ইব্রীয় 11:25 - Chakma Bible

²⁵ তে পাপর্ কানক্কন্ন্যে হুজি বাদ্ দিইনে গোজেন মানুচ্চুনো সমারে অত্যেচার ভুগোনা বেঈ ললঅ।

ইব্রীয় 11:25 ပူးပေါင်းရင်းမြစ်များ

ইয়োব 20:5

শদানুনোর্‌ রঙ্গ-ফুত্তি কানক্কণ্‌। গোজেন উগুরে ভোক্তি নেইয়্যেগুনোর হুজিগান্ বানা কানক্কণত্তে থায়;

ইয়োব 36:21

উজিয়ার অ, ভান্ন্যেয়দি ন-ফিরিবে, কিত্যে দুঘ্ পানাত্তুন ভান্ন্যেয়ান তইদু প্রিয়।

গীতসংহিতা 47:9

জাদ্‌তুনো ভিদিরে যিগুনে দাঙর্ পোজিশনর মানুচ্, তারা এক্কান জাগাত্ এগত্তর্ অন্, অব্রাহামর গোজেনর মানুচ্ ইজেবে এগত্তর্ অয়। পিত্‌থিমীর বেক্ শাজন্‌গুরিয়্যেগুনে গোজেনর তলেদি, তেয়ই বেগত্তুন দাঙর্।

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

যিশাইয় 21:4

মঅ মনান্ ধুক্ ধুক্ গরের্; অমকদ দর্ বুগ লাগিনে যারকাদা ছারি উদোন্। যে সাজোন্যেগানত্তে মুই বাজ্জেই থেদুং সিয়েন ইক্কিনে মইদু দর্‌গরেপারা ওইয়্যে।

দানিয়েল 3:18

মাত্তর্ ও মহারাজ, তে যুনি সিয়েন নয়ো গরে তো আমি তর্ দেবেদাগুনোরে সেবা ন-গুরিবোং বা তর্ থিদেবর্ গোজ্যে সোনার মূত্তিবোরে জু জু ন-জানেবং।”

মথি লেখ্যে গম্ হবর্ 13:21

মাত্তর্ তারা ভিদিরে শিঙোরান্ গমে ডালে ন-বজে বিলি তারা কানক্কনত্তে থির্ থান্। যেক্কে সে কধানিত্তে দুঘ্ আর অত্যেচার্ এজে সেক্কে তারা পিজেদি যান্।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

রোমীয় 5:3

বানা সিয়েন্ নয়, দুঘ্-কষ্ট পেলেয়ো আমি হুজী ওর্, কিয়া আমি কোই পারিই দুঘ্-কষ্টর্ ফল ধৈয্য,

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

ইব্রীয় 10:32

আগ দিনুনোর্ কধানি মনত্ তুলি চঅ। সেক্কেনে পহ্‌র পেইনে দুঘোত্ ভারী কষ্টর্ মোধ্যেয়ো তুমি থির্ এলা।

ইব্রীয় 11:37

মান্‌জ্যে তারারে পাত্তর্ মাজ্জ্যন্, আড়ালোই দ্বিকট্টা গুরি কাপ্প্যন্ আর ছুরিলোই খুন্ গোজ্জ্যন। তারা অত্যেচার আর ভান্ন্যেই বেবহার পেইয়োন, আর রাদত্ পড়িনে ভেড়া আর ছাগল চাম্ পিনিনে ঘুরি বেড়েদাক্।

ইব্রীয় 4:9

সালে দেগা যায়, গোজেন মানুচ্চুনোত্যে জিরেবার জু আঘে,

যাকোব 1:20

কিয়া গোজেনে আমাত্তুন্ যে গম্ জিংকানি আজা গরে সিয়েন রাগর্ পৌইদ্যেনে ন-এজে।

যাকোব 5:5

এই পিত্‌থিমীত্ তুমি ভারী আরামে দিন কাদেয়ো আর বে-ইজেবি গুরি চলর্। মুরিবার দিন্নোত্যে তুমি নিজোরে বানা তাজা গোজ্জ্য।

১ পিতর 2:10

এক সময়োত্ তুমি গোজেনর্ মানুচ্‌ ন-এলা, মাত্তর্ ইক্কিনে ওইয়ো; এক সময়োত্ তুমি দোয়্যে ন-পঅ, মাত্তর্ ইক্কিনে পেইয়ো।

ফগদাং পেইয়্যে 18:7

তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’