ইব্রীয় 11:26 - Chakma Bible

²⁶ তে মিসরর্ ধন-সোম্বোত্তিত্তুন্ খ্রীষ্টত্যে অগমান্ অনার্ দামান বোউত বেশ্ বিলি মনে গুরিলো, কিয়া তা চোগ্‌কো এলদে বক্‌শিজ ইন্দি।

ইব্রীয় 11:26 ပူးပေါင်းရင်းမြစ်များ

গীতসংহিতা 37:16

বোউত্ পাজি মান্‌জ্যর্ ভালোক্কানি ধন আঘে, মাত্তর্ গোজেন ভক্তগুনোর্ যিয়েনি আঘে সিয়েনিই যদেষ্ট।

গীতসংহিতা 69:20

ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

গীতসংহিতা 69:7

মুই তত্তেই অগমান সোজ্য গোজ্যং, অসর্মানে মর্ মুয়োন ঢাগা যেইয়্যে।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

গম্ উপদেজ্ 23:18

সালে তর্ ভবিচ্চদর্ আজা আঘে, আর তঅ আজাগান ভাঙি দিয়্যে ন-অবঅ।

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

মথি লেখ্যে গম্ হবর্ 10:41

কনঅ ভাববাদীরে যুনি কনজনে ভাববাদী বিলি মানি লয় সালে ভাববাদীবো যে বক্‌শিজ্‌চান পেবঅ তেয়ো সে বক্‌শিজ্‌চান পেবঅ। এক্কো গোজেন ভক্ত মান্‌জ্যরে যুনি কনজনে গোজেন ভক্ত মানুচ্ বিলি মানি লন্ সালে গোজেন ভক্ত মানুচ্চো যে বক্‌শিজ্‌চান পেবঅ তেয়ো সে বক্‌শিজ্‌চান পেবঅ।

মথি লেখ্যে গম্ হবর্ 5:12

তুমি ফুত্তি গরঅ আর হুজি ওইয়ো, কিয়া স্বর্গত্ তমাত্তে দাঙর্ বক্‌‌শিজ্ আঘে। তমা আগেদি যে ভাববাদীগুন এলাক্ মান্‌‌জ্যে তারারেয়ো এবাবোত্যেগুরি অত্যেচার্ গুরিদাক্।

মথি লেখ্যে গম্ হবর্ 6:1

উজিয়ার্, মান্‌জ্যরে দেগেবাত্তে ধর্মকাম্ ন-গোজ্য; যুনি গরঅ সালে তমা স্বর্গর্ বাবাত্তুন্ কনঅ বক্‌শিজ্ ন-পেবা।

লূকে লেখ্যে গম্ হবর্ 14:14

সেক্কে তুই গোজেনত্তুন্ বর্ পেবে, কিয়া তারা তর্ সেই বাত্যেনাগান্ শুজি ন-পারিবাক্। যেক্কে মরনত্তুন্ নিদ্দুজি মানুচ্চুনোরে জেদা গরা অবঅ সেক্কে তুই ইয়েনর্ শুজোনাগান্ পেবে।”

লূকে লেখ্যে গম্ হবর্ 14:33

শেজদি যীশু কলঅ, সেবাবোত্যেগুরি তমা ভিদিরে যুনি কেঅ চিন্তে-ভাবনা গুরিনে তার্ বেক্কানি ছাড়িনে ন-এজে সালে তে মঅ শিচ্চ্য ওই ন-পারে।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

ইফিষীয় 1:18

মুই আরঅ তবনা গরং যেন তমার মনর্ চোগ্‌কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

ফিলিপীয় 3:7

মাত্তর্ সিয়েনত্ মর্ যেদক্কানি লাভ্ ওইয়্যে খ্রীষ্টত্যে মুই ইক্কিনে সিয়েনিরে ক্ষতি বিলিনে মনে গরং।

ইব্রীয় 10:33

কনঅ কনঅ সময় বেক্কুনো মুজুঙোত্ অগমান্ আর অত্যেচার সোজ্জ্য গুরিনে তুমি থেঝেরা গরা খেইয়্যে ওইনে দুঘ্ পেইয়ো; যিগুনো উগুরে সেবাবোত্যে বেবহার গরা ওইয়্যে তারা সমারে দুঘ্ পেইয়ো;

ইব্রীয় 10:35

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।

ইব্রীয় 11:6

বিশ্বেজ্ বাদে গোজেনরে হুজি গরানা অসম্ভব, কিয়া গোজেন ইধু যে যায়, তাত্তুন্ বিশ্বেজ্ গরা পরিবোদে, গোজেনে আঘে আর যিগুনে তার্ আওজ্ মজিম চলন্ তারা তা আঢত্তুন্ তারার্ পাওনা পান্।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,

ইব্রীয় 2:2

স্বর্গদূত্‌তুনোরে দিইনে যে কধানি কুয়ো ওইয়্যে সিয়েনির দঅ কনঅ লড়্‌চড় ন-অয়; সিয়েনি বাদে যে কেঅ গোজেনর্ উগুম অমান্য গোজ্জ্যে আর তা কধানি শুনিবাত্যে ন-চায় তে তার্ উজিত সাজা পেয়্যে।

১ পিতর 1:11

তারা মনত্ খ্রীষ্টর আত্মাগানে আগেদি সাক্ষ্য দিইনে কোইয়্যেদে যে, খ্রীষ্টর দুঘ্ ভুগো পরিবো আর সে পরেদি তে মহিমা পেবঅ। ভাববাদীগুনে জানিবাত্যে চেইয়োন খ্রীষ্টর্ সেই আত্মাগানে কন্‌ সময়োত্ আর কন্‌ অবস্থার কধা তারারে জানার্।

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।

রূত 2:12

ইয়েনত্যেই লগেপ্রভু যেনে তরে বর্‌ দে। ইস্রায়েলীয়গুনোর গোজেন্‌ লগেপ্রভু, যিবের্‌ ছাবাত্‌ তলে তুই ঝিরেবাত্তে এচ্ছোস্‌, তে যেনে তরে তর্‌ পাওনাগান পুরোপুরিই দে।”