ইব্রীয় 11:29 - Chakma Bible

²⁹ বিশ্বেজ্ গুরিনে ইস্রায়েলীয়গুনে শুগুনো মাদি উগুরেদি আঢি যাইদ্যে ধোক্ক্যেন গুরিনে লোহিত সাগরান্ পার্ ওইয়োন মাত্তর্ মিসরীয়গুনে সিয়েন গুরিবাত্যে যেইনে ডুবিনে মুরিলাক্।

ইব্রীয় 11:29 ပူးပေါင်းရင်းမြစ်များ

নহিমিয় 9:11

তুই তারার্‌ মুজুঙোত্‌ সাগরানরে দ্বিভাগ্‌ গোজ্যস্‌, সেনত্তেই তারা শুগুনো ভূইয়ানর্‌ উগুরেন্দি পার্‌ ওই যেইয়োন্‌; মাত্তর্‌ যিগুনে তারারে লোড়েইনে এত্তন্‌ তুই তারার্‌ পানিগানর্‌ গঙার্‌লোই পাত্তর্‌ ফেলাইদে ধোক্ক্যেন্‌ গুরিনে গভীন্‌ পানিত্‌ ফেলে দুয়োজ্‌।

গীতসংহিতা 66:6

তে দোজ্যে সাগরানরে গোজ্যে শুগুনো জাগা; তারা ঠেঙোই আঢিনে গাঙান্ পার্ ওইয়োন। এজ, আমি দেজ ভিদিরে তারে নিইনে ফুত্তি গুরিই।

গীতসংহিতা 78:13

তে সাগরান দ্বিভাগ গুরিনে সংমোধ্যেন্দি তারারে নেযেয়্যে; তে পানিগানরে ভিদে ধোক্ক্যেন্ গুরি থিয়্যেই রাগেয়্যে।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 14:22

ইস্রায়েলীয়গুনে বড়গাঙর্‌ সংমোধ্যেদি শুগুনো মাদির্‌ পথতান্‌ বেইনে আঢা মারিলাক্। তারার্‌ ডেনে-বাঙেদি বড়গাঙর্‌ পানিগান দেবাল ধোক্ক্যেন ওইনে দ্বিডাগেদি ঠিয়্যেই রলঅ‌।

যাত্রা 14:27

সেক্কে মোশি তাঁর্‌ আত্তান্‌ বড়গাঙ উগুরে বাবেই দিলো। বেন্যেপোত্যে বড়গাঙ পানিগান নিজো জাগাত্‌ ফিরি এলঅ‌। মিসরীয়গুনে সেক্কে ডেনে-বাঙে দাবাদেদি গত্তন্‌, মাত্তর্‌ লগেপ্রভু তারারে বড়গাঙর্ তুবোলে ভাজেই নেযেল।

যিহোশূয় 2:10

মিসর দেজত্তুন তমারে নিগিলেই আনিবার পরেন্দি লগেপ্রভু কেধোক্ক্যেন গুরি লোহিত সাগরর্‌ পানিগান তমা মুজুঙোত্তুন শুগেই ফেলেয়্যে সিয়েন আমি শুন্ন্যেই। সীহোন আর ওগ নাঙে যর্দনর পূগ পারন্দি দ্বিবে ইমোরীয় রাজারে শেজ্‌ গুরি দিইনে তুমি তারারে কি দজা গোজ্য সিয়েন-অ আমি শুন্ন্যেই।