ইব্রীয় 12:23 - Chakma Bible

²³ পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;

ইব্রীয় 12:23 ပူးပေါင်းရင်းမြစ်များ

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

গীতসংহিতা 111:1

লগেপ্রভুরে নাঙ্ গিনে ওক্। মুই মন দি লগেপ্রভুরে বাঈনী গুরিম, বাঈনী গুরিম গোজেন ভক্তগুনোর্ দল ভিদিরেত্তুন্, বাঈনী গুরিম তেম্মাং সুলগ মানুচ্চুনো ভিদিরেত্তুন্।

গীতসংহিতা 69:28

জেদাগুনোর নাঙানিত্তুন্ যেন তারার নাঙানি বাদ যায়, গোজেন ভক্তগুনোর্ নাঙানিত্তুন্ যেন তারার নাঙানি ন-থায়।

গীতসংহিতা 89:27

মুইয়ো তারে মর্ পত্তম পুয়ো বানেম; পিত্‌থিমীর রাজাগুনো ভিদিরে তারে আজল্লো গুরিম।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

গীতসংহিতা 94:2

ও দুনিয়ের বিচেরগুরিয়্যে, তুই উঠ্; বাড়্‌বো গুরিয়্যেগুনোর যিয়েন পাওনা সিয়েন তুই তারারে দে।

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

যাত্রা 13:2

“ইস্রায়েলীয়গুনো ভিদিরেত্তুন্ পত্তি ঘরর্‌ পত্তম মরদ পূয়োবোরে মর্‌ নাঙে যুদো গরঅ, সিবে মান্‌জ্যর্‌ ওক্‌ বা য়েমানর্‌ ওক্‌। পত্তি ঘরর্‌ পত্তম মরদ পূয়োবো মর্‌।”

যাত্রা 32:32

মাত্তর্‌ তুই ইক্কিনে দোয়্যে গুরিনে তারার্‌ পাপ্পানি ক্ষেমা গুরি দে, আর যুনি সিয়েন ন-গরচ্‌ সালে তর্‌ লেখ্যে বোইবোত্তুন্‌ মর্‌ নাঙান্‌অ বাদ দি দে।

যাত্রা 4:22

সে পরেদি তুই ফরৌণরে কবে, লগেপ্রভু কোইয়্যে, ‘ইস্রায়েল মর্‌ পত্তম্ পূয়োবো।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

যিরমিয় 31:9

তারা কানি কানি এবাক্; মুই যেক্কে তারারে ফিরেই আনিম সেক্কে তারা তবনা গুরি গুরি এবাক্। সং পধেদি মুই পানি গঙার ইন্দি তারারে আনিম; সিয়েনত্ তারা উজোত্ ন-হেবাক্, কিত্তে মুই ইস্রায়েলর, অত্তাৎ ইফ্রয়িমর বাপ্ আর তে মর্ পোইল্যা পুয়োবো।

লূকে লেখ্যে গম্ হবর্ 10:20

মাত্তর্ ভান্ন্যেই আত্মাগুনে তমা কধা শুনোন্ বিলি হুজি ন-ওইয়ো বরং স্বর্গত্ তমা নাঙান্ লেগা ওইয়্যে বিলি হুজি ওইয়ো।”

যোহন 5:27

বাবে পুয়োবোরে মান্‌জ্যর্ বিচের গুরিবার্ খেমতা দিয়্যে, কিয়া তে মান্‌জ্যপুয়ো।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

১ করিন্হীয় 15:49

আমি যেধোক্ক্যেন সেই মাদির্ মান্‌জ্য ধোক্ক্যেন্ ওইয়্যেই ঠিগ্ সেবাবোত্যে গুরি সেই স্বর্গর্ মান্‌জ্য ধোক্ক্যেন্অ অবং।

১ করিন্হীয় 15:54

যিয়েন বর্‌বাদ অয় আর যিয়েন মুরি যায়, সিয়েনি যেক্কে সেবাবোত্যে গুরি বুদুলি যেবঅ সেক্কে পবিত্র বোইবোর্ এ কধাগান্ পূরোণ অবঅ যে, “মরণান্ ভস্ত ওইনে জিদেনাগান এচ্চ্যে।”

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

ইফিষীয় 1:22

গোজেনে বেক্কানি খ্রীষ্ট টেঙ তলে থোইয়্যে আর তারে বেক্কানির্ অধিকার দিয়্যে, আর তারে মন্ডলীর্ মাঢা ইজেবে নেযা ওইয়্যে।

