ইব্রীয় 12:16 - Chakma Bible

¹⁶ চঅ, কেঅ যেন এষৌ ধোক্ক্যেন নীতি নেইয়্যে বা গোজেন উগুরে ভোক্তি নেইয়্যে ন-অন্। এষৌ এক সাচ্ হানাত্যে দাঙর্ পুয়োবোর্ অধিকারান্ বেজি দিয়্যে।

ইব্রীয় 12:16 ပူးပေါင်းရင်းမြစ်များ

পত্থম 27:36

এষৌ কলঅ, “তার এ যাকোব নাঙান্‌ দেনা ঠিগ্ ওইয়্যে, কিত্তে ইয়েন্‌ সহ দ্বিপল্লা তে মরে মঅ জাগানত্তুন্‌ সোরেই দিলো। দাঙর্‌ পুয়োবো ইজেবে মর্‌ যিয়েন্‌ অধিকার তে আগে আগে নেযেয়েগোই আর এবারত্‌ মর্ বর্ পেবার ভাগকানঅ নেযেল।” এষৌ আরঅ কলঅ, “মত্তে কি কনঅ বর্ দিবাত্যে ন-রাগাচ্‌?”

মার্ক 7:21

কিয়া মান্‌জ্য ভিদিরে, অত্তাৎ মনত্তুন্ ভান্ন্যেই চিন্তে, নানান্ বাবোত্যে বেভিচের্, চুর্, খুন,

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

প্রেরিত্‌ 15:29

সেই দরকারী বেপারানি অলঅ-তুমি মূর্ত্তি ইধু উৎসর্ব গোজ্যে হানা ন-হেবা, লো ন-হেবা, তদা চিবিনে মাজ্যে য়েমান য়েরা ন-হেবা আর কনঅ বাবোত্যে সিনেলী ন-গুরিবা। ইয়েনি গরানাত্তুন্ দূরোত্ থেলে তুমি গম্ গুরিবা। বিদায়।”

১ করিন্হীয় 10:8

তারা ভিদিরে ভালোকজনে বেভিচের্ গরানার্ ফলে এক দিনোত তেইশ্ আজার মানুচ্‌ মুরি যেয়োন। আমি যেন সেবাবোত্যে বেভিচের্ ন-গুরিই।

২ করিন্হীয় 12:21

মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

ইফিষীয় 5:3

কনঅ বাবোত্যে সিনেলী, অসিজি আর লুভোর্ কধা যেন তমা ইধু শুনো ন-যায়, কিয়া এ বেক্‌ কধানি গোজেন মানুচ্চুনোর ন-মানায়।

ইফিষীয় 5:5

তুমি খামাক্কায় কোই পারঅ, যিগুনে সিনেলী গরন্, যিগুনে অসিজি আর যিগুনে লুভী, অত্তাৎ যিগুনোরে এক বাবোত্যে মূত্তি পুজো গুরিয়্যে কুয়ো যায় খ্রীষ্টর আর গোজেন রেজ্যত্ তারার কনঅ অধিকার নেই।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

১ তীমথিয় 1:9

আমি ইয়েন্অ কোই পারিই, কনঅ সৎ মান্‌জ্যত্যে এ আইন-কানুনানি দিয়্যে ন-অয়; সিয়েনি দিয়্যে ওইয়্যেদে তারাত্যে যিগুনে আইন অমান্য গরন্ আর অবাধ্য অন্, যিগুনে ভক্তিনেইয়্যে আর পাপী, যিগুনে অপবিত্র আর অধার্মিক, যিগুনে বাপ্-মারে মারে ফেলান, যিগুনে খুন্ গরন,

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।