ইব্রীয় 2:1 - Chakma Bible

¹ ইয়েনত্যে আমি যিয়েনি শুন্ন্যেই সিয়েনি পালন গুরিবাত্যেই আমার আরঅ মনযোগ দেনা উচিত, যেন সিয়েনিত্তুন্ আমি দূরোত্ সুরি ন-যেই।

ইব্রীয় 2:1 ပူးပေါင်းရင်းမြစ်များ

১ বংশধর 22:13

মোশির মাধ্যমে লগেপ্রভু ইস্রায়েলরে যে সুদোমান্‌ আর উগুমান্‌ দিয়্যে সিয়েন্‌ যুনি তুই গমেডালে পালাচ্ সালে তুই ভালেদি গুরি পারিবে। তুই বোলী অ আর মনত্‌ সাহস রাগা। ন-দোরেচ্‌ আজা ন-আরেচ্‌।

গীতসংহিতা 119:9

গাবুজ্যে কেধোক্ক্যেন্ গুরি তা জিংকানিগান দোল্ গুরি পারিবো? তর্ কধানি পালেইনে সিয়েনি পারিবো।

গম্ উপদেজ্ 3:21

মঅ পুয়োবো, তুই তরিৎ বুদ্ধি আর বিচের বুদ্ধি রোক্ষ্যে গর্, সিয়েনত্ মনযোগ দিচ্।

হবক্‌‌‌‌কূক 1:6

মুই বাবিলীয়গুনোরে যুক্কোল্ গরঙর্; তারা সেই চিৎনপুজ্যে জাদ্, যিগুনে অন্যগুনোর দেজ্‌‌চানি গজক্ গুরিবাত্তে পুরো পিত্‌‌থিমীর বেক্ জাগায়ানি ইধু যান।

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।

মথি লেখ্যে গম্ হবর্ 16:9

তমার কি মনত্ ন-উদের্ যেক্কেনে মুই সেই পাচ্ আজার্ মান্‌জ্যত্তে পাচ্চান্ রুটি ভাঙ্যং আর সে পরেদি কয় কারাং তুমি ভোরেয়ো?

মার্ক 8:18

তমার্ চোগ্ তাগদেয়ো কি ন-দেগর্? কান্ থাগদেয়ো কি ন-শুনোর্? মনত্অ কি ন-উদের্,

লূকে লেখ্যে গম্ হবর্ 8:15

গম্ ভূইয়োত্ পোজ্যে বীজ্‌‌চুনো মাধ্যমে তারা পৌইদ্যেনে কুয়ো ওইয়্যেদে যিগুনে গম্ আর সরল্ মনে সেই কধানি শুনিনে দরমর গুরি ধুরি রাগান্ আর থির্ থেইনে জিংকানিত্ পাগানা ফল দেগান্।

লূকে লেখ্যে গম্ হবর্ 9:44

“মুই কি কোইয়োং এ কধাগান্ ভুলি ন-যেইয়ো, মান্‌জ্য পুয়োবোরে খেমতাবলা মানুচ্চুনো আঢত্ ধুরি দিয়্যে অবঅ।”

দ্বি’লম্বর বিররণ 4:23

তমা গোজেন লগেপ্রভু তমাত্তে যে সুদোমানি থিদেবর্ গোজ্যে, উজিয়ার্‌, সিয়েনি তুমি ভুলি ন যেইয়ো। তমা গোজেন লগেপ্রভুর্‌ মানা গোজ্যে কনঅ কিচ্ছুলোই মূত্তি বানানা তমার্‌ ন-চলিবো,

দ্বি’লম্বর বিররণ 4:9

যেদক্‌দিন তুমি বাঁজি থেবা সেদকদিন সং তুমি গমেডালে থেবা আর নিজো উগুরে কড়া নজর্‌ রাগেবা যেনে তুমি চোগেন্দি যিয়েনি দেগর্‌ সিয়েনি ভুলি ন-যঅ আর তমার্‌ মনত্তুন্‌ সিয়েনি বাদ ন-যায়। এ বেক্কানি তুমি তমার্‌ ঝি-পূঅগুনোর্‌ আর সিগুনোর্‌ পরেন্দি তারার্‌ ঝি-পূঅগুনোরে শিগেবাক্‌।

ইব্রীয় 12:5

গোজেনে তার্ পুয়ো ইজেবে তমারে উচ্চোমি দিইনে যে কধানি কোইয়্যে সিয়েনি তুমি ভুলি যেইয়ো। তে কোইয়্যেদে, মর্ পুয়োবো, প্রভুর্ শাজনান্ ঈচ্ ন-গুরিচ্, আর তে যেক্কে গেইল্ দে সেক্কে আজা ন-আরেচ্;

২ পিতর 1:15

মর্ মরণর পরেদিয়ো যেন তুমি এই বেপারানি আমিযে মনত্ থঅ, মুই সিয়েনর বেবস্থাগান গুরিবাত্যে ভারী চেষ্টা গুরিম।

২ পিতর 3:1

কোচ্‌পেইয়্যে ভেইয়ুন, তমা ইধু ইয়েনই মর্ দ্বি-লম্বর চিধি। দ্বিয়েন চিধিত মুই তমারে কয়েক্কান পৌইদ্যেনে ইদোত্ তুলি দিইনে তমার দোল্ মনানরে লাড়িবার্ চেষ্টা গোজ্জ্যং।