ইব্রীয় 12:13 - Chakma Bible

¹³ তমার্ আঢিবার পথ্‌তানি উজু গরঅ, যেন লেং মান্‌জ্যর অবস্থা আরঅ বেশ্ ন-অয়, বরং তে গম্ ওই উদে।

ইব্রীয় 12:13 ပူးပေါင်းရင်းမြစ်များ

যিশাইয় 35:3

যিগুনে বল্‌পোজ্যে তারার আঢ্‌তানি দরমর গরঅ; গির্‌গিরেইদ্যে আডুগুন্ ঠিগ্ গরঅ।

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

যিশাইয় 42:16

মুই কান্ মানুচ্চুনোরে তারার হবর্ ন-পেইয়্যে পধেদি নেযেম্, যে পথ্‌তান তারা হবর্ ন-পান সে পধেদি তারারে চালেম্। তারার্ আগে আগে মুই আন্ধারানরে পহ্‌‌র গুরিম আর সং নেইয়্যে জাগানরে সং গুরি দিম্। ইয়েনি বেক্কানি মুই গুরিম, ঘেচ্চেকগুরি গুরিম।

যিশাইয় 58:12

তমা মানুচ্চুনে আগে ভস্ত ওইয়্যে জাগায়ানি আরঅ বানেবাক্ আর পুরোণি দিনো গড়াগানি উগুরে আরঅ গাড়েবাক্; তমারে কুয়ো অবঅ ভাঙা দেবাল আর বজত্তি গুরিবার জাগানর পথ্‌তানি ঠিগ্ গুরিয়্যে।‍‌

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

লূকে লেখ্যে গম্ হবর্ 3:5

বেক্ কলগ্‌কানি ভরা অবঅ, মুড়ো-মুড়ি সং গরা অবঅ। বেঙাতেরা পথ্‌তানি উজু গরা অবঅ, সংনেইয়্যে পথ্‌‌তানি সং গরা অবঅ।

গালাতীয় 2:14

মাত্তর্ মুই যেক্কে দেগিলুং, গম হবরর্ সত্যর্ লগে তারার্ কামর কনঅ মিল্ নেই সেক্কে মুই বেক্কুনো মুজুঙোত্ পিতররে কলুং, তুই যিহূদী ওইনেয়ো যেক্কে যিহূদী ধোক্ক্যেন গুরি ন-চলিনে অযিহূদীগুনো ধোক্ক্যেন চলর্ সেক্কে কেধোক্ক্যেন গুরিনে অযিহূদীগুনোরে যিহূদীগুনো ধোক্ক্যেন চলিবাত্যে বাধ্য গরর্ ?

গালাতীয় 6:1

ভেইলগ্, তমাত্তুন্ যুনি কেঅ অঢাদত্ কনঅ পাপত্ পড়ে, সালে তুমি যিগুনে পবিত্র আত্মার্ অধীনোত্ আঢাউদো গরর্ তুমি তারে তুলি আন্ন্য। মাত্তর্ ভারী নরম মনভাব্‌পোই তুমি এ কামান্ গোজ্জ্য আর নিজো পৌইদ্যেনে উজিয়ার্ থেয়ো, যেন তুমিয়ো পাপত্ ন-পড়।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।