ইব্রীয় 13:17 - Chakma Bible

¹⁷ তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

ইব্রীয় 13:17 ပူးပေါင်းရင်းမြစ်များ

পত্থম 16:9

সেক্কে লগেপ্রভুর দূত্‌তো কলঅ, “তঅ গিরোজর্‌ মোক্কো ইধু ফিরি যেইনে আরঅ তা তলেদি থানাগান মানি লগোই।”

যাত্রা 32:31

মোশি লগেপ্রভু ইদু ফিরি যেইনে কলগোই, “হায় লগেপ্রভু! এই মানুচ্চুনে অমহদ পাপ গুরি ফেল্যন্‌। তারা নিজোত্তেই সনার্‌ দেব-দেবেদা বানেই নেযেয়োন।”

গম্ উপদেজ্ 5:13

মঅ মাস্তরুনো কধা মুই ন-শুনোং, যিগুনে মরে শিক্ষ্যে দুয়োন তারা কধা মুই কান ন-পাদং।

যিশাইয় 62:6

ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

যিরমিয় 13:17

তুমি যুনি কধা ন-শুনো সালে তমা বাড়্‌বোগানত্তে মুই গুমুরে গুমুরে কানিম্, জদবদে কানিম্ আর মঅ চোগ্‌কুন চোগো পানিয়ে ভাজি যেবাক্, কিত্তে লগেপ্রভুর মানুচ্চুনোরে বন্দী গুরি নেযা অবঅ।‌‍‍‍

যিহিষ্কেল 33:2

ও মান্‌জ্যর পুয়োবো‌‌‌‌‌, তঅ জাদর্ মানুচ্চুনোরে কঅ, লগেপ্রভু কোইয়্যেদে, ধুরিচ্, মুই কনঅ দেজর্ বিরুদ্ধে যুদ্ধো আনিলুং। সেক্কে দেজর্ মানুচ্চুনে তারা মানুচ্চুনো ভিদিরেত্তুন্ একজনরে বেঈ লোইনে তারে তারার্ চুগিদার নেযেলাক্।

লূকে লেখ্যে গম্ হবর্ 16:2

সেক্কে থাগোইয়্যে মানুচ্চো তারে ডাগিনে পুজোর্ গল্ল, তঅ পৌইদ্যেনে মুই ইয়েনি কি শুনঙর্? তঅ কামঅ ইজেব্‌পান দে, কিয়া তুই আর আজল্ চাগর্ ইজেবে থেই ন-পারিবে।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

রোমীয় 14:12

সালে দেগা যাত্তে, আমা বেক্কুনোর্ নিজো পৌইদ্যেনে গোজেন ইধু ইজেব্ দিয়্যে পড়িবো।

১ করিন্হীয় 16:16

সেনত্যে এবাবোত্যে মানুচ্চুনোর্ অধীনতা স্বীগের্ গুরিবাত্যে মুই তমারে কোজোলী গরঙর্। আর অন্য যিগুনে এ কামত্ মিজেইনে দরমর গুরি কাম্ গরন তারার্‌অ অধীনতা স্বীগের্ গরঅ।

ইফিষীয় 5:21

খ্রীষ্ট উগুরে ভোক্তির্ কারনে তুমি একজন আরেকজনরে মানি লনার্ মনভাব্‌‌‍পোই চলঅ।

ফিলিপীয় 1:4

তমাত্যে তবনার্ সময়োত্ মুই নিত্য হুজী ওইনে তবনা গুরি থাং,

ফিলিপীয় 2:12

মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।

ফিলিপীয় 2:29

ইয়েনত্যে প্রভুর মানুচ্ ইজেবে জদবদে হুজিয়ে রাজিয়ে তুমি তারে মানি লঅ, আর এবাবোত্যে মানুচ্চুনোরে তুমি সর্মান গরঅ।

ফিলিপীয় 3:18

মুই তমারে বার্ বার্ কোইয়োং আর ইক্কিনে চোগো পানিলোই আরঅ কঙত্তে, এমন ভালোকজন আঘন্ যিগুনে খ্রীষ্টর্ ক্রুশোর শত্রু ধোক্ক্যেন আঢাউদো গত্তন।

ফিলিপীয় 4:1

মর্ ভেইয়ুন, তমারে মুই কোচ্‌পাং আর তমারে রিনি চেবাত্যে চাং। তুমিই মর্ হুজী, মর্ মকুট। তুমি প্রভুর লগে মিজেইনে থির্ থাগঅ।

২ থিষলনীকীয় 3:14

এ চিধিগান ভিদিরে লেগা আমা কধানি যুনি কেঅ ন-মানন্ সালে সেই মানুচ্চোরে চিনি রাগঅ। তা সমারে ন-মিল্ল্য যাতে তে লাজ্ পায়।

১ তীমথিয় 5:17

মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।

ইব্রীয় 13:24

তমার বেক্‌ নেতাগুনোরে আর গোজেন মানুচ্চুনোরে আমার ভালেদি জানেইয়ো। ইটালী দেজর্ গোজেনর্ মানুচ্চুনে তমারে ভালেদি জানাদন্।

ইব্রীয় 13:7

যিগুনে তমা ইধু গোজেনর্ কধা কদাক্ তমার্ সেই নেতাগুনোর্ কধা ইদোত্ রাগেয়ো। তারার্ জিংকানির থুমোর্ কধাগান গমেডালে চিন্তে গোজ্জ্য আর তারা ধোক্ক্যেন গুরি তুমিয়ো বিশ্বেজ্ গোজ্জ্য।

যাকোব 4:7

ইয়েনত্যে গোজেনর্ অধীনোত্ থাগঅ। শদান বিরুদ্ধে দরমর গুরি থাগঅ, সালে তে তমাত্তুন্ ধেই যেবঅ।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”

১ শমূয়েল 8:19

মাত্তর্‌ মানুচ্চুনে শমূয়েলর এই বেক্‌ কধানি শুনিবাত্তে রাজী ন-অলাক্। তারা কলাক্কে, “না, আমি এক্কো রাজা চেই।