ইব্রীয় 2:13 - Chakma Bible

¹³ যীশু আরঅ কত্তে, “মুই গোজেন উগুরে নির্ভর গুরিম।” আর এক জাগাত্ তে কত্তে, “এইয়্যে চঅ, মুই আর সেই পুয়োগুনে যিগুনোরে গোজেনে মরে দিয়্যে।”

ইব্রীয় 2:13 ပူးပေါင်းရင်းမြစ်များ

পত্থম 33:5

পরেদি এষৌ মুয়োন্‌ তুলিনে সে বেক্‌ মিলেগুন্‌ আর পুয়ো-ঝিগুনোরে দেগিনে পুযোর্‌ গুরিলো, “তঅ লগে ইগুন্‌ কন্না?” যাকোবে কলঅ, “গোজেনে দোয়্যে গুরি তঅ চাগর্‌বোরে এ পুয়ো-ঝিগুন দিলো।”

পত্থম 48:9

জোবত্‌ যোষেফে তা বাবরে কলঅ, “ইগুন্‌ মঅ পুয়ো। গোজেনে এ দেজত্ ইগুনোরে মরে দিয়্যে।” ইস্রায়েলে কলঅ, “সিগুনোরে মইধু আনঅ। মুই তারারে বর্ দিবাত্তে চাং।”

২ শমূয়েল 22:3

মঅ গোজেনে মর্‌ অজল্ মুড়োবো, সিবে ভিদিরে মুই আশ্রয় নেযাং। তেয়ই মর্‌ ঢাল, মর্‌ রোক্ষেগুরিয়্যে শিং, মর্‌ অজল্ চিগোন্‌ ঘরান, মর্‌ থেবার্‌-জাগায়ান। অত্যেচারী মানুচ্চুনোর আঢত্তুন্‌ তুই মরে রোক্ষ্যে গর্‌।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

গীতসংহিতা 16:1

ও গোজেন, তুই মরে রোক্ষ্যে গর্, কিয়া মুই তইদু আশ্রয় নেযেয়োং।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 91:2

লগেপ্রভুর পৌইদ্যেনে মুই এ কধাগান্‌ কোম্, “তেয়ই মর্ আশ্রয় আর মর্ ঘর; তেয়ই মর্ গোজেন যিবে উগুরে মুই বিশ্বেজ্ গরং।”

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

মথি লেখ্যে গম্ হবর্ 27:43

তে গোজেন উগুরে বিশ্বেজ্ গরে; ইক্কিনে যুনি তা উগুরে হুজি থায় সালে তারে তে উদ্ধোর্ গোরোক্। তে দঅ নিজোরে গোজেনর্ পুয়ো কদঅ।”

যোহন 10:29

মঅ বাপ্পো, যিবে মরে সিগুন্ দিয়্যে, তে বেগত্তুন্ দাঙর্। কনজনে বাব আঢত্তুন্ কিজু কাড়ি নি ন-পারন্।

১ করিন্হীয় 4:15

খ্রীষ্ট পৌইদ্যেনে শিক্ষ্যে দিবার্ মানুচ্‌ অয়ত তমার্ আজার আজার থেই পারন, মাত্তর্ বাপ্ তমার ভালোক্কুন্ নেই; মুয়ই গম হবরর্ মাধ্যমে খ্রীষ্টীয় জিংকানিত্ তমার বাপ্ ওইয়োং।