ইব্রীয় 12:25 - Chakma Bible

²⁵ উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 12:25 ပူးပေါင်းရင်းမြစ်များ

১ রাজাবলী 12:16

ইস্রায়েলীয়গুনে যেক্কে বুঝিলাক্‌, রাজা তারার্‌ কধানি ন-শুনিবো সেক্কে তারা রাজারে কলাক্‌, “দায়ূদো উগুরে আমার কনঅ দাবি নেই। যিশয়র পূঅবো উগুরে আমার কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ। ও দায়ূদ, ইক্কিনে তর্‌ নিজোর্‌ গুট্টি তুই নিজেই চাহ্‌।” সেনত্তেই ইস্রায়েলীয়গুনে যে যার্‌ ঘরত্‌ ফিরি গেলাক্‌।

২ বংশধর 7:19

“মাত্তর্‌ তুমি যুনি মঅ পথ্‌তানত্তুন্‌ সুরি যগোই আর যেদক্কানি সুদোম আর উগুম মুই তমারে দুয়োং সিয়েনি ছাড়িনে অন্য দেব-দেবেদাগুনোরে সেবা আর পূজো গরঅ,

যাত্রা 16:29

চঅ, তমাত্তে জিরেবার্‌ এই সুদোমান্‌ তমা লগেপ্রভু গোজ্যে। সেনত্তে ছঅ দিনোত্‌ তে দ্বি দিনোর্‌ হানা তমাত্তে যুগেলেই দের্‌। সেনে সাত দিনোত্‌ তুমি কনজনে ঘরর্‌ বারেদি ন-যেবা, ভিদিরেই থেবা।”

যাত্রা 20:22

লগেপ্রভু মোশিরে কলঅ‌, “তুই ইস্রায়েলীয়গুনোরে এই কধাগান্‌ কঅ‌, ‘মুই লগেপ্রভু স্বর্গত্তুন্‌ দঅ তমা লগে কধা কোইয়োং সিয়েন্‌ তুমি নিজোর্‌ চোগে দেখ্য।

গম্ উপদেজ্ 1:24

মুই যেক্কেনে ডাগিলুং সেক্কেনে তুমি মরে এলাফেলা গুরিলে, আত্ বাবেলেয়ো কনজনে সেক্কে মরে শমক্ ন-দিলে।

গম্ উপদেজ্ 1:32

ভুল মানুচ্চুনোর ভান্ন্যেই পধেদি যানাগান তারার মরণর দযা অবঅ, জ্ঞান নেইয়্যেগুনোর চিদেচজ্জা নেইয়্যে মনভাব্‌পানি তারারে ভস্ত গুরিবো;

গম্ উপদেজ্ 13:18

যে মানুচ্চো শাজনান্ এলাফেলা গরে তে অভাবত্ পড়ে আর লাজ্ পায়, মাত্তর্ যে মানুচ্চো সংশোধন কধানি শুনে তে সর্মানিত অয়।

গম্ উপদেজ্ 15:32

যে মান্‌জ্যে শাজন্ এলাফেলা গরে তে নিজোরে তুচ্চো গরে, মাত্তর্ যে মান্‌জ্যে সংশোধন কধানি শুনে তে বুদ্ধি পায়।

গম্ উপদেজ্ 8:33

মঅ উগুমানি শুনো, জ্ঞানবলা অ, এলাফেলা ন-গোজ্য।

যিশাইয় 48:6

তুমি ইয়েনি শুন্ন্য; সে বেক্কানি পৌইদ্যেনে তুমি চেই থাগঅ। তুমি কি সিয়েন মানি ন-নিবা? ইক্কিনেত্তুন্ ধুরি মুই তমারে নুয়ো নুয়ো পৌইদ্যেনে কধা কোম্ যিয়েনি তমার হবর্ ন-পেইয়্যে আর গুমর বেপার।

যিশাইয় 64:9

ও লগেপ্রভু, তুই এদক্ বেশ্ রাগ ন-গুরিচ্; আমা পাপ্‌পানি জনম্মো ইদোত্ ন-রাগেচ্। আমি কোজোলি গুরির্, তুই আমা ইন্দি রিনি চাহ্, কিত্তে আমি বেক্কুনে তঅ মানুচ্।‌

যিরমিয় 11:10

তারা তারার সেই পুরোণী মানুচ্চুনোর পাপ ইন্দি ফিরি যেইয়োন যিগুনে মঅ কধানি শুনোদে অস্বিগের্ গোজ্যন। তারা দেব-দেবেদাগুনোরে সেবা গুরিবাত্তে তারা পিজেদি যেইয়োন। তারার্ পুরোণি মানুচ্চুনোত্তে মুই যে সুদোমান থিদেবর্ গোজ্যং সিয়েনি ইস্রায়েল আর যিহূদার মানুচ্চুনে ন-পালান।

যিহিষ্কেল 5:6

মাত্তর্ তে তার ভান্ন্যেয়ত্তে মর্ সুদোমানি বিরুদ্ধে তা চেরোকিত্যে নানান্ জাদে আর দেজত্তুন্অ বেশ উল্লোমী গোজ্যস্। তে মর্ সুদমানি এলাফেলা গোজ্যে আর মানি ন-চলে।

