ইব্রীয় 13:21 - Chakma Bible

²¹ যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

ইব্রীয় 13:21 ပူးပေါင်းရင်းမြစ်များ

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

গীতসংহিতা 138:8

লগেপ্রভু মত্তে যিয়েন ঠিগ্ গুরি রাগেয়্যে সিয়েন পূরোণ গুরিবো। ও লগেপ্রভু, তর্ কোচ্‌পানাগান জনমত্তে থিদেবর্ গোজ্যে; তুই নিজো আঢে যে কামানি গোজ্যস্ সিয়েনি থুম্ গর্।

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 21:31

এই দ্বিজন ভিদিরে কন্না বাব আওজ্‌চান পালন গল্ল?” সেক্কে ধর্ম-নেতাগুনে জোব্ দিলাক্, “পত্তম্ মানুচ্চো।” যীশু তারারে কলঅ, মুই তমারে ঘেচ্চেকগুরি কঙর্, খাজানা-দিয়্যেগুনে আর বেশ্যেগুনে তমা আগেদি গোজেন রেজ্যত্ সমদন্,

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

মথি লেখ্যে গম্ হবর্ 7:21

যিগুনে মরে প্রভু, প্রভু কন্ তারা পত্তিজনে যে স্বর্গ-রেজ্যত্ সোমেই পারিবাক্ সিয়েন নয়, মাত্তর্ মঅ স্বর্গর্ বাপ্পো আওজ্‌চান যে পালায় তেয়ই সোমেই পারিবো।

যোহন 17:23

অত্তাৎ মুই তারা সমারে আগং আর তুই মঅ সমারে আগচ্, আর এবাবোত্যেগুরি যেন তারা গমেডালে এক ওই পারন্। সেক্কে জগদর্ মানুচ্চুনে কোই পারিবাক্ যে, তুয়ই মরে পাধেয়োচ্, আর মরে যেধোক্ক্যেন্ তুই কোচ্‌পাচ্ সেধোক্ক্যেন্ গুরি তারারেয়ো কোচ্‌পেয়োচ্।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

রোমীয় 11:36

বেক্কানি দঅ তাত্তুন্ আর তা মাধ্যমে এজে আর বেক্কানি তা নাঙে। উমরত্তে তার্ বাঈনী ওক্। আমেন।

রোমীয় 16:27

তে বানা এক্কো গোজেন, তেয়ই জ্ঞানী। যীশু খ্রীষ্টর্ মাধ্যমে উমরত্তে তার্ বাঈনী ওক্। আমেন।

২ করিন্হীয় 9:8

তমারে বেক্কানিন্দি দোয়্যে গুরিবার খেমতা গোজেনর্ আঘে, যেনে তমাত্তুন্ যিয়েনি দরকার সিয়েনি বেক্কানি নিত্য তমার থায়; আর সিয়েনর্ ফলে যেন তুমি বেক্‌ গম্ কামানিত্যে খুলো আঢে দান গুরি পারঅ।

গালাতীয় 1:5

উমরত্যে গোজেনর্ বাঈনী ওক্‌। আমেন।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

ফিলিপীয় 2:11

আর বাবা গোজেনর্ বাঈনী গুরিবাত্যে স্বিগের্ গরঅ যে, যীশু খ্রীষ্টই প্রভু।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

কলসীয় 3:20

পুয়ো-ছা লগ্, তুমি বেক্কানি পৌইদ্যেনে মা-বাবর্ বাধ্য থেয়ো, কিয়া ইয়েনিলোই প্রভু হুজী অয়।

কলসীয় 4:12

ইপাফ্রায়ো তমারে পাত্তুরু তুরু জানার্। তে তমার নিজো মানুচ্চুনোত্তুন্ এক্কো আর তে খ্রীষ্ট যীশুর্ চাগর্। তে নিত্য তমাত্যে তবনার্ যুদ্ধ চালার্ যেন তুমি পূর্ণতাগান্ লাভ গরঅ আর বেক্কানিত গোজেনর্ আওজ্‌চান ঘেচ্চেকগুরি হবর্ পেইনে দরমর গুরি থিয়্যেই পারঅ।

