ইব্রীয় 12:24 - Chakma Bible

²⁴ যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 12:24 ပူးပေါင်းရင်းမြစ်များ

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

ইব্রীয় 11:28

তে বিশ্বেজ্ গুরিনে উদ্ধোর্-পরব্ আর লো ছিদিবার সুদোমান পালন গোজ্জ্যে, যেনে যে ভস্ত গুরিয়্যে স্বর্গদূত্‌তো পত্তম পুয়োগুনোরে মারে ফেলেব তে ইস্রায়েলীয়গুনোরে ন-ধরে।

ইব্রীয় 11:4

বিশ্বেজত্যে কয়িনোত্তুন্ হেবলর্ উৎসর্বগান গোজেন চোগেদি আরঅ গম এলঅ। তার্ বিশ্বেজত্যে গোজেনে তা উৎসর্বগান মানি লোইনে তা পৌইদ্যেনে এ সাক্ষ্যগান দিয়্যেদে, তে নিদ্দুজি। যুনিয়ো হেবলে মুরি যেয়্যে তো তার্ বিশ্বেজ্‌চান্দোই তে এজঅ কধা কর্।

ইব্রীয় 8:6

মাত্তর্ ইক্কিনে আমি দেগির্, যীশু যে ধর্মগুরুর্ কামান পেয়্যে সিয়েন সেই ধর্মগুরুগুনোর্ কামত্তুন্‌অ বোউত্ উগুরে, যেধোক্ক্যেন গুরি যে সুদোমানর্ সংমধ্যে তে ওইয়্যে সেই সুদোমান আগ বেবস্থাত্তুন্অ বোউত উগুরে; কিয়া এ সুদোমান আরঅ গম্ গম্ এগেম উগুরে নির্ভর গরের্।

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

১ তীমথিয় 2:5

গোজেন বানা একজন আঘে আর গোজেন আহ্ মান্‌জ্যরে মিলেমিলি গুরি দিবাত্যেয়ো বানা একজন আঘে। সেই মিলেমিলি গুরি দিয়্যেবো অলঅ মানুচ্‌ খ্রীষ্ট যীশু।

মথি লেখ্যে গম্ হবর্ 26:28

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

মথি লেখ্যে গম্ হবর্ 23:35

সেনত্তে নিদ্দুজি হেবল খুনোত্তুন্ ধুরি আরাম্ভ গুরিনে তুমি যে বরখিয়র্ পুয়ো সখরিয়রে পবিত্র জাগা আর পূজোবো সংমোধ্যে খুন্ গোজ্য, সেই সখরিয়র খুন্ সং পিত্‌থিমীত্ যিদুক্কুন্ নিদ্দুজি মানুচ্ খুন্ ওইয়োন্ তুমি সেই বেক্ লো-গানির্ দায়ী অবা।

লূকে লেখ্যে গম্ হবর্ 22:20

হানার্ পরেদি সেবাবোত্যেগুরি তে গলচ্চো তারারে দিইনে কলঅ, “মঅ লো-গান্দোই গোজেনর্ যে নুয়ো সুদোমান্ অদে অদে গরা অবঅ সে সুদোমানর্ চিহ্নোগান্ অলঅ এ গলজ্‌সো। মর্ এ লো-গান তমাত্যে দিয়্যে অবঅ।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

যাত্রা 24:8

এই কধানি শুনিনে মোশি লো নেযেইনে মানুচ্চুনো উগুরে ছিদি দিইনে কলঅ, “ইয়েন সেই সুদোমর্‌ লো, যে সুদোমানি লগেপ্রভু তমাত্তে এই কধা মজিম ঠিগ্ গোজ্যে।”

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 9:21

উবোসনা-তাম্বুলান আর উবোসনা কামত্ বেবহার গুরিবার বেক্‌ জিনিজো উগুরেয়ো মোশি সেই এক্কুই গুরি লো ছিদি দিয়্যে।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 7:22

ইয়েনত্তুন্ আমি বুঝি পারির্, যীশু আরঅ দাঙর্ এক্কান বেবস্থার জাবিন ওইয়্যে।

লূকে লেখ্যে গম্ হবর্ 11:51

অয়, মুই তমারে কঙর্, হেবল খুনোত্তুন্ ধুরি আরাম্ভ গুরি যে সখরিয়রে পূজো আর পবিত্র জাগান ভিদিরে মারে ফেলা ওইয়্যে সেই সখরিয়র খুন্ সং বেক্ লো-গানি ঝরানার্ দায়ী অবাক্ এ কালর্ মানুচ্চুনে।

মার্ক 14:24

সেক্কে যীশু তারারে কলঅ, “ইয়েন মর্ লো যিয়েন ভালোক্কুনোত্তে দিয়্যে অবঅ। মান্‌জ্যত্তে গোজেনর্ নুয়ো বেবস্থা মর্ এই লো-গান্দোই পুরেই দিয়্যে অবঅ।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

ইব্রীয় 8:8

মাত্তর্ গোজেনে তা মানুচ্চুনোরে দুষ্ দেগেবাত্যে পবিত্র বোইবোত্ কোইয়্যেদে: প্রভু কত্তে, “সময় এজের্ যেক্কে মুই ইস্রায়েল আর যিহূদা মানুচ্চুনোত্যে এক্কান নূয়ো বেবস্থা থিদেবর্ গুরিম।

লেবীয় 1:5

সে পরেদি লগেপ্রভু মুজুঙোত্ তে সেই গোরুবো কাবিবো আর হারোণর্‌ ধর্মগুরু পূঅগুনে সিবের্‌ লো-গান লোইনে মিলন-তাম্বুল দোরান ইদু রাগেয়ে পুজোবোর্‌ চেরোকিত্তে ছিদি দিবাক্।

গালাতীয় 3:20

মাত্তর্ বানা একজন থেলে সংমোধ্যের্ দরকার্ ন-অয়; আর গোজেন বানা একজন।

ইব্রীয় 8:13

গোজেনে এই বেবস্থাগানরে নূয়ো ফগদাং গুরিনে আগ বেবস্থাগানরে পূরোণ বিলিনে অচল্ গুরি দিলো। যিয়েন পূরোণ আর ভালোক্ দিনোর বিলিনে বর্‌‌বাত্ ওই যার্ সিয়েন যাদিমাদি লুগি যেবঅ।

ইব্রীয় 9:19

বেক্‌ মানুচ্চুনো ইধু রীদি-সুদোমর্ পত্তি উগুম ফগদাং গরানার্ পর্ মোশি গোরু ছঅ আর ছাগলর্ লো ললঅ আর সিয়েন সমারে পানি মিজেইনে রাঙা রঙে রাঙেইয়্যে ভেড়ার কেশ্ আর এসোব গাজর্ ডেলালোই সিয়েন রীদি-সুদোমর্ বোইয়ো উগুরে আর মানুচ্চুনো উগুরে ছিদি দিলো।