ইব্রীয় 2:14 - Chakma Bible

¹⁴ সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

ইব্রীয় 2:14 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 12:24

মুই তমারে ঘেচ্চ্যেক্‌গুরি কঙর্, গম বীজিবো মাদিত্ পরিনে যুনি ন-মরে সালে বানা এক্কো বীজ্ থায়, মাত্তর্ যুনি মরে সালে বোউত্ শোজ্য জর্মায়।

রোমীয় 14:9

যীশু খ্রীষ্ট মোজ্জ্যে আরঅ জেদায়ো ওইয়্যে যেন তে জেদা আর মরা দুনোবোর্ প্রভু ওই পারে।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

১ করিন্হীয় 1:28

জগদ্‌তানে যিয়েনরে তলে আর তুচ্চ বিলি মনে গরে, এমন কি, জগদর্ চোগেদি যিয়েন কিচ্চু নয় গোজেনে সিয়েনই বেঈ লোইয়্যে যেন জগদর্ চোগেদি যিয়েন মূল্যবান সিয়েন মূল্য নেইয়্যে ওই পারে।

১ করিন্হীয় 15:50

ভেইলগ্, মুই যিয়েন কঙর্ সিয়েন এই-মানুচ্‌ তার্ লুয়ো-য়েরা কিয়্যেলোই গোজেন রেজ্যর্ অধিকারী ওই ন-পারে। যিয়েন বর্‌বাদ ওই যেবঅ সিয়েন এমন কিজুর্ অধিকারি ওই ন-পারে যিয়েন বর্‌বাদ ন-অবঅ।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

২ তীমথিয় 1:10

মাত্তর্ ইক্কিনে আমার উদ্ধোর্ গুরিয়্যে খ্রীষ্ট যীশুর এ জগদত্ এজানায় তে সেই দোয়্যেগান ফগদাং গোজ্জ্যে। খ্রীষ্ট মরণানরে ভস্ত গোজ্জ্যে আর গম হবরর্ মাধ্যমে ভস্ত ন-ওইয়্যে জিংকানির্ কধা ফগদাং গোজ্জ্যে।

ইব্রীয় 10:10

গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:5

সেনত্যে খ্রীষ্ট এ জগদত্ এবার্ অক্তত্ গোজেনরে কোইয়্যেদে, “য়েমান আর অন্য উৎসর্ব তুই ন-চাজ্, মাত্তর্ মত্যে এক্কান কিয়্যে তুই বানেয়োচ্।

ইব্রীয় 2:17

সেনত্যে যীশুত্তুন্ বেক্কানিন্দি তা ভেইয়ুনো ধোক্ক্যেন উয়ো পল্ল, যেনে তে এক্কো দোয়্যেলু আর বিশ্বেজি দাঙর্ ধর্মগুরু ইজেবে গোজেনর্ সেবা গুরি পারে। ইয়েনর উদ্দেচ্চ্যগান অলঅ, তে যেন নিজোর্ মরণানরে দিইনে মান্‌জ্যর পাপ্পানি দূর্ গুরিনে গোজেনরে হুজি গরে।

ইব্রীয় 2:18

তে নিজেই পোরোক্ষ্যে সোজ্জ্য গুরিনে দুঘ্ পেইয়্যে বিলিনে যিগুনে পোরোক্ষ্যেত্ পড়ন তারারে তে এজাল্ দি পারে।

ইব্রীয় 4:15

আমা দাঙর্ ধর্মগুরুবো এমন্‌ কেঅ নয় যিবে আমা বল্‌পোজ্যেগানিত্যে আমা সমারে পিড়ে ন-পায়, কিয়া আমা ধোক্ক্যেন গুরি তেয়ো বেক্কানিত্তুন্ পাপ পোরোক্ষ্যে মুজুঙোত্ থিয়্যেইয়্যে অদচ পাপ ন-গরে।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 20:2

তে সেই দানপ্পোরে, অত্তাৎ সেই পুরোণি সাপ্‌পোরে যিবেরে দিয়াবল আর শদান্ কুয়ো অয় তারে ধুরিনে এক আজার বজরত্যে বানিলো আর সেই সুরুঙো গাঢ্‌তোদ্ ফেলেই দিলো। পরেদি তে সিয়েনত্ তালা দিইনে তা উগুরে সীলমহ্‌র্ গুরিলো, যেনে এই এক আজার বজর্ থুম ন-অনা সং পিত্‌থিমীর জাদ্‌তুনোরে আর সেই ভুল পধেদি নেযেই ন-পারে; সে পরেদি কিজু দিনোত্যে তারে অবুচ্চ্যই ইরি দিয়্যে অবঅ।