে মল্কীষেদক ধোক্ক্যেন দাঙর্ ধর্মগুরু বিলি ফগদাং গুরিলো।

ইব্রীয় 5:2

যিগুনে কোই ন-পারিনে পাপ গরন্ আর ভান্ন্যেই পধেদি যান্ তারা সমারে তে নরম বেবহার গুরি পারে, কিয়া তা ভিদিরেয়ো লবাদোচ্চ্যে আঘে।

ইব্রীয় 5:5

কধাগান খ্রীষ্টর্ বেলায়ও খাদে। খ্রীষ্ট নিজোর্ আওজে দাঙর্ ধর্মগুরু অবাত্যে নিজোরে দাঙর্ গুরি ন-তুলে; গোজেনে ইয়েন কোইনে তারে সেই সর্মানান্ দান গোজ্জ্যে, তুই মর্ পুয়ো, এচ্চ্যে মুই তর্ বাব্ অলুং।

ইব্রীয় 6:20

যীশুই আমার্ ওইনে আমা আগেদি সেই জাগানত্ যেয়্যে। তে উমরত্যে মল্কীষেদক ধোক্ক্যেন দাঙর্ ধর্মগুরু ওইয়্যে।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।

ইব্রীয় 7:28

রীদি-সুদোমে মন্-মরা মানুচ্চুনোরে দাঙর্ ধর্মগুরু পদত্ নেযায়; মাত্তর্ রীদি-সুদোমর্ পরেদি যে শমক্ গরা ওইয়্যে সেই শমক্‌কান্ উমরত্যে পূরোণ ওইয়্যে গোজেনর্ পুয়োবোরে দাঙর্ ধর্মগুরু পদ্‌তানত্ নেযা ওইয়্যে।

ইব্রীয় 8:1

আমি যিয়েন কোর্ সিয়েনর আজল্ কধাগান অলঅ ইয়েন, আমার এমন্‌ এক্কো দাঙর্ ধর্মগুরু আঘে যিবে স্বর্গত্ দাঙর্ গোজেন সিংহাসনর্ ডেন্ ধাগেদি বৈচ্চ্যে।

ইব্রীয় 8:3

পত্তি দাঙর্ ধর্মগুরু এ্যামান-উৎসর্ব আর অন্য জিনিচ্‌ উৎসর্ব গুরিবাত্যে নেযা অয়, সেনত্যে এই দাঙর্ ধর্মগুরুগুনোর্‌অ কনঅ কিজু উৎসর্ব গুরিবার দরকার্।

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।