ইব্রীয় 11:36 - Chakma Bible

³⁶ আরঅ অন্যগুনে ঠাট্টা-তামাজা আর ভারী মারপিঠ্, এন্‌ কি, আঢ্‌কড়া আর জেল্ খাদানা সং সোজ্জ্য গোজ্জ্যন্।

ইব্রীয় 11:36 ပူးပေါင်းရင်းမြစ်များ

পত্থম 39:20

সেক্কে পোটীফরে যোষেফরে জেলোত্‌ দিলো। সে জাগানত্‌ রাজ্‌ বন্দীগুনোরে বানি রাগা অদঅ। মাত্তর্‌ জেলো ভিদিরেয়ো লগেপ্রভু যোষেফ লগে লগে এলঅ। তে তা উগুরে বিশ্বেজ্ রাগেল আর এধোক্ক্যেন গুরিলো যেন যোষেফে জেলখানাত্‌ রাগেয়্যে দাঙর্ নেতাবো গম চোগেদি দেগে।

১ রাজাবলী 22:24

সেক্কে কনানার পূঅ সিদিকিয় যেইনে মীখায়ের গালত্‌ চুয়োর্‌ মারিনে কলঅ, “লগেপ্রভুর আত্মাগান তঅ লগে কধা কবাত্তে মত্তুন্‌ নিগিলি এইনে কন্‌ পধেন্দি যেইয়্যে?”

১ রাজাবলী 22:27

তারারে কঅ রাজা কত্তে এ মানুচ্চোরে যেনে জেলোত্‌ রাগা অয় আর রাজা দোলেডালে ফিরি ন-এজানা সং তারে কিজু পানি আর কিজু রুটি বাদে যেনে আর কিচ্ছু দিয়্যে ন-অয়।”

২ রাজাবলী 2:23

ইলীশায় সিয়োত্তুন্‌ বৈথেলত্‌ গেলঅ। পধেন্দি যেবার্‌ অক্তত্‌ শঅরত্তুন্‌ ভালোক্কুন্‌ পুয়ো নিগিলি এইনে তারে ঈচ্ গুরিনে কুয়ো ধুরিলাক্‌, “ও টাক্‌কুলো, টাক্‌কুলো, উগুরে উঠ্‌তোই।”

২ বংশধর 16:10

এ কধাগান শুনিনে আসা সে দর্শক উগুরে অমকদ রাগ্‌ গুরিনে তারে জেল্‌খানাত্‌ পাধেই দিলো। একই সময়োত্‌ আসা কয়েক্কো মান্‌জ্য উগুরে অত্যেচার্‌ গুরিলো।

২ বংশধর 18:26

তারারে কঅ রাজা কোইয়্যেদে এ মানুচ্চোরে যেনে জেলোত্‌ রাগা অয় আর রাজা গমেডালে ফিরি ন-এযানা সং তারে কিজু পানি আর কিজু রুটি বাদে আর কিচ্ছু দিয়্যে ন-অয়।”

২ বংশধর 30:10

হবর্‌ বোইয়্যেগুনে ইফ্রয়িম আর মনঃশির বেক্‌ আদাম আর শঅরত্‌ আর সবূলূন সং গেলাক্, মাত্তর্‌ সিদুগোর্‌ মানুচ্চুনে তারারে ইংসে-নিন্দে গরা ধুরিলাক্‌।

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

যিরমিয় 20:2

তে ভাববাদী যিরমিয়রে পিদিনে লগেপ্রভুর ঘর কুরে অজল্ জাগায়ানত্ বিন্যামীন-গেদো কুরে মোয়্যে কুদোবোত্ বানি রাগেল।

যিরমিয় 20:7

ও লগেপ্রভু, তুই মরে ভুলেয়োচ্ বিলিনে মর্ এ অবস্থা ওইয়্যে; তুই মত্তুন বেশ্ খেমতাবলা বিলিনে তুই জিত্যস্। মুই সারা দিন ঈচ্ গরা হেইয়্যে মানুচ্ ওইয়োং; বেক্কুনে মরে ঈচ্ গরন।

