ইব্রীয় 13:18 - Chakma Bible

¹⁸ আমাত্যে তবনা গোজ্জ্য। বেক্কানি পৌইদ্যেনে আমি গমেডালে চলিবাত্যে চেই বিলিনে আমি কোই পারিই, আমা বিবেগ্‌‌কানি সাব্।

ইব্রীয় 13:18 ပူးပေါင်းရင်းမြစ်များ

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

রোমীয় 12:17

ভান্ন্যেয়র্ বদলে কাররে ভান্ন্যেই ন-গোজ্জ্য। বেক্‌ মানুচ্চুনোর চোগোত্ যিয়েন্ গম্ সে পৌইদ্যেনে মনযোগ্ দুয়ো।

রোমীয় 13:13

রঅ ছাড়িনে মদ হানা আর মাত্তল্ ওইনে নয়, সিনেলী আর যাগুলুক্যে জিংকানিত্ নয়, কোল্-কোজ্যে আর ইংসেলোই নয়, মাত্তর্ যিগুনে দিনো পহ্‌রত্ আঢাউদো গরন্, এজঅ, আমি তারা ধোক্ক্যেন্ গমেডালে জিংকানি কাদেই।

রোমীয় 15:30

ভেইলগ্, আমা প্রভু যীশু খ্রীষ্টর্ মাধ্যমে আর পবিত্র আত্মার্ দিয়্যে কোচ্‌পানার্ মাধ্যমে মুই তমারে বিশেষ্ গুরিনে কোজোলী গরঙর্, তুমি গোজেন ইধু মত্তে মঅ সমারে তবনার্ যুদ্ধো চালেই থাগঅ।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

১ থিষলনীকীয় 4:12

যেন বারেদি মানুচ্চুনো চোগোত্ তমার আঢাউদো যগাজ্জ্যে অয় আর অন্য উগুরে নির্ভর গরা ন-পড়ে।

১ থিষলনীকীয় 5:25

ভেইলগ্, আমাত্যে তবনা গোজ্জ্য।

২ থিষলনীকীয় 3:1

শেজদি কং ভেই-বোনলগ্, আমাত্যে তবনা গরঅ যেন প্রভুর কধানি তমা ইধু যেবাবোত্যেগুরি যাদিমাদি ছিদি পোজ্জ্যে সেবাবোত্যেগুরি সিয়েনি ছিদি পড়ানাত্ আর বাঈনী পানাত্ থায়।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।