সখরিয় 7:11

“মাত্তর্ তারা সিয়েনি শুনিবাত্তে ন-চান্; একবুস্যে গুরি তারা পিজেদি ফিরিনে তারার্ কানানি নাঢি রাগেয়োন।

গণাণা 32:15

তুমি যুনি তা কধা মজিম ন-আদঅ, সালে তে এবেরায়ো এই বেক্‌ মানুচ্চুনোরে ধূল্যেচর-চাগালাত্‌ ফেলেই রাগেব, আর তুমি অবা তারার্‌ ভস্ত অনার্ কারণান্।”

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

মথি লেখ্যে গম্ হবর্ 8:4

যীশু তারে কলঅ, “শুন, কাররে এ কধাগান ন-কোচ্, বরং ধর্মগুরুগুনো ইধু যেইনে নিজোরে দেগা, আর মোশি যিয়েন্ উগুম গোজ্যে সেবাবোত্যে দান উৎসর্ব গর্। ইয়েন্দোই মানুচ্চুনো ইধু প্রমাণ অবঅ তুই গম্ ওইয়োচ্।”

প্রেরিত্‌ 7:35

ইবে সেই একই মোশি যিবেরে ইস্রায়েলীয়গুনে ইয়েন কোইনে ফিরেই দুয়োন, কন্না তরে শাসনগুরিয়্যে আর বিচেরগুরিয়্যে বানেয়্যে? যে স্বর্গদূত্‌তো সেই ঝুবো ভিদিরেত্তুন্ মোশিরে দেগা দিয়্যে সেই স্বর্গদূত্‌তো মাধ্যমে গোজেনে নিজে এ মোশিরে ইস্রায়েলীয়গুনোর শাসনগুরিয়্যে আর উদ্ধোর গুরিয়্যে ইজেবে মিসরত্ পাধেয়্যে।

দ্বি’লম্বর বিররণ 18:19

সেই ভাববাদীবো মর্‌ নাঙান্‌ দিইনে যে কধানি কবঅ কনজনে যুনি মর্‌ সেই কধানি ন শুনোন, সালে মুই নিজে সে মানুচ্চোরে দায়ী গুরিম।

দ্বি’লম্বর বিররণ 30:17

মাত্তর্‌ যুনি তমার মনান তার কায়-কুরেত্তুন সুরি যায় আর তুমি তার অবাধ্য অ আর যুনি তুমি দেব-দেবেদা পূজোর টানে তারা ইদু মাদা নিগিরো,

দ্বি’লম্বর বিররণ 4:36

তমারে তার্‌ শাজন ভিদিরে আনিবাত্তে তে স্বর্গত্তুন্‌ তার্‌ রঅবো শুনিবাত্তে দিয়্যে আর পিত্‌থিমীত দেগেয়েদে তার্‌ দাঙর্‌ আগুনান্‌, আর সে আগুনো ভিদিরেত্তুন্‌ তুমি তা কধাগান্‌ শুন্ন্য।

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

২ তীমথিয় 4:4

তারা গোজেনর্ সত্যগান পৌইদ্যেনে ন-শুনিনে হিত্য-কধা শুনিবাত্যে চেবাক্।

ইব্রীয় 1:1

ভালোক্ দিন আগে ভাববাদীগুনোরে দিইনে গোজেনে আমা পূরোণি মানুচ্চুনো ইধু নানান্ ধগে ভালোক্ বার এক্কেনা এক্কেনা গুরি কধা কোইয়্যে।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

ইব্রীয় 3:12

ভেইলগ্, উজিয়ার! তমা ভিদিরে কারঅ মন যেন ভান্ন্যেই আর অবিশ্বেজি ন অয়। এবাবোত্যে মনানি জেদা গোজেনত্তুন্ দূরোত্ সুরি যায়।

ইব্রীয় 3:17

আর চল্লিশ বজর্ ধুরিনে গোজেনে কুগুনো উগুরে তোচ্চ্যা পেলঅ? সিগুনে কি সে মানুচ্চুন নয় যিগুনে পাপ গোজ্জ্যন আর যিগুনোর্ মরা কিয়্যেনি ধূল্যেচর-চাগালাত পোজ্জ্যে এলঅ?

ইব্রীয় 8:5

ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”

যিহোশূয় 22:15

তারা গিলিয়দত্‌ রূবেণ আর গাদ-গুট্টির মানুচ্চুনোরে আর মনঃশি-গুট্টির অদ্দেক্‌ মান্‌জ্য ইদু যেইনে কলাক্‌,

যিহোশূয় 22:16

“লগেপ্রভুর্‌ সমাজর্‌ বেক্কুনেই কদন্‌, ‘তুমি কেধোক্ক্যেন্‌ গুরিনে এবাবোত্যেগুরি ইস্রায়েলীয়গুনোর গোজেনর্‌ লগে বেঈমানী গুরিলে? কেধোক্ক্যেন্‌ গুরি তুমি এচ্চ্যে লগেপ্রভুর পথ্‌তানত্তুন্‌ সুরিনে গেলা আর তা বিরুদ্ধে উল্লোমি গুরিনে নিজোত্তে এ পূজোবো যুক্কোল্‌ গুরিলা?

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 22:9

মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”