১ থিষলনীকীয় 3:13

সালে তে তমার মনানি থির্ গুরিবো, যাতে আমার প্রভু যীশু যেক্কে তার্ নিজোর বেক্‌ মানুচ্চুনোরে সমারে লোইনে এবঅ সেক্কে আমা বাব্‌পো আর গোজেন মুজুঙোত্ তুমি থুদো নেইয়্যে আর পবিত্র অ।

১ থিষলনীকীয় 4:3

গোজেনর্ আওজ্‌চান ইয়েন-তুমি পবিত্র অ, অত্তাৎ নানান্ বাবোত্যে সিনেলীত্তুন্ দূরোত্ থাগঅ,

১ থিষলনীকীয় 5:23

শান্তিদিয়্যে গোজেনে নিজেই তমারে পুরোপুরি গুরিনে পবিত্র গোরোক্, আর আমার প্রভু যীশু খ্রীষ্ট এবার্ সময়োত্ তমার পুরো কিয়্যেগান-আত্মাগান-মনান নিদ্দুজি রাগেয়ো।

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

২ তীমথিয় 3:17

যেনে গোজেনর্ মানুচ্চুনে পুরোপুরি গুরিনে যগাজ্জ্যে ওইনে গম কাম গুরিবাত্যে যুক্কোল্ ওই পারন।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;

ইব্রীয় 12:28

সেনত্যে যে রেজ্যগানরে লাড়া ন-যায় আমি যেক্কে সে রেজ্যগান পেবাত্যে যের্ সেক্কে এজঅ, আমি গোজেন ইধু ভালেদি জানেই। সালে গোজেনে যেধোক্ক্যেন গুরি হুজি অয় সেধোক্ক্যেন গুরি আমি ভোক্তি আর দরে তার্ সেবা গুরি পারিবোং।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।

১ পিতর 4:2

সিয়েনত্যে এই জগদর্ বাগি জিংকানিগান তে আর জগদর্ কামনা-বাসনা ঈল্ মারেইনে ন-কাদায়, বরং গোজেনর্ আওজ্‌ পালেইনে কাদায়।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

১ যোহন 2:17

জগদ্ আর জগদর্ কামনা-বাসনা থুম্ ওই যার্, মাত্তর্ গোজেনর্ আওজ্‌চান যে পালায় তে উমরত্যে থেবঅ।

১ যোহন 3:22

সিয়েনত্যে আমি যিয়েনি মাগিবোং সিয়েনি তাত্তুন্ পেবং, কিয়া তে যেদক্কানি উগুম দিয়্যে সিয়েনি আমি পালন গুরিই আর তে যেদক্কানি কামত্ হুজি অয় আমি সিয়েনি গুরিই।

ফগদাং পেইয়্যে 4:6

সেই সিংহাসনান মুজুঙোত্ যেন ফুদিগো ধোক্ক্যেন পোত্‌পোত্যে এক্কান কাচ ধোক্ক্যেন সাগর এলঅ। সেই সিংহাসনান সংমধ্যে সিংহাসনানর চেরোকিত্যেদি চেরজন জেদা পরাণবলা এলাক্। সিগুনোর্ মুজুঙেদি আর পিজেদি চোগ্‌কোই ভরণ এলাক্।

ফগদাং পেইয়্যে 5:13

সে পরেদি স্বর্গত্, পিত্‌থিমীত্, পিত্‌থিমীর মূঢ়োত্ আর সাগরত্ যিদুক্কুন পরাণবলা আঘন, এন্‌ কি, সিগুনো ভিদিরে আর যিগুনে আঘন বেক্কুনোরে মুই এ কধাগান কধে শুনিলুং: “সিংহাসন উগুরে যিবে বৈ আঘে তার্ আর সেই ভেড়া-ছবোরে নাঙ্ গিনেনা, সর্মান, বাঈনী গরানা আর খেমতা উমরত্যে থোক্।”

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।