দ্বি’লম্বর বিররণ 21:17

যে মোক্কোরে তে কোচ্‌ ন-পায় তা পূঅবোরে তা সোম্বোত্তিত্তুন অন্য যে কনঅ পূঅত্তুন দ্বিগুণ ভাগ দিইনে সেই পূঅবো যে পত্তম পূঅ সিয়েন তাত্তুন স্বীগের্ গরা পুরিবো। সেই পূঅবোই তা বাবর্‌ মরদ পুঅ-বলর্‌ পত্তম ফল। পত্তম পূঅবোর অধিকারান তাত্তুনোই পাওনা।

ফিলিপীয় 4:3

আর মর্ আজল্ সমাজ্জ্যে, মুই তরেয়ো কোজোলি গরঙর্-তুই এই মিলেগুনোরে সাহায্য গর্। তারা খ্রীষ্টর্ পৌইদ্যেনে গম হবরত্যে মঅ লগে আর ক্লীমেন্ত আর মর্ অন্য সমাজ্জ্যেগুনো সমারে দুঘ্ গোজ্জ্যন্। ইগুনোর্ নাঙানি জিংকানি-বোইবোত্ লেগা আঘে।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

১ তীমথিয় 3:5

যিবে তার্ নিজো ঘর পৌইদ্যেনে পরিচালনা গুরি ন-জানে তে কেধোক্ক্যেন গুরিনে গোজেন মন্ডলীর দেগাশুনো গুরিবো?

ইব্রীয় 11:4

বিশ্বেজত্যে কয়িনোত্তুন্ হেবলর্ উৎসর্বগান গোজেন চোগেদি আরঅ গম এলঅ। তার্ বিশ্বেজত্যে গোজেনে তা উৎসর্বগান মানি লোইনে তা পৌইদ্যেনে এ সাক্ষ্যগান দিয়্যেদে, তে নিদ্দুজি। যুনিয়ো হেবলে মুরি যেয়্যে তো তার্ বিশ্বেজ্‌চান্দোই তে এজঅ কধা কর্।

ইব্রীয় 11:40

কিয়া গোজেনে আমাত্যে আরঅ গম্ কিজু ঠিগ্ গুরি থোইয়্যে। তে ঠিগ্ গোজ্জ্যেদে যে, আমারে বাদ্ দিইনে তারারে পূর্ণতাগান দান গরা ন-অবঅ।

ইব্রীয় 2:12

পবিত্র বোইবোত্ তে গোজেনরে কোইয়্যেদে, “ভেইয়ুনো ইধু মুই তঅ পৌইদ্যেনে ফগদাং গুরিম আর সমাজ ভিদিরে তর্ গুণগান গুরিবোং।”

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।

যাকোব 1:18

তা নিজোর্ আওজে সত্য কধানিলোই তে আমারে তার্ পুয়ো বানেয়্যে, যেন তার্ সৃট্টি জিনিজো ভিদিরে আমি এক বাবোত্যে পত্তম ফল ধোক্ক্যেন ওই।

১ পিতর 2:23

মান্‌জ্যে তারে যেক্কে অগমান গোজ্জ্যন্ সেক্কে তে তারারে ফিরিনে অগমান ন-গরে, আর দুঘ্ ভুগোনার সময়োত্ হেনা সুজিবার দর্‌‌অ ন-দেগায়, বরং যিবে ন্যায় বিচের গরে তা আঢত্ তে নিজোরে ইরি দিয়্যে।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।

ফগদাং পেইয়্যে 6:11

সেক্কে তারারে পত্তিজনরে এক্কান গুরি ধূব্ পোজাক্ দিয়্যে অলঅ আর কুয়ো অলঅ, তারার সমাজ্জ্যে আর ভেইয়ুনোরে, যিগুনোরে তারা ধোক্ক্যেন গুরি মারে ফেলা অবঅ তারা জনেদি ন-পুরোনা সং তারা যেন আরঅ কিজু কাল বাজ্জ্যেই থান্।

ফগদাং পেইয়্যে 6:9

যেক্কে তে পাঁচ-লম্বর সীলমহ্‌রবো ভাঙিলো সেক্কে মুই এক্কো ডালিপূজো তলে এমন্‌ বেক্‌ মানুচ্চুনোর আত্মাগানি দেগিলুং যিগুনোরে গোজেনর্ কধানিত্যে আর সাক্ষ্য দিবাত্যে মারে ফেলা ওইয়্যে।