ইব্রীয় 12:26 - Chakma Bible

²⁶ সেক্কে গোজেনর্ মুয়ো কধালোই জগদ্‌তানরে লাড়েই দিয়্যে, মাত্তর্ ইক্কিনে তে এ এগেমান্ গোজ্জ্যেদে, “মুই যে বানা আর একবার পিত্‌থিমীগানরে লাড়েম্ সিয়েন নয়, মাত্তর্ আগাজ্‌‌চানরেয়ো লাড়েম।”

ইব্রীয় 12:26 ပူးပေါင်းရင်းမြစ်များ

যাত্রা 19:18

সে পরেন্দি সিনাই মুড়োবো ধূমোলোই নাঢি গেলঅ‌, কিত্তে লগেপ্রভু মুড়োবো উগুরে আগুনো ভিদিরেত্তুন্‌ লামি এলঅ‌। চুলোত্তুন্‌ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্‌গিরা ধুরিলো।

যিশাইয় 13:13

সেনত্তে মুই আগাজ্‌‌চানরে গির্‌‌‌গিরে দিম্; বেগত্তুন্ খেমতাবলা লগেপ্রভুর অমকদ রাগে তার জোল্‌জোল্যে রাগর্ দিন্নোত্ পিত্‌থিমীগানে তা জাগানত্তুন্ লুড়িবো।‌

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 66:22

লগেপ্রভু কত্তে, “যে নূয়ো স্বর্গগান আর নূয়ো পিত্‌‌থিমীগান মুই বানেম্ সিয়েন যেবাবোত্যে মঅ মুজুঙোত্ টিগি থেবঅ সেবাবোত্যে তমা নাঙানি আর তমা বংশধরুনেয়ো টিগি থেবাক্।

যোয়েল 3:16

লগেপ্রভু সিয়োনত্তুন্ গুজুরিবো, যিরূশালেমত্তুন্ জোরে কধা কবঅ; পিত্‌‌‌থিমীগান আর আগাজ্‌‌‌চানে গির্‌‌‌গিরে ধুরিবো। মাত্তর্ লগেপ্রভু অবদে তা মানুচ্চুনোত্তে আশ্রয়র্ জাগা, ইস্রায়েল মানুচ্চুনোত্তে এক্কান ঘর্।

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

হগয় 2:21

“তুই যিহূদার শাজন্‌গুরিয়্যে সরুব্বাবিলরে কঅ, ‘মুই আগাজ্ আর পিত্‌থিমীগানরে ঝাগেরেম‌্।

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

ইব্রীয় 12:27

“আর একবার,” এ রঅ দ্বিবেত্তুন্ বুঝো যাত্তে, যে জিনিচ্চানি লাড়া যায়, অত্তাৎ যিয়েন সৃট্টি গরা ওইয়্যে সিয়েন বাদ্ দিয়্যে অবঅ, যেন যে জিনিচ্চানি লাড়া ন-যায় সিয়েনি থির্ থায়।

বিচের গুরিয়্যেগুন 5:4

ও লগেপ্রভু, তুই যেক্কে সেয়ীরত্তুন্‌ যাহ্ ধুরিলে, ইদোম দেজত্তুন্‌ নিগিলি গেলে, সেক্কে পিত্‌থিমীগান গির্‌গিরে উদিলো আর আগাজত্তুন্‌ মেঘ্‌কানে পানি ঢালি দিলো।