যিরমিয় 29:26

তুই সফনিয়রে লেখ্যচ্, ‘লগেপ্রভু তরে যিহোয়াদার জাগানত্ ধর্মগুরু বানেয়্যে যেনে লগেপ্রভুর ঘরর্ ভারান তঅ উগুরে থায়। কনঅ পাগল যুনি ভাববাদী ধোক্ক্যেন কাম গরে সালে গাজকট্টা আর গত্তনাত্ লুয়ো চিগোল্লোই তারে তত্তুন্ থামানা উজিত্।

যিরমিয় 32:8

সেক্কে লগেপ্রভুর উগুম মজিম মঅ কাক্কার পুয়ো হনমেলে চুগিদারুনোর উদোনত্ মইধু এইনে কলঅ, বিন্যামীন বামর্ অনাথোদে মর্ যে ভূইয়ান আঘে সিয়েন তুই কিন্। ইয়েন উদ্ধোর্ গুরিবার আর গজক্ গুরিবার অধিকার যেক্কে তর্ সেক্কে তুয়ই সিয়েন নিজোত্তে কিন্। মুই হবর্ পেদুং ইয়েন লগেপ্রভুর কধা;

যিরমিয় 36:6

সেনত্তে তুই এক্কো উবোবাসর্ দিনোত্ লগেপ্রভুর ঘরত্ যেইনে এ বোইবোত্ লেখ্যে লগেপ্রভুর কধানি মানুচ্চুনোরে পড়ি শুনা যিয়েনি তুই মঅ মুয়োত্তুন্ শুনিনে লেখ্যচ্। যিহূদার যে মানুচ্চুনে তারার শঅরানিত্তুন্ এবাক্ তারা বেক্কুনো মুজুঙোত্ সিয়েনি পড়িবো।

যিরমিয় 38:28

যেদক্ দিন সং বাবিলীয়গুনে যিরূশালেমান গজক্ গুরিলাক্ সেদকদিন সং যিরমিয় চুগিদারুনোর সেই উদোনত্ রলঅ।

যিরমিয় 39:15

যিরমিয় যেক্কে চুগিদারুনো উদোনত্ বন্ধী এলঅ সেক্কে লগেপ্রভুর এই কধাগান তাইধু ফগদাং ওইয়্যে,

দানিয়েল 11:33

সে মানুচ্চুনো ভিদিরে যিগুনোর বুঝিবার খেমতা আঘে তারা ভালোক্ জনরে শিক্ষ্যে দিবাক্, তো কিজু সময় ধুরি তারা ভিদিরে ভালোক্কুনে যুদ্ধোত্ মুরি যেবাক্, বা তারারে পুড়িনে মারা অবঅ, বা তারারে বন্দী গরা বা লুদো অবঅ।

মথি লেখ্যে গম্ হবর্ 20:19

তারা তা বিচের্ গুরিনে তারে মরণর যোগাজ্যে বিলি থির্ গুরিবাক্। তারা তারে ঠাট্টা-মশকারী গুরিবাক্ আর চাবুক্ মারিবাক্ আর ক্রুশোত্ দিবাত্তে অযিহূদীগুনো আঢত্ দিবাক্; পরেদি তিন দিনোত্ তে মরণত্তুন্ জেঈ উদিবো।”

মথি লেখ্যে গম্ হবর্ 21:35

চাষাবলাগুনে তা চাগরুনোত্তুন্ একজনরে ধুরিনে মারিলাক্, একজনরে খুন্ গুরিলাক্ আর অন্য আর একজনরে পাত্তর্ মারিলাক্।

মথি লেখ্যে গম্ হবর্ 23:34

সেনত্যে মুই তমারে কঙর্, মুই তমা ইধু ভাববাদী, জ্ঞানী মানুচ্ আর ধর্ম-মাষ্টরুনোরে পাদাঙর্। তুমি তারাত্তুন্ কয়েকজনরে খুন্ গুরিবা আর কয়েকজনরে ক্রুশোত্ দিবা। কয়েকজনরে তমা সমাজ-ঘরত্ চাবুক্ মারিবা আর এক আদামত্তুন্ অন্য আদামত্ লোড়েইনে বেড়েবা।

মথি লেখ্যে গম্ হবর্ 27:26

সেক্কে পীলাতে বারাব্বারে মানুচ্চুনো ইধু ইরি দিলো, মাত্তর্ যীশুরে অমকদ চাবুক্ মারিবার্ উগুম্ দিইনে ক্রুশোত্ দিবাত্তে দিলো।

মার্ক 10:34

অযিহূদীগুনে তারে ঠাট্টা-মশ্‌‌‍কারি গুরিবাক্, তা কিয়্যেত্ সেফ্ ফেলেই দিবাক্, তারে অমকদ চাবুক্ মারিবাক্ আর মারে ফেলেবাক্। তিন দিনোত্ আরঅ তে জেঈ উদিবো।”

লূকে লেখ্যে গম্ হবর্ 18:32

তারে অযিহূদীগুনো আঢত্ দিয়্যে অবঅ, মান্‌‌‌‌জ্যে তারে ঠাট্টা আর অগমান্ গুরিবাক্ আর তা কিয়্যেত্ ছেপ্ ফেলে দিবাক্।

লূকে লেখ্যে গম্ হবর্ 23:11

সেক্কে হেরোদ যীশুরে অগমান্ আর ঠাট্টা গুরিলো, আর তা সৈন্যগুনেয়ো সেবাবোত্যে গুরিলাক্। সে পরেদি যীশুরে রাজগীয় এক্কান পজাক্ উরেইনে তে তারে পীলাত ইধু পাধেই দিলো।

লূকে লেখ্যে গম্ হবর্ 23:36

সৈন্যগুনেয়ো তারে ঠাট্টা-মশ্‌কারি গরা ধুরিলাক্। তারা যীশুরে হানা দিবাত্যে তাইধু সির্কা নেযেইনে কলাক্,

প্রেরিত্‌ 21:33

সেক্কে আজল্ সেনাপতিবো এইনে পৌলরে বন্দী গুরিলো আর দ্বিয়েন শিগোল্লোই তারে বানিবার্ উগুম্ দিলো। সে পরেদি তে পুযোর্ গুরিলো, মানুচ্চো কন্না?

প্রেরিত্‌ 24:27

দ্বি বজর্ পার্ ওই গেলে পরেদি ফীলিক্স জাগানত্ পর্কীয় ফীষ্ট এলঅ। ফীলিক্সে যিহূদীগুনোরে হুজী গুরিবাত্যে পৌলরে জেল্‌খানাত্ থোই গেলঅ।

প্রেরিত্‌ 4:3

তারা পিতর আর যোহনরে ধুরিলাক্ আর সাজোন্যে ওই যেয়্যে বিলি তার্ কেল্ল্যে সং আজদত্ থলাক্।

প্রেরিত্‌ 5:18

তারা দিপাধেয়্যে প্রচারক্কুনোরে ধুরিনে সরকারী জেলোত্ দিলাক্।

প্রেরিত্‌ 5:40

সেক্কে গমলীয়েল কধালোই নেতাগুনে একমত অলাক্। তারা দিপাধেয়্যে প্রচারক্কুনোরে ভিদিরে ডাগি আনিনে বেত্ মারিবাত্তে উগুম দিলাক্। সে পরেদি তারা তারারে ইরি দিলাক্ আর উগুম দিলাক্ যেন তারা যীশু পৌইদ্যেনে কনঅ কধা ন-কন্।

প্রেরিত্‌ 8:3

মাত্তর্ শৌলে সেই মন্ডলীবোরে ভস্ত গুরিবাত্তে ঘরে ঘরে যেইনে সেই মন্ডলীর মরদ্ আর মিলেগুনোরে টানি আনিনে জেলোত্ দিয়্যে ধল্ল।

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

২ তীমথিয় 1:16

অনীষিফর ঘোর্‌‌‌‌‌বোগুনো উগুরে প্রভু দোয়্যে গোরোক্; তে ভালোক্ বার্ মরে তচ্‌তাজা গুরি তুল্যে, আর মুই জেল্ খাট্যে ওইয়োং বিলিনে তে ন-লাজায়।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

বিচের গুরিয়্যেগুন 16:25

পরেন্দি তারা হুজি ওই উদিনে ইয়েন কোইনে জগার্‌ পারিলাক, “শিম্‌শোনরে নিগিলেনে আনা ওক্‌; আমি তামাজা চেবং।” সেনত্তেই তারা হ্‌জদত্তুন্‌ শিম্‌শোনরে নিগিলেই আনিলাক্‌ আহ্‌ শিম্‌শোনে তারারে তামাজা দেগা ধুরিলো। তারা শিম্‌শোনরে খুদোগুনোর সংমোধ্যে থিয়্যেই রাগেলাক্‌।