ইব্রীয় 11:32 - Chakma Bible

³² ইয়েনত্তুন্ বেশ্ মুই আর কি কোম? গিদিয়োন, বারক, শিম্‌শোন, যিপ্তহ, দায়ূদ, শমূয়েল আর ভাববাদীগুনোর্ কধা কবার্ সময় মর্ নেই।

ইব্রীয় 11:32 ပူးပေါင်းရင်းမြစ်များ

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

মথি লেখ্যে গম্ হবর্ 5:12

তুমি ফুত্তি গরঅ আর হুজি ওইয়ো, কিয়া স্বর্গত্ তমাত্তে দাঙর্ বক্‌‌শিজ্ আঘে। তমা আগেদি যে ভাববাদীগুন এলাক্ মান্‌‌জ্যে তারারেয়ো এবাবোত্যেগুরি অত্যেচার্ গুরিদাক্।

লূকে লেখ্যে গম্ হবর্ 13:28

যেক্কে তুমি দেগিবা, অব্রাহাম, ইস্‌হাক, যাকোব আর ভাববাদী বেক্কুনে গোজেন রেজ্যত্ আঘন্ আর তমারে বারেদি ফেলেই দিয়্যে ওইয়্যে, সেক্কে তুমি কানাকুদি গুরিবা আর যন্ত্রনায় দাত্ কামেড়েবা।

লূকে লেখ্যে গম্ হবর্ 16:31

“সেক্কে অব্রাহামে কলঅ, মোশি আর ভাববাদীগুনোর্ কধা যুনি তারা ন-শুনোন্ সালে মরাগুনোত্তুন্ কেঅ উদিলেয়ো তারা বিশ্বেজ্ ন-গুরিবাক্।”

যোহন 21:25

যীশু আরঅ ভালোক্কানি কাম্ গোজ্যে। যুনি সিয়েনি এক্কান্ এক্কান্ গুরি লেগা অদঅ সালে এদক্ বোই অদঅ যে, মর্ মনে অয় সিবে এ পিত্‌থিমীত্ ন-আঢিদো।

প্রেরিত্‌ 10:43

বেক্‌ ভাববাদীগুনে তা পৌইদ্যেনে এ সাক্ষিগান দেদন্ যে, তা উগুরে যিগুনে বিশ্বেজ্ গরন্ তারা পত্তিজনে তা গুণান্দোই পাপর্ ক্ষেমা পান্।”

প্রেরিত্‌ 13:20

এ বেক্‌ ঘটনানি ঘদ্‌তে প্রায় চেরশ পঞ্চাশ বজর্ লাক্ক্যে। ইয়েনর্ পরেদি ভাববাদী শমূয়েলর সময় সং গোজেনে কয়েক্কো শাসনগুরিয়্যে দিয়্যে।

প্রেরিত্‌ 3:24

“ইয়েন বাদে শমূয়েলত্তুন্ ধুরি আরাম্ভ গুরিনে যিদুক্কুন ভাববাদী কন কিজু কোই যেইয়োন তারায়ো এ সময়বোর কধা আগেদি কোই যেইয়োন,

রোমীয় 3:5

মাত্তর্ আমা অন্যেয় কামানিত্তুন্ আরঅ গমেদালে বুঝো যায় যে, গোজেনে আমিযে ন্যায় কাম্ গরে। সালে আমি কি কবং যে, তে যেক্কে আমারে সাজা দে সেক্কে অন্যেয় গরে? খালিক্ কধাগান মুই মানুচ্ ইজেবে কঙর্, আজলে তে কনদিন্অ অন্যেয় ন-গরে।

রোমীয় 4:1

সালে আমা পূরোণি মানুচ্ অব্রাহাম পৌইদ্যেনে আমি কি কবং? এ পৌইদ্যেনে তে কি দেক্ক্যে?

রোমীয় 6:1

সালে কি আমি ইয়েন্ কবং, গোজেনর্ দোয়্যেগান যেন বাড়ে সেনত্তে আমি পাপ্ গরানাত্ থেবং?

রোমীয় 7:7

সালে কি আমি কবং যে, রীদি-সুদোম বজং? খামাক্কায় নয়; বরং এ কধাগান্ ঠিগ্ যে, রীদি-সুদোম ন-থেলে পাপ্‌পান্ কি সিয়েন মুই হবর্ ন-পেদুং। “লুভ্ ন-গোজ্জ্য,” রীতি-সুদোমে যুনি এ কধাগান্ ন-কদঅ সালে লুভ্ কি সিয়েন্ মুই কোই ন-পাত্তুং।

যাকোব 5:10

ভেইলগ্, যে ভাববাদীগুনে প্রভুর পক্ষ ওইনে কধা কোইয়োন, দুঘোত্ তারা কেধোক্ক্যেন গুরিনে ধৈয্য ধুরিদাক্ সেই কধাগান চিন্তে গুরি চঅ।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

বিচের গুরিয়্যেগুন 13:24

সে পরেন্দি মিলেবোর এক্কো পূঅ অলঅ আর তে তা নাঙান্‌ রাগেল শিম্‌শোন। শিম্‌শোনে দাঙর্‌ ওয়া ধুরিলো আর গোজেনে তারে বর্‌ দিলো।

বিচের গুরিয়্যেগুন 15:20

পলেষ্টীয়গুনোর সময়োত্‌ শিম্‌শোনে কুড়ি বজর সং ইস্রায়েলীয়গুনোরে শাজন্ গোজ্যে।

বিচের গুরিয়্যেগুন 4:1

এহূদে মুরিবার পরেন্দি ইস্রায়েলীয়গুনে আরঅ‌ লগেপ্রভুর চোগেন্দি যিয়েনি ভাজ্‌ন্যেই সিয়েনি গরা ধুরিলাক্‌।

বিচের গুরিয়্যেগুন 6:1

পরেন্দি ইস্রায়েলীয়গুনে আরঅ লগেপ্রভুর চোগোত্‌ যিয়েনি ভাজ্‌ন্যেই সিয়েনিই গরা ধুরিলাক্‌। সেক্কে তে মিদিয়নীয়গুনোর আঢত্‌ তারারে তুলি দিলো আর তারা সাত বজর সং তারার্‌ অধীনোত্‌ এলাক্‌।

বিচের গুরিয়্যেগুন 6:11

একদিন্যে লগেপ্রভুর দূত্তো এইনে অফ্রা আদামর এলোন গাজছোর্‌ তলে বুযিলো। এই জাগায়ান অলঅ অবিয়েষ্রীয় বংশর যোয়াশর গজগত্। সিয়েনত্‌ তার পূঅ গিদিয়োনে মিদিয়নীয়গুনোত্তুন্‌ গম লুগেই থবাত্তে আংগুর মারিবার জাগানত্‌ সিগুন্‌ ঝাড়ের্‌।

বিচের গুরিয়্যেগুন 6:14

লগেপ্রভু তা ইন্দি ফিরিনেই কলঅ, “তর্‌ এ বলান্দোই তুই যাহ্ আর মিদিয়নীয়গুনোর আঢত্তুন্‌ ইস্রায়েলীয়গুনোরে উদ্ধোর গর্‌, কিত্যে মুয়ই তরে পাদাঙর্‌।”

১ শমূয়েল 1:20

সেক্কে হান্না পিদিলী অলঅ আর অক্তবো অলে তার এক্কো পূঅ অলঅ। “মুই লগেপ্রভুর ইত্তুন্‌ তারে চেই নেযেয়োং,” ইয়েন কোইনে হান্না পূঅবোর নাঙান্‌ রাগেল শমূয়েল।

১ শমূয়েল 12:11

সেক্কে লগেপ্রভু যিরুব্বাল, বদান, যিপ্তহ আর শমূয়েলরে পাদেইনে তমার চেরোকিত্তে শত্রুগুনোর আঢত্তুন তমারে রোক্ষে গুরিলো। সে পরেন্দি তুমি দোলেদালে বসত্তি গুরি পারিলে।

১ শমূয়েল 16:1

পরেদি লগেপ্রভু শমূয়েলরে কলঅ, “মুই শৌলরে ইস্রায়েলীয়গুনোর রাজা ইজেবে এলাফেলা গোজ্যং, সেনত্তেই তুই আর কয়দিন দুঃখো গুরিবে? ইক্কিনে তুই তর্‌ বাঁশিবোত্‌ তেল ভোরেইনে নিগিলি যাহ্। মুই তরে বৈৎলেহম আদামর যিশয়র ইদু পাদাঙর্‌। মুই তার পূঅগুনো ভিদিরেত্তুন মর্‌ নিজোর নাঙে একজনরে রাজা অবাত্তে বাঁজেই রাগেয়োং।”

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।

১ শমূয়েল 17:45

সেক্কে দায়ূদে সেই পলেষ্টীয়বোরে কলঅ, “তুই মইদু এজত্তে লাম্বা কিরিচ্‌, শেল্‌ আর ছুড়িলোই, মাত্তর্‌ মুই তইদু এজঙর্‌ পুরো খেমতার অধিকারী লগেপ্রভু, ইস্রায়েলীয় সৈন্যদলুনোর গোজেনর নাঙান্দোই, যিবেরে তুই ঘিনেয়োচ্‌।

১ শমূয়েল 2:11

ইয়েনর্ পরেন্দি ইল্‌কানা রামাত্ তার নিজোর ঘরত্‌ ফিরি গেলঅ, মাত্তর্‌ শমূয়েলে ধর্মগুরু এলির অধীনোত্তুন্‌ লগেপ্রভুর সেবা গরা ধুরিলো।

১ শমূয়েল 2:18

মাত্তর্‌ চিগোন চিঝি শমূয়েল মসীনা সুদোলোই এফোদ উরিনে লগেপ্রভুর সেবা কাম্‌ গরা ধুরিলো।

১ শমূয়েল 2:4

বোলী মান্‌জ্যর ধনু ভাঙি যেইয়্যে, মাত্তর্‌ যিগুনে পড়ি যেইয়োন তারা বোলী ওই উদিনে ঠিয়্যেইয়োন।