ইব্রীয় 11:38 - Chakma Bible

³⁸ তারা ধূল্যেচড়ত্তুন্ ধূল্যেচড়ত, মুড়োত্তুন্ মুড়োত, সুরুঙোত্তুন্ সুরুঙোত আর গাঢত্তুন্ গাঢত্ ধেই ধেই বেড়েদাক্। এ মানুচ্চুনোরে জাগা দেনার্ খেমতা জগদর্ ন-এলঅ।

ইব্রীয় 11:38 ပူးပေါင်းရင်းမြစ်များ

১ রাজাবলী 17:3

“তুই এ জাগায়ান্‌ ছাড়িনে পূগেন্দি যাহ্ আর যর্দনর্‌ পূগেন্দি করীৎ গঙার্‌ পানি পারত্‌ পৌল্যেই থাগ্‌।

১ রাজাবলী 18:13

ঈষেবল যেক্কে লগেপ্রভুর ভাববাদীগুনোরে মারে ফেলেয়্যে সেক্কে মুই কি গোজ্যং সিয়েন্‌ কি মঅ গিরোজ্‌সো ন-শুনে? লগেপ্রভুর ভাববাদীগুনোরে একশঅ জনরে পঞ্চাশজন পঞ্চাশ জন গুরিনে দ্বিবে গাদত্‌ লুগেই রাগেয়োং আর তারার্‌ হানা আর পানি যুগেই দুয়োং।

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

১ রাজাবলী 19:9

সিদু ইক্কো গাদঅ ভিদিরে সুমিনে তে রেত্তো কাদেল। সিয়েনত্‌ এলিয়োর্‌ ইদু লগেপ্রভু আঝিল্ ওইনে কলঅ, “এলিয়, তুই ইয়েনত্‌ কি গরর্‌?”

যিশাইয় 57:1

গম্ মানুচ্চুনে যে ভস্ত ওই যাদন্ সিন্দি কনজনে মনান্ ন-দুয়োন। গোজেন ভক্ত মানুচ্চুনোরে নেযা অর্, মাত্তর্ কনজনে বুঝি ন-পারদন্, ভান্ন্যেয় আঢত্তুন্ রোক্ষ্যে গুরিবাত্তে তারারে নেযা অর্।

যিরমিয় 41:9

গদলিয় আর অন্যগুনোরে মারে ফেলেইনে যে কূয়োবো ভিদিরে তে তারার বেক্কুনোর মরাগুন ফেলেই দিয়্যে সিয়েন ইস্রায়েলর রাজা বাশা আঢত্তুন্ রোক্ষ্যে পেবাত্তে রাজা আসা যুক্কোল্ গোজ্যে। ইশ্মায়েলে সিবে মরালোই ভোরেই ফেলেল।

বিচের গুরিয়্যেগুন 6:2

ইস্রায়েলীয়গুনো উগুরে মিদিয়নীয়গুনোর অত্যেচার এদক্‌ বাড়িলোদে, ইস্রায়েলীয়গুনে মুড়োবোর ফাদা জাগানত্‌, গাদত্‌ আর মুড়োবো উগুরে তাম্বুলানিত্‌ আশ্রয়র্‌ জাগা গুরিলাক্‌।

১ শমূয়েল 22:1

দায়ূদে গাৎত্তুন ধেই যেইনে অদুল্লমর্‌ ইদু এক্কো গাদত্‌ যেইনে আশ্রয় নেযেল। সে কধাগান শুনিনে তার ভেইয়ুনে আর তা বাবর্‌ বংশর মানুচ্চুনে তা ইদু গেলাক্।

১ শমূয়েল 23:15

সীফ ধূল্যে-চড় চাগালাত্‌ হরেশত্‌ থেবার অক্তত্‌ দায়ূদে শুনিলোদে, শৌল তারে মারে ফেলেবাত্তে নিগিল্যে।

১ শমূয়েল 23:19

ইন্দি সীফ আদামর্‌ মানুচ্চুনোরে গিবিয়াতত্‌ শৌল ইদু যেইনে কলঅ, “দায়ূদে আমা ভিদিরে লুগি আঘে। তে হরেশ ইদু যিশীমোনর দোগিণেন্দি হখীলা মুড়োবোর তাম্বুলো ধোক্ক্যেন জাগায়ানিত্‌ থায়।

১ শমূয়েল 23:23

তার পৌল্যেই থেবার বেক্‌ জাগায়ানি নিগিলেবে। সে পরেন্দি দোল্‌ হবর্‌ লোইনে ফিরি এজানার পরেন্দি মুই তমা লগে যেম্‌। তে যুনি দেজর্‌ ভিদিরে থায় সালে মুই যিহূদার বেক্‌ বংশগুনো ভিদিরেত্তুন তারে তোগেইনে নিগিলেম্‌।”

১ শমূয়েল 26:1

পরেন্দি সীফোর মানুচ্চুনে গিবিয়াদত্‌ শৌলর ইদু যেইনে কলাক্, “যিশীমোনর ইদু হখীলা মুড়োবোত্‌ দায়ূদে পৌল্যেই আঘে।”