ইব্রীয় 13:13 - Chakma Bible

¹³ সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,

ইব্রীয় 13:13 ပူးပေါင်းရင်းမြစ်များ

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 27:32

সিয়েনত্তুন্ তারা নিগিলি যেবার্ সময়োত্ সৈন্যগুনে কুরীণী শঅরর্ শিমোন নাঙে এক্কো মান্‌জ্যর্ দেগা পেলাক্ আর সৈন্যগুনে তারে যীশুর ক্রুশ্‌চান বুয়োই নেযেবাত্তে বাধ্য গুরিলাক্।

মথি লেখ্যে গম্ হবর্ 5:11

তুমি বর্‌পেইয়্যে, যেক্কে মান্‌‌জ্যে মত্তে তমারে অগমান্ গরন্ আর অত্যেচার্ গরন্ আর মিজে গুরিনে তমা নাঙে নানান্ বাবোত্যে ভান্ন্যেই কধা কন্।

লূকে লেখ্যে গম্ হবর্ 6:22

বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

লূকে লেখ্যে গম্ হবর্ 9:23

সে পরেদি তে বেক্কুনোরে কলঅ, “যুনি কেঅ মঅ পধেদি এবাত্তে চায়, সালে তে নিজো আয়োচ্ মজিম্ ন-চোলোক্; পত্তিদিন নিজো ক্রুশ্‌চান্ বুয়োইনে তে মঅ পিজেদি এজোক্।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

ইব্রীয় 11:26

তে মিসরর্ ধন-সোম্বোত্তিত্তুন্ খ্রীষ্টত্যে অগমান্ অনার্ দামান বোউত বেশ্ বিলি মনে গুরিলো, কিয়া তা চোগ্‌কো এলদে বক্‌শিজ ইন্দি।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 12:3

যিবে পাপীগুনোর্ এত্তমান কুজুরোমি সোজ্জ্য গুরিলো তুমি তা পৌইদ্যেনে চিন্তে গরঅ, যেন তমার্ মনানি মন্‌মরা আর আজানেইয়্যে ন-অয়।

ইব্রীয় 12:4

পাপর্ বিরুদ্ধে যুদ্ধো গত্তে গত্তে তমার দঅ এজঅ লো ঝরেদে ধোক্ক্যেন অবস্থা ন-অয়।

১ পিতর 4:4

মাত্তর্ ইক্কিনে সেই মানুচ্চুনে দেগিনে আমক্ অন্ যে, তুমি তারার্ সেই জঘন্য কজবরলত্ আর ন-মিযোর্, আর সেনত্যে তারা তমা বিরুদ্ধে নিন্দের্ কধা